spot_img
Homeຂ່າວນໍ້າຖ້ວມໄຊຍະບູລີຮັບຜົນກະທົບໜັກຈາກພາຍຸ "ດີເຟຣດຊັນໂຊນກາ"

ໄຊຍະບູລີຮັບຜົນກະທົບໜັກຈາກພາຍຸ “ດີເຟຣດຊັນໂຊນກາ”

Published on

ປັດຈຸບັນນີ້ ມີຜູ້ເສຍຊີວິດແລ້ວ 2 ຄົນຈາກເຫດນໍ້າໄຫລຊຸແຮງໃນເມືອງແກ່ນທ້າວ ແຂວງ ໄຊຍະບູລີ ພາຍຫລັງພາຍຸດີເຟຣດຊັນໂຊນກາພັດຜ່ານນັບແຕ່ວັນທີ 25-27 ກໍລະກົດ 2017 ນີ້ ເຊິ່ງກໍ່ໃຫ້ເກີດຝົນຕົກແຮງ ແລະ ປະລິມານນໍ້າຈາກສາຂາແມ່ນໍ້ານ້ອຍ-ໃຫຍ່ລົ້ນຝັ່ງເຂົ້າຖ້ວມບ້ານ, ເຮືອນ ແລະ ພື້ນທີ່ການຜະລິດຂອງປະຊາຊົນ.

ແຫລ່ງຂ່າວຈາກອໍານາດການປົກຄອງທ້ອງຖິ່ນພາຍໃນແຂວງໄຊຍະບູລີໄດ້ເປີດເຜີຍວ່າ: ເນື່ອງຈາກເກີດມີຝົນຕົກໜັກ ໃນກາງຄືນຂອງວັນທີ 27-28 ກໍລະກົດ 2017 ເຮັດໃຫ້ນ້ຳຫລາຍສາຍເພີ່ມສູງຂຶ້ນ ແລະ ໄຫລຊຸບ້ານເຮືອນຂອງປະຊາຊົນ ຢ່າງກະທັນຫັນ ຢູ່ບ້ານກົງແດງ ແລະ ບ້ານໜອງໃນເມືອງແກ່ນທ້າວ ແຂວງໄຊຍະບູລີ ສົ່ງຜົນເຮັດໃຫ້ເກີດຄວາມເສຍຫາຍ 89 ຫລັງຄາເຮືອນ ແລະ ມີຜູ້ເສຍຊີວິດຈຳນວນ 2 ຄົນ ພ້ອມນີ້ຍັງມີຊັບສິນຂອງປະຊາຊົນຈໍານວນໜຶ່ງເສຍຫາຍ.

ທ່ານ ອຳຄາ ລັດສະໝີ ຮອງເຈົ້າເມືອງແກ່ນທ້າວ ພ້ອມຄະນະ ໄດ້ລົງຕິດຕາມສະພາບໄພນ້ຳຖ້ວມຄັ້ງນີ້ ພ້ອມເປີດເຜີຍວ່າ: ສະເພາະບ້ານ ກົງແດງ ມີປະຊາຊົນທັງໝົດ 204 ຄອບຄົວ ເຊິ່ງໄດ້ຮັບຜົນກະທົບຈາກໄພນ້ຳຖ້ວມມີຈຳນວນ 32 ຄອບຄົວ ໃນນີ້ ເສຍຫາຍໜັກ 13 ຄອບຄົວ, ເຮືອນຖືກນ້ຳຊຸໜີ 2 ຫລັງ, ເລົ້າເຂົ້າ 1 ຫລັງ ລວມທັງໄຮ່ນາ ແລະ ສວນ ເສຍຫລາຍຈຳນວນຫລາຍ. ສ່ວນບ້ານໜອງ ມີປະຊາຊົນທັງໝົດ 355 ຄອບຄົວ ໄດ້ຮັບຜົນກະທົບ 57 ຫລັງຄາ, ເສຍຫາຍໜັກ 45 ຄອບຄົວ ແລະ ເສຍຊີວິດ 1 ຄົນ, ພ້ອມນັ້ນ ຍັງສ້າງຄວາມເສຍຫາຍໃຫ້ແກ່ເນື້ອທີ່ໄຮ ນາ ສວນ ຈຳນວນບໍ່ໜ້ອຍເຊັ່ນກັນ.

ທ່ານ ຮອງເຈົ້າເມືອງແກ່ນທ້າວກ່າວຕື່ມອີກວ່າ: ພາຍຫລັງເກັບກຳຂໍ້ມູນ ແລະ ປະເມີນຜົນເສຍຫາຍອັນລະອຽດແລ້ວ ຈະໄດ້ສະເໜີໃຫ້ຄະນະນຳແຂວງໄດ້ຮັບຊາບ ເພື່ອດຳເນີນການຊ່ວຍເຫລືອໂດຍໄວ. ຢ່າງໃດກໍຕາມ ການລົງຕິດຕາມສະພາບນ້ຳຖ້ວມຢູ່ສອງບ້ານຄັ້ງນີ້ ກໍໄດ້ນຳເອົານ້ຳດື່ມ, ອາຫານ ແລະ ອື່ນ ໄປປະ ກອບສ່ວນຊ່ວຍເຫລືອບັນເທົາທຸກໃນເບື້ອງຕົ້ນ ທັງໃຫ້ກຳລັງໃຈແກ່ປະຊາຊົນຜູ້ທີ່ໄດ້ຮັບເຄາະຮ້າຍທັງ 89 ຄອບຄົວ. ພ້ອມນັ້ນ ຍັງໄດ້ເຕືອນປະຊາຊົນ ທັງສອງບ້ານໃຫ້ມີສະຕິລະວັງຕົວຕື່ມ ເພາະຍັງມີສະພາບຝົນຍັງຈະສືບຕໍ່ຕົກ.

 

ແຫລ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...