spot_img
Homeຂ່າວຕ່າງປະເທດກຸ່ມຕິດອາວຸດ ໂບໂກ ຮາຣາມ ລັກພາໂຕພັນລະຍາຮອງນາຍົກແຄເມີຣູນ

ກຸ່ມຕິດອາວຸດ ໂບໂກ ຮາຣາມ ລັກພາໂຕພັນລະຍາຮອງນາຍົກແຄເມີຣູນ

Published on

EyWwB5WU57MYnKOuFZmh6xLXR8sEX6hudWTTosZ5ifh0WJblptfCmO

 

ທາງການແຄເມີຣູນ ໄດ້ອອກມາກ່າວຫາກຸ່ມຕິດອາວຸດ ໂບໂກ ຮາຣາມ ວ່າເປັນຜູ້ລັກພາໂຕພັນລະຍາ

ຮອງຮອງນາຍົກລັດຖະມົນຕີ ແລະ ນາຍົກເທດສະມົນຕີເມືອງທາງເໜືອຂອງປະເທດ.

 

ສຳນັກຂ່າວຕ່າງປະເທດລາຍງານວ່າ ກອງທັບຂອງປະເທດແຄເມີຣູນ ໄດ້ອອກມາກ່າວຫາກຸ່ມຕິດອາ

ວຸດໂບໂກຮາຣາມ ທີ່ເຄື່ອນໄຫວໃນປະເທດໄນຈີເຣຍວ່າ ກໍ່ການບຸກລັກພາໂຕເມຍຂອງທ່ານຮອງນາຍົກ

ລັດຖະມົນຕີແຫ່ງປະເທດແຄເມີຣູນ ທີ່ເມືອງໂຄໂລຟາຕາ ທາງພາກເໜືອຂອງປະເທດ ແລະ ບຸກລັກ

ພາໂຕນາຍົກເທດສະມົນຕີຂອງເມືອງດັ່ງກ່າວໄປອີກດ້ວຍ.

 

ພັນເອກ ເຟລິດ ເອັນຈີ ຟໍເມກົງ ຜູ້ບັນຊາການກອງທັບພູມີພາກຂອງແຄເມີຣູນເປີດເຜີຍວ່າ ເຮືອນ

ຂອງທ່ານຮອງນາຍົກລັດຖະມົນຕີ ອາມາດູ ອາລີ ຖືກນັກຮົບກຸ່ມຕິດອາວຸດ ໂບໂກ ຮາຣາມ ປະມານ

30 ຄົນ ບຸກໂຈມຕີຢ່າງຮຸນແຮງ ໃນຕອນເຊົ້າຂອງວັນອາທິດ (27 ກໍລະກົດ) ສັງຫານທະຫານ 3 ຄົນ

ແລະ ພົນລະເຮືອນອີກ 2 ຄົນ ກ່ອນທີ່ຈະຫຼົບໜີ ໂດຍໄດ້ຈັບໂຕພັນລະຍາຂອງທ່ານອາລີໄປດ້ວຍ ສ່ວນ

ທ່ານອາລີ ແມ່ນສາມາດຫຼົບໜີໄປຍັງເມືອງຂ້າງຄຽງໄດ້ຢ່າງປອດໄພ.

 

ຈາກນັ້ນ ກຸ່ມມືປືນດັ່ງກ່າວນີ້ ຍັງໄດ້ບຸກໂຈມຕີເຮືອນຂອງທ່ານ ລາມີນ ເຊນີ ບູກາ ນາຍົກເທດສະມົນ

ຕີເມືອງໂຄໂລຟາຕາ ສັງຫານສາລະວັດທະຫານ 2 ຄົນ ແລະ ລັກພາໂຕທ່ານ ບູກາ ໄປອີກດ້ວຍ, ເນື່ອງ

ຈາກການລັກພາໂຕດັ່ງກ່າວນີ້ ເກີດຂຶ້ນຫຼັງກຸ່ມໂບໂກ ຮາຣາມ ຍົກລະດັບຄວາມເປັນສັດຕູກັບປະເທດ

ແຄເມີຣູນຫຼາຍຂຶ້ນ ໂດຍໃນຊ່ວງ 5 ມື້ທີ່ຜ່ານມາ ເກີດການຍິງຕໍ່ສູ້ກັນລະຫວ່າງນັກຮົບກຸ່ມດັ່ງກ່າວ

ແລະ ທະຫານຂອງແຄເມີຣູນ ຂ້າມຊາຍແດນທາງພາກເໜືອ ເຮັດໃຫ້ມີທະຫານເສຍຊີວິດ 4 ຄົນ.

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...