ໄຊສົມບູນ ກັບບາດກ້າວການພັດທະນາວຽກວັດທະນະທຳ

0
201

ໄຊ​ສົມ­ບູນ ແຂວງ​ເກີດ​ໃໝ່​ຫຼ້າ​ສຸດ​ຂອງ​ລາວ​ມີ​ຫຼາຍ​ດ້ານ​ທີ່​ກຳ­ລັງ​ໄດ້​ຮັບ​ການ​ປັບ­ປຸງ ແລະ​ພັດ­ທະ­ນາ​ຂຶ້ນ​ຢ່າງ​ຕໍ່​ເນື່ອງ, ໃນ​ນີ້​ວຽກ​ງານ ຖວ​ທ ແຂວງ ໂດຍ​ສະ­ເພາະ​ດ້ານ​ວັດ­ທະ­ນະ­ທຳຖື​ວ່າ​ມີ ບາດ­ກ້າວ​ພັດ­ທະ­ນາ​ດີ​ຫຼາຍ, ໂດຍ ແຂວງ​ມີ​ພື້ນ­ຖານ​ວັດ­ທະ­ນະ­ທຳ ທາງ​ດ້ານ​ວັດ­ຖຸ ແລະ​ຈິດ­ໃຈ ທີ່​ມີ ຄວາມ​ຫຼາກ​ຫຼາຍ​ເປັນ​ເອ­ກະ­ລັກ ຂອງ​ປະ­ຊາ­ຊົນ​ບັນ­ດາ­ເຜົ່າ, ນອກ ນີ້ ຍັງ​ມີ​ຫຼາກ​ຫຼາຍ​ຊົນ­ເຜົ່າ​ທີ່­ຢູ່​ຮ່ວມ ກັນ​ຢ່າງ​ສັນ­ຕິ​ມີ​ວັດ­ທະ­ນະ­ທຳ, ຮີດ ຄອງ​ປະ­ເພ­ນີ​ທີ່​ດີ­ງາມ ແລະ​ເປັນ ເອ­ກະ­ລັກ​ສະ­ເພາະ​ຂອງ​ຕົນ.

ອີງ​ຕາມ​ຂໍ້​ມູນ​ຈາກ​ບົດ​ສະ­ຫຼຸບ ການ​ພັດ­ທະ­ນາ​ວຽກ​ງານ​ຖະ­ແຫຼງ ຂ່າວ, ວັດ­ທະ­ນະ­ທຳ ແລະ​ທ່ອງ ທ່ຽວ (ຖວ​ທ) ໄລ­ຍະ 3 ປີ (2013-2016) ແລະ​ທິດ​ທາງ ແຜນ­ການ 1 ປີ ຕໍ່­ໜ້າ (2016-2017) ຮູ້​ວ່າ: ແຂວງ​ໄຊ​ສົມ­ບູນ ມີ​ພື້ນ­ຖານ​ວັດ­ທະ­ນະ­ທຳ​ອັນ​ດີ ງາມ​ທາງ​ດ້ານ​ວັດ­ຖຸ ແລະ​ຈິດ­ໃຈ ທີ່​ມີ​ຄວາມ​ຫຼາກ​ຫຼາຍ​ເປັນ​ເອ­ກະ­ລັກ​ຂອງ​ປະ­ຊາ­ຊົນ​ບັນ­ດາ­ເຜົ່າ ເຊັ່ນ: ວັດ­ທະ­ນະ­ທຳ​ທາງ​ດ້ານ​ຮີດ­ຄອງ​ປະ­ເພ­ນີ, ວັດ­ທະ­ນະ­ທຳ​ດ້ານ ການ​ຢູ່-ກິນ ຫຼື ການ​ປຸກ​ສ້າງ ເຮືອນ​ຊານ, ວັດ­ທະ­ນະ­ທຳ​ທາງ ດ້ານ​ດົນ­ຕີ, ວັດ­ທະ­ນະ­ທຳ​ທາງ ດ້ານ​ການ​ແຕ່ງ​ຕົວ, ການ​ນຸ່ງ​ຫົ່ມ, ວັດ­ທະ­ນະ­ທຳ​ທາງ​ດ້ານ​ພາ­ສາ ປາກ​ເວົ້າ​ຂອງ​ແຕ່​ລະ​ເຜົ່າ, ວັດ­ທະ­ນະ­ທຳ​ຕົວ​ໜັງ­ສື (ອັກ­ສອນ­ສາດ), ວັດ­ທະ­ນະ­ທຳ​ທາງ​ດ້ານ​ການ​ທຳ​ມາ​ຫາ​ກິນ, ວັດ­ທະ­ນະ­ທຳ​ທາງ​ດ້ານ​ສັງ­ຄົມ, ວັດ­ທະ­ນະ­ທຳ​ທາງ​ດ້ານ ຈິດ­ໃຈ ແລະ​ອື່ນໆ.

ແຂວງ​ໄຊ​ສົມ­ບູນ ຍັງ​ປະ­ກອບ ດ້ວຍ​ຫຼາຍ​ຊົນ­ເຜົ່າ​ທີ່­ຢູ່​ຮ່ວມ​ກັນ ຢ່າງ​ສັນ­ຕິ​ມີ​ວັດ­ທະ­ນະ­ທຳ, ຮີດ­ຄອງ​ປະ­ເພ­ນີ​ທີ່​ດີ­ງາມ ແລະ​ເປັນ​ເອ­ກະ­ລັກ​ຂອງ​ຕົນ, ມີ​ອັດ​ທະ​ຍາ ໃສ​ໄມ­ຕີ​ຈິດ​ໃນ​ການ​ຕ້ອນ­ຮັບ​ແຂກ ຕ່າງ​ດ້າວ​ທ້າວ​ຕ່າງ​ແດນ, ມີ​ຄວາມ​ຍິ້ມ­ແຍ້ມ​ແຈ່ມ​ໃສ, ຊື່­ສັດ ແລະ ຊ່ວຍ­ເຫຼືອ​ເກື້ອ­ກູນ​ເຊິ່ງ​ກັນ ແລະ​ກັນ, ຖື​ຮີດ​ສິບ​ສອງ​ຄອງ​ສິບ​ສີ່, ຮີດ​ຍີ່​ຄອງ​ຈຽງ ແລະ​ງານ​ບຸນ​ປະ­ເພ­ນີ, ມີ​ຄວາມ​ຫຼາກ​ຫຼາຍ​ທາງ​ດ້ານ​ວັດ­ທະ­ນະ­ທຳ​ທີ່​ເປັນ​ເອ­ກະ­ລັກ​ສະ­ເພາະ ໂດຍ​ຈັດ​ຂຶ້ນ​ເປັນ​ປົກ­ກະ­ຕິ ແລະ​ຖື​ເປັນ​ງານ​ບຸນ​ປະ­ຈຳ​ທ້ອງ­ຖິ່ນ​ໃນ​ແຕ່​ລະ​ປີ.

ທີ່ມາ: ເສດຖະກິດ-ສັງຄົມ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.