ພະຍາດເລືອດຈາງ ເຮັດໃຫ້ເກີດອາການອ່ອນເພຍ, ບໍ່ມີແຮງ, ຜິວເຫຼືອງ, ເມື່ອຍງ່່າຍ ຫົວໃຈເຕັ້ນແຮງ, ການຂາດທາດເຫຼັກນັ້ນເປັນກະແຈສໍາຄັນ ຂອງການເກີດພະຍາດຮ້າຍແຮງຕ່າງໆ. ການບໍາລຸງເລືອດ ແລະຮັກສາເລືອດຈຶ່ງເປັນເລື່ອງສຳຄັນ
- ຜັກສີຂຽວ: ຈຳພວກຜັກສີຂຽວເຊັ່ນ: ຜັກບົ້ງ, ຜັກກາດ, ຜັກອີຮຸມ ແລະຜັກຕ່າງໆທີ່ເປັນສີຂຽວເຫຼົ່ານີ້ ຄວນກິນຮ່ວມກັບອາຫານທີ່ມີໂປຣຕີນສູງເຊັ່ນ: ໝາກສົ້ມ ຫຼືໝາກຫຸ່ງ ເພື່ອຊ່ວຍໃຫ້ຮ່າງກາຍດູດຊຶມທາດເຫຼັກໃນພືດຜັກເຫຼົ່ານີ້ໄດ້ດີ
- ເລືອດ, ຕັບ, ຊີ້ນ: ທາດເຫຼັກທີ່ຢູ່ໃນອາຫານປະເພດເລືອດ, ຕັບ, ຊີ້ນ ຮ່າງກາຍສາມາດດູດຊຶມ ແລະເອົາໄປໃຊ້ໄດ້ດີ. ດັ່ງນັ້ນ ໃຜທີ່ຕ້ອງການທາດເຫຼັກສູງ ຄວນກິນເລືອດ, ຕັບ ແລະຊີ້ນສັດຕ່າງໆ ໂດຍສະເພາະຊີ້ນແດງ ຄວນກິນອາທິດລະ 2-3 ຄັ້ງ
- ອາຫານທະເລ, ມ້າມ ແລະໄຂ່ແດງ: ອາຫານເຫຼົ່ານີ້ຈັດເປັນທາດເຫຼັກ ທີ່ຮ່າງກາຍສາມາດດູດຊຶມທາດເຫຼັກໄດ້ດີ ໃນອັດຕາການດູດຊຶມຫຼາຍຮ້ອຍລະ 20-30% ຫາກໄດ້ກິນອາຫານເຫຼົ່ານີ້ຮ່ວມກັບວິຕາມິນຊີຈາກໝາກໄມ້ເຊັ່ນ: ໝາກໄມ້ທີ່ມີລົດສົ້ມ ຫຼືໝາກສີດາ ການດູດຊຶມທາດເຫຼັກເຂົ້າສູ່ລຳໄສ້ນ້ອຍ ຈະດູດໄດ້ດີທີ່ສຸດ
- ຖົ່ວ ແລະແກ່ນໝາກໄມ້: ຈຳພວກຖົ່ວແດງ, ຖົ່ວດຳ, ໝາກເດືອຍ, ແກ່ນໝາກອຶ, ສິ່ງເຫຼົ່ານີ້ອຸດົມດ້ວຍທາດເຫຼັກສູງ. ດັ່ງນັ້ນ ຜູ້ທີ່ບໍ່ມັກກິນເນື້ອສັດ ອາດເສີມທາດເຫຼັ້ກດ້ວຍການກິນອາຫານເຫຼົ່ານີ້
- ເຂົ້າບາງສາຍພັນ: ເຂົ້າເສີມທາດເຫຼັກ, ເຂົ້າກໍ່າ, ເຂົ້າຫອມ ຈຳພວກນີ້ຈະຈັດເປັນຄາໂບໄຮເດດທີ່ມີທາດເຫຼັກສູງ ໂດຍເຂົ້າເຫຼົ່ານີ້ ຈະອຸດົມດ້ວຍທາດເຫຼັກ, ກຼົດໂຟລິກ, ຄໍໂຣຟີນ, ເຊິ່ງເປັນສານທີ່ມີໂມເລກຸນຄ້າຍຄືຮີໂມໂກຣບິນໃນເມັດເລືອດແດງ ເໝາະກັບຄົນທີ່ຕ້ອງການເສີມທາດເຫຼັກແຕ່ບໍ່ນິຍົມກິນຊີ້ນສັດ
- ໝາກເຜັດ, ກະທຽມ, ຂີ້ມິ້ນ: ເປັນສະໝຸນໄພທີ່ມີສ່ວນຊ່ວຍໃນການໄຫຼວຽນຂອງເລືອດໃຫ້ໄດ້ດີ ອີກຍັງຊ່ວຍຫຼຸດຄວາມດັນເລືອດໃຫ້ຢູ່ປົກກະຕິ
- ນໍ້າຫວ້ານຫາງແຂ້: ຫວ້ານຫາງແຂ້ ອຸດົມດ້ວຍຄໍໂລຟີນ, ກຼົດອາມີໂນ, ເອນໄຊ, ວິຕາມິນ ແລະແຮ່ທາດຫຼາຍຊະນິດ ເຊິ່ງມີຄຸນສົມບັດໃນການລ້າງສິ່ງເສດເຫຼືອໃນຮ່າງກາຍ, ຕ້ານການອັກເສບ ແລະສົ່ງເສີມລະບົບໄຫຼວຽນຂອງເລືອດ ໃຫ້ເຮັດວຽກໄດ້ດີຂຶ້ນ
ເພາະເລືອດມີໜ້າທີ່ສໍາຄັນຕໍ່ຮ່າງກາຍຫຼາຍ ບໍ່ວ່າຈະເປັນການສົ່ງຕໍ່ສານອາຫານໃຫ້ແກ່ເຊວຕ່າງໆໃນຮ່າງກາຍ ຂັບສິ່ງເສດເຫຼືອ ແລະຕໍ່ສູ້ກັບເຊື້ອພະຍາດ, ທຸກຄົນຈຶ່ງຈຳເປັນຕ້ອງບຳລຸງຮັກສາເລືອດ ໃຫ້ມີຄຸນນະພາບທີ່ສຸດ ເພື່ອໃຫ້ຕໍ່ສູ້ກັບພະຍາດຮ້າຍຫຼາຍຊະນິດ ເລືອກກິນອາຫານທີ່ດີຕໍ່ເລືອດ
ທີ່ມາ: kaijeaw
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສ