spot_img
Homeຂ່າວພາຍ​ໃນສາທາລະນະສຸກເຕືອນ! '' ລະວັງເບື່ອເຫັດ '' ເຫດເກີດທີ່ບ້ານທ່ານາແລ້ງ ໂຊກດີບໍ່ມີຜູ້ເສຍຊີວິດ

ສາທາລະນະສຸກເຕືອນ! ” ລະວັງເບື່ອເຫັດ ” ເຫດເກີດທີ່ບ້ານທ່ານາແລ້ງ ໂຊກດີບໍ່ມີຜູ້ເສຍຊີວິດ

Published on

 

index

ວັນທີ 3 ກໍລະກົດນີ້ ຫົວໜ້າຂະແໜງລະບາດວິທະຍາ, ພະແນກສາທາລະນະສຸກນະຄອນຫຼວງວຽງ​ຈັນ,

ໄດ້ຖະແຫຼ່ງຕໍ່ນັກຂ່າວຂອງພວກເຮົາວ່າ: ເມື່ອມໍ້ໆມານີ້ ໄດ້ມີກໍ​ລະນີເບື່ອເຫັດເກີດຂຶ້ນຢູ່ບ້ານທ່ານາແລ້ງ,

ເມືອງຫາດຊາຍຟອງ, ນະຄອນຫຼວງວຽງຈັນມີ 7 ຄົນ, ຈາກ 3 ຄອບຄົວ, ໂຊກດີບໍ່ມີຜູ້ເສຍຊີວິດ, ສາເຫດ

ຂອງການເບື່ອເຫັດແມ່ນປະຊາຊົນຈຳນວນດັ່ງກ່າວ ໄດ້ນຳເອົາເຫັດທີ່ເກີດຈາກຕົ້ນບ້າວຄື: ເຫັດຄັນຮົ່ມ,

ຕີນແຮດ ແລະ ເຫັດຕົ່ງຝົນຢູ່ແຫຼ່ງດຽວກັນມາບໍລິໂພກ, ແລ້ວເກີດມີອາການວິນຫົວ, ປວດຮາກ ແລະ

ເຈັບທ້ອງ, ຈຶ່ງຖືກນຳສົ່ງໂຮງໝໍ, ຜ່ານການກວດພົບວ່າອາການ ດັ່ງກ່າວເກີດຈາກການເບື່ອເຫັດ ທາງ

​ແພດ​ໝໍ​ຈຶ່ງ​ໄດ້​ສຸມ​ໃສ່ລ້າງທ້ອງ​ປິນປົວ​​ໄດ້​ປອດ​ໄພ, ​ໃນແຕ່ລະປີ ເຖິງວ່າສາທາລະນະສຸກຈະ​ເອົາໃຈໃສ່

ແຈ້ງເຕືອນໃຫ້ປະຊາຊົນເພີ່ມຄວາມລະມັດລະວັງ ໃນການບໍລິ​ໂພ​ກເຫັດ ​ແຕ່ກໍ​ຍັງ​ປະ ​ກົດ​ມີຂຶ້ນ, ດັ່ງນັ້ນ

ອີກ​ເທື່ອໜຶ່ງ ຈຶ່ງຂໍເຕື່ອນມາຍັງປະຊາຊົນ ໃຫ້ມີສະຕິລະວັງຕົວຕື່ມ​ອີກ ໃນການບໍລິໂພກເຫັດຊະນິດຕ່າງໆ

ທີ່ອາດຈະນຳຜົນກະທົບມາສູ່ສຸຂະພາບ, ຖ້າຫາກບໍ່ແນ່ໃຈວ່າຊະນິດເຫັດທີ່ກິນບໍ່ໄດ້ ແມ່ນຫ້າມກິນເດັດ

ຂາດ, ຫ້າມກິນເຫັດຫຼາຍຊະນິດປົນກັນ ແລະ ຖ້າຫາກກິນເຫັດ ແລ້ວມີອາການຜິດປົກກະຕິ ເຊັ່ນ: ວິນຫົວ,

ປວດຮາກ, ເຈັບທ້ອງ ໃຫ້ໄປໂຮງໝໍດ່ວນ, ເນື່ອງຈາກໃນປັດຈຸບັນເຫັດບາງຊະນິດທີ່ເຄີຍກິນ ແຕ່ເກີດເບີ່ອ

ນັ້ນ​ ກໍ​ເນື່ອງ​ມາຈາກສານເຄມີຕົກຄ້າງທີ່ໃຊ້ປຸຍເຄມີໃນການກະເສດ ແລະ ເກີດຈາກການກິນເຫັດທີ່ເປັນ

ພິດຍ້ອນສັດປ່າທີ່ມີພິດຍ່ຽວໃສ່.

 

ທ່ານຫ​​ົວໜ້າ​ຂະ​ແໜງ​ລະບາດ​ວິທະຍາ​ໃຫ້​ຮູ້​ອີກ​ວ່າ: ແຕ່ລະປີຜ່ານມາມີການເບື່ອເຫັດ ເກີດຂຶ້ນເປັນຈຳນວນ

ບໍ່ໜ້ອຍ ແລະ ມີຜູ້ເສຍຊີວິດ​ແລ້ວຈຳນວນໜຶ່ງ,ໂດຍສະເພາະແມ່ນ ຢູ່ບັນດາ​ແຂວງພາກເໜືອ ແລະ ເຂດ

ຫ່າງໄກສີກຫຼີກ.

 

ທີ່ມາ: http://laophatthananews.blogspot.com/2014/07/blog-post_3012.html

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...