5 ໂຄງການໃຫຍ່ປ່ຽນໂສມນະຄອນໄກສອນ ພົມວິຫານ ໃຫ້ເປັນເມືອງໜ້າຢູ່ທີ່ສຸດໃນອານາຄົດ

Kaysone-Phomvihane-City
Kaysone-Phomvihane-City

ທ່ານ ພົມມາ ວົງພະຈິດ ຫົວໜ້າພະແນກໂຍທາທິການ ແລະ ຂົນສົ່ງ ແຂວງ ສະຫວັນນະເຂດ ໄດ້ແຈ້ງຕໍ່ທີມຂ່າວວຽງຈັນທາມ ໃນບໍ່ດົນມານີ້ວ່າ: ການພັດທະນາດັ່ງກ່າວລວມມີໂຄງການກໍ່ສ້າງປັບປຸງຮ່ອງລະບາຍນໍ້າເປື້ອນ ແລະ ຕິດຕັ້ງເຄື່ອງສູບນໍ້າ, ປັບປຸງ ແລະ ກໍ່ສ້າງຖະໜົນໄກສອນ ພົມວິຫານ, ກໍ່ສ້າງປັບປຸງຍົກລະດັບຖະໜົນ ຟ້າງຸ່ມ ແລະ ສວນສາທາລະນະ, ປັບປຸງສະໜາມກໍາຈັດຂີ້ເຫຍື້ອພ້ອມທັງສິ່ງອໍານວຍຄວາມສະດວກໃນການແຍກຂີ້ເຫຍື້ອ, ໂຮງງານຝຸ່ນໂບມ ແລະ ໂຄງການຕ້ານຕາຝັ່ງເຈື່ອນ.

ພະແນກ ໂຍທາທິການ ແລະ ຂົນສົ່ງ ແຂວງ ສະຫວັນນະເຂດ ໄດ້ແຈ້ງໃຫ້ຮູ້ວ່າ: ທາງພະແນກກໍາລັງສຸມໃສ່ 5 ໂຄງການໃຫຍ່ເພື່ອພັດທະນາພື້ນຖານໂຄງລ່າງພາຍໃຕ້ໂຄງການສ້າງນະຄອນໄກສອນ ພົມວິຫານ ເປັນນະຄອນທີ່ໜ້າຢູ່.

ໂຄງການດັ່ງກ່າວແມ່ນໜຶ່ງໃນບັນດາໂຄງການທີ່ໄດ້ຮັບເງິນກູ້ຢືມ ແລະ ຊ່ວຍເຫຼືອລ້າຈາກທະນາຄານພັດທະນາອາຊີ, ເຊິ່ງມີມູນຄ່າການລົງທຶນຫຼາຍກວ່າ 4,5 ລ້ານໂດລາສະຫະລັດ. ປະຈຸບັນໂຄງການເຫຼົ່ານີ້ມີຄວາມຄືບໜ້າຫຼາຍກວ່າ 50% ແລະ ຄາດວ່າຈະສໍາເລັດການກໍ່ສ້າງໃນປີ 2021 ພາຍຫຼັງທີ່ເລີ່ມມາແຕ່ປີ 2013 ເຊິ່ງເປັນໂຄງການສ້າງ ນະຄອນໄກສອນ ພົມວິຫານ ເປັນນະຄອນ ທີ່ໜ້າຢູ່ໃນອະນາຄົດ.

 

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.