ນັບແຕ່ປີ 2009 ເປັນຕົ້ນມາ, ອົງການເຊມາເອິນ ອຸນດົງ ຫລື ອົງການພັດທະ ນາບ້ານແບບໃໝ່ ຂອງ ສ.ເກົາຫລີ ໄດ້ໃຫ້ທຶນສະ ໜັບສະໜູນໂຄງການກໍ່ສ້າງພື້ນ ຖານໂຄງລ່າງໃຫ້ແກ່ບ້ານຕົວແບບຈຳນວນ 5 ບ້ານຢູ່ເມືອງທຸ ລະຄົມ ແຂວງວຽງຈັນ ແລະ ບ້ານປາກແທກ ເມືອງສັງທອງ ນະຄອນຫລວງວຽງຈັນ ມາຮອດປັດຈຸບັນນັບວ່າມີຜົນສຳເລັດເປັນສ່ວນໃຫຍ່ ແລະ ເກີດຜົນປະໂຫຍດສູງສຸດ ປະຊາຊົນມີຄວາມພາກພູມໃຈກັບໂຄງການຊ່ວຍເຫລືອດັ່ງກ່າວເຊັ່ນ: ການ ໃຫ້ທຶນຊ່ວຍເຫລືອກໍ່ສ້າງພື້ນ ຖານໂຄງລ່າງບ້ານຕົວແບບດັ່ງ ກ່າວຕົກເປັນມູນຄ່າທັງໝົດ 1 ລ້ານກວ່າໂດລາສະຫະລັດ ປະ ກອບມີບ້ານຫາດໄຊ, ໂພນແຮ່, ບຸ່ງພ້າວ, ລິງຊັນ, ບ້ານເກິນເໜືອ ເມືອງທຸລະຄົມ ແຂວງວຽງຈັນ ແລະ ບ້ານປາກແທກ ເມືອງສັງທອງ ນະຄອນຫລວງວຽງຈັນ ໂດຍສະເພາະການກໍ່ສ້າງຖະໜົນຫົນທາງເຂົ້າບ້ານ ແລະ ການຈັດຊື້ອຸປະກອນການສຶກສາ, ສາທາ ລະນະສຸກ ແລະ ເຄື່ອງມືຮັບໃຊ້ການຜະລິດກະສິກຳອື່ນໆ ລວມ ທັງທຶນນຳໃຊ້ເຂົ້າໃນການໄປສຳມະນາ, ທັດສະນະສຶກສາຢູ່ ສ.ເກົາຫລີ ນຳອີກ.
ທ່ານ ຄຳຈັນ ຊາມຸນຕີ ຫົວ ໜ້າຫ້ອງການແຜນການ ແລະ ການລົງທຶນ ເມືອງທຸລະຄົມ ໃຫ້ຮູ້ວ່າ: ຜ່ານຈາກການສະໜັບ ສະໜູນທຶນສ້າງຕົວແບບຂອງບ້ານພັດທະນາດັ່ງກ່າວໄດ້ຊ່ວຍເຮັດໃຫ້ຊີວິດການເປັນຢູ່ຂອງປະຊາ ຊົນມີການປ່ຽນແປງດີຂຶ້ນ ແລະ ຄາດວ່າໃນຊຸມປີຕໍ່ໜ້າ ເມືອງທຸລະຄົມຍັງຈະໄດ້ຮັບການຊ່ວຍເຫລືອສະໜັບສະໜູນການພັດທະ ນາໃນຮູບແບບດຽວກັນນີ້ຕື່ມອີກຈຳນວນ 4 ບ້ານ.