ຍຶດດຊີງ​ຊັ່ງ​ບໍ່​ມາດຕະຖານ​ຫລາຍ​ໜ່ວຍ ຢູ່ຕາມ​ທ້ອງ​ຕະຫລາດ​ນະຄອນຫລວງ​ວຽງ​ຈັນ

0
1856

ພະ​ແນ​ກວິທະຍາສາດ ​ແລະ ​ເຕັກ​ໂນ​ໂລ​ຊີ ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ພາຍຫລັງ​ໄດ້​ລົງ​ກວດກາ​ມາດຕະຖານ​ຊີງ ຊັ່ງ​ນ້ຳໜັກ​ຢູ່ຕະຫລາດ​ມືດ​ທົ່ງ​ຂັນ​ຄຳ, ຫ້ວຍ​ຫົງ ​ແລະ ຕະຫລາດ​​ໂພນ​ສະຫວ່າງ ​​ໃນລະຫວ່າງ​ວັນ​ທີ 27-28 ພຶດສະພາ​ນີ້ ສາ ມາດ​ພົບ​ເຫັນ​ຊີງ​ຊັງ​ສິນຄ້າ​ຂອງ​ຊາວ​ຄ້າຈຳນວນ​ໜຶ່ງ​ບໍ່​ໄດ້​ມາດຕະຖານ​ ​ໂດຍ​ສ່ວນ​ໃຫຍ່​ແມ່ນ​ຂອງ​ແມ່​ຄ້າຂາຍ​ປາ, ຊີ້ນ ຈຶ່ງ​ໄດ້​ຢຶດ​ເອົາ​ມາ​​ໄວ້ເພື່ອ​ໄປ​ທຳລາຍ​ຖິ້ມ, ພ້ອມ​ທັງ​ສຶກສາ​ອົບຮົມ​ຊາວ​ຄ້າຂາຍ​ທີ່​ນຳ​ໃຊ້​ຊີງ​ບໍ່​ໄດ້​ມາດຕະຖານ.

ພະ​ແນ​ກດັ່ງກ່າວ ​ໃຫ້​ຮູ້​ວ່າ: ການ​ລົງ​ກວດກາ​​​ຄັ້ງນີ້ ​ແມ່ນ​ຍ້ອນ​ມີ​ຫາງ​ສຽງ​ສັງຄົມ​ສ່ອງ​ແສງ​ມາ​ວ່າ: ຢູ່ຕາມທ້ອງ​ຕະຫລາດ​ໃນ​ຕົວ​ເມືອງ​ມີ​ສະພາບ​ສໍ້ໂກງ​ຕາ​ຊີງເຊິ່ງຖື​ເປັນ​ການກະທຳ​ທີ່​ເອົາ​ປຽບ​ລູກ​ຄ້າກໍຄືຜູ້​ບໍລິ​ໂພ​ກ ​ແລະ ພ້ອມນີ້ໜ່ວຍ​ງານ​ກ່ຽວຂ້ອງ​ໄດ້​ນຳ​ເອົາ​ຊີງ​ທີ່​ມີມາດຕະຖານ​ໄປ​ປະ​ໄວ້​ເປັນ​​ຊີງ​ກາງ​ທີ່​ຫ້ອງການ​ຈັດ​ສັນ​ຕະຫຼາດ​ແຕ່ລະ​ແຫ່ງ, ຖ້າ​ຊື້ສິນຄ້າ​ໃດ​ໜຶ່ງ​ທີ່​ບໍ່​ແນ​ໃສ່​ກໍ​ສາ ມາດ​ນຳ​ມາ​ຊັ່ງ​ຄືນ​ທີ່​ຊີງ​ກາງ​ນີ້​ໄດ້​ ​ແລະ ​ຫາກ​ພົບ​ມີ​ການ​ສໍ້​ໂກງ​ຕາ​ຊີງ​ກໍສາ ມາດ​ແຈ້ງ​ຕໍ່​ເຈົ້າໜ້າ​ທີ່​ຈັດ​ສັນ​ຕະຫລາດ​ໂດຍ​ທັນທີ ​ເພື່ອ​ມີ​ມາດ​ຕະການ​ແກ້​ໄຂ.