Homeຂ່າວພາຍ​ໃນ4 ​ເດືອນ​ຕົ້ນ​ປີ​ ທົ່ວ ນວ ​­ເປັນ​­ພະ­ຍາດ​ຖອກ­ທ້ອງ 1 ພັນກວ່າກໍ­ລະ­ນີ

4 ​ເດືອນ​ຕົ້ນ​ປີ​ ທົ່ວ ນວ ​­ເປັນ​­ພະ­ຍາດ​ຖອກ­ທ້ອງ 1 ພັນກວ່າກໍ­ລະ­ນີ

Published on

​ໃນ​​ໄລຍະ 4 ​ເດືອນ​ຕົ້ນ​ປີ 2019 ທົ່ວ​ນະ­ຄອນ­ຫລວງ​ວຽງ​ຈັນ, ມີ​ຄົນ​ເປັນພະ­ຍາດ​ຖອກ ­ທ້ອງ​ 1.200 ກໍ­ລະນີ, ທຽບ­ໃສ່​ໄລ­ຍະ​ດຽວ​ກັນ​ ຂອງ​ປີ 2018 ເຫັນວ່າເພີ່ມ​ຂຶ້ນ, ​ເນື່ອງ​ຈາກ​ວ່າ ປັດ­ຈຸບັນ ສະ­ພາບ​ອາ­ກາດ​​ຮ້ອນ​​​ຫລາຍ ຈຶ່ງ​ກໍ່­ໃຫ້­ເກີດ​​ພະ­ຍາດ​ດັ່ງ­ກ່າວ.

ທ່ານ​ ນາງ ໄຊ​ພອນ ນັນ­ທະ​ພອນ, ຫົວ­ໜ້າ​ພະ​ແນກ​ ສາ­ທາ­ລະ­ນະ​ສຸກ​ນະ­ຄອນ­ຫລວງ​ວຽງ​ຈັນ ໄດ້​ລາຍ​ງານ​ໃຫ້​ຮູ້​ເມື່ອ​ບໍ່​ດົນມາ​​ນີ້​ວ່າ: ​ສາ­ເຫດ​ທີ່​ກໍ່­ໃຫ້­ເກີດ​ເປັນ​ພະ­ຍາດຖອກ­ທ້ອງ​ ແມ່ນ​ເກີດ​ຈາກ​ສະພາບ​ອາ­ກາດ​ຮ້ອນ​ຫລາຍ ເປັນສາເຫດເຮັດ­ໃຫ້­ເກີດ​ອາ­ຫານ​ບູດ­ເນົ່າ​ໄວ, ການ​ປຸງ​ແຕ່ງ­ອາ­ຫານ​ບໍ່​ຖືກ​ສຸ​ຂະ​ອະ­ນາ­ໄມ ແລະ ມີ​ແມ­ງວັນ​​ຈັບ​ຕອມ​ອາ­ຫານ ສົ່ງ​ຜົນ​ໃຫ້​ອາ­ຫານ​ບໍ່​ສະ­ອາດມີ​ເຊື້ອ​ພະຍາດ. ເພື່ອ​ຫລີກ​ລ່ຽງ​ຈາກ​ພະ­ຍາດ​ດັ່ງ­ກ່າວ, ພະ​ແນກ​ສາ­ທາ­ລະ­ນະ​ສຸກ​ນະ­ຄອນ­ຫລວງ​ວຽງ​ຈັນ ໄດ້​ຈັດ​ທີມ​ງານ​ສຸ​ຂະ​ສຶກ​ສາ​ ສົມ­ທົບ​ກັບ​ທີມ​ງານ​ສຸ​ຂະ​ສຶກ​ສາ ຫ້ອງ­ການ​ສາ­ທາ­ລະ­ນະ​ສຸກ 9 ຕົວເມືອງ​ ລົງ​ໄປ​ໃຫ້​ສຸ​ຂະ​ສຶກ​ສາ ​ແກ່ຜູ້​ປະ­ກອບ​ການ​ຮ້ານ​ອາ­ຫານ ແລະ ຮ້ານ​ຂາຍ​ອາ­ຫານ​ສຸກ, ໂດຍ​ໃຫ້​ເອົາ­ໃຈ­ໃສ່​ໃນ​ການ​ປຸງ​ແຕ່ງ­ອາ­ຫານ​ໃຫ້​ສະ­ອາດ ແລະ ປອດ​ໄພ. ນອກ­ຈາກ​ພະ­ຍາດ​ຖອກ­ທ້ອງ ​ທີ່​ທຸກ​ຄົນ​ຕ້ອງ​ເອົາໃຈ­ໃສ່​ປ້ອງ​ກັນ​ແລ້ວ ຍັງ​ມີ​ອີກ​ພະ­ຍາດ​ໜຶ່ງ​ທີ່​ຕ້ອງ​ເອົາ­ໃຈ­ໃສ່​ປ້ອງ​ກັນ ຄື ພະ­ຍາດ​ຄວາມ­ດັນ­ເລືອດສູງ ແລະ ອາການ​ວິນ​ຫົວ ​ຕ້ອງ​ໄດ້ເອົາ­ໃຈ­ໃສ່​ບໍ່​ຢູ່​ສະຖານ​ທີ່​ແອ​ອັດ​ອາ­ກາດ​ຮ້ອນ ຕ້ອງ​ຢູ່​ສະຖານ​ທີ່​ໂລ່ງ​ແຈ້ງ ອາ­ກາດ​ປອດ­ໂປ່ງ ເພື່ອ​ຫລີກ​ລ່ຽງ ແລະ ປ້ອງ​ກັນ​ພະ­ຍາດ​ດັ່ງ­ກ່າວ.

ຢ່າງ​ໃດ​ກໍ່ຕາມ ພະ​ແນກ​ສາ­ທາ­ລະ­ນະ​ສຸກ​ນະ­ຄອນ­ຫລວງ​ວຽງ​ຈັນ ກໍໄດ້​ຮຽກ­ຮ້ອງ​ໃຫ້​ປະ­ຊາ­ຊົນ ​ເອົາ­ໃຈ­ໃສ່ ​ໃນ​ການ​ຮັກ­ສາ​ສຸ­ຂະ­ພາບ ໂດຍ​ປະ­ຕິ­ບັດ​ຕາມ​ຫລັກ​ອະ­ນາ­ໄມ 3 ສະ­ອາດ ຄື: ກິນ​ສະ­ອາດ, ປຸງ​ແຕ່ງ​ສະ­ອາດ ແລະ ບໍ­ລິ­ໂພກ​ອາ­ຫານ​ສະ­ອາດ ດ້ວຍ​ການ​ປຸງ​ແຕ່ງ​ໃໝ່ ແລະ ສຸກ​ດີ ໄປ​ພ້ອມ​ກັບ​ດື່ມ­ ນ້ຳ​ສະ­ອາດ ແລະ ດື່ມ­ນ້ຳ​ຕົ້ມ​ທີ່​ສຸກ​ດີ, ປົກ​ປິດ​ອາ­ຫານ​ບໍ່​ໃຫ້​ແມ­ງວັນ​ໄປ​ຕອມ ເພື່ອ​ຫລີກ​ລ່ຽງບໍ່​ໃຫ້​ເກີດ​ເປັນ​ພະ­ຍາດ​ຖອກ­ທ້ອງ​ໄດ້.

 

 

 

 

ຂຽນໂດຍ: ສະຫະລັດ ວອນທິວົງໄຊ

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...