spot_img
Homeຂ່າວການສຶກສາໂຮງຮຽນ ປັນຍາທິບ ກຽມເປີດສາຂາໃໝ່ໃນສົກຮຽນ 2014-2015

ໂຮງຮຽນ ປັນຍາທິບ ກຽມເປີດສາຂາໃໝ່ໃນສົກຮຽນ 2014-2015

Published on

ໂຮງຮຽນ ປັນຍາທິບ ກຽມເປີດສາຂາໃໝ່ໃນສົກຮຽນ 2014-2015

ໂຮງຮຽນປັນຍາທິບ ໄດ້ສ້າງຕັ້ງຂື້ນໃນປີ 2001 ມາຮອດປະຈຸບັນເປັນເວລາ 13 ປີແລ້ວ ໃນໄລຍະປີທຳອິດ, ໂຮງຮຽນໄດ້ມີແຕ່ຊັ້ນອະນຸບານເຖີງຊັ້ນ ປ. 3 ກັບຈຳນວນນັກຮຽນທັງໝົດ 38 ຄົນ ແລະ ຄູ 12ຄົນ. ຈາກຈຸດເລີ່ມຕົ້ນທີ່ນ້ອຍໆນີ້ ໂຮງຮຽນໄດ້ມີການປ່ຽນແປງທີ່ໂດດເດັ່ນ ໄດ້ເຕີບໃຫຍ່ຂະຫຍາຍໂຕຢ່າງໄວວາ. ໃນປະຈຸບັນ ໂຮງຮຽນໄດ້ມີນັກຮຽນທັງໝົດເກືອບ 700 ຄົນ, ມີພະນັກງານຄົນລາວ ແລະ ຄົນຕ່າງປະເທດຫຼາຍກວ່າ 100 ຄົນ. ໂຮງຮຽນມີຢູ່ສອງວິທະຍາເຂດໃນນະຄອນຫຼວງວຽງຈັນຄື: ໂຮງຮຽນປະຖົມ ແລະ ມັດຖະຍົມ ສະພານທອງເໜືອ ແລະ ໂຮງຮຽນອະນຸບານ ສະພານທອງໃຕ້ ທັງສອງໂຮງຮຽນແມ່ນຢູ່ໃນເມືອງສີສັດຕະນາກ.

ເນື່ອງຈາກທາງພວກເຮົາໄດ້ມີຄູ່ຮ່ວມທຸລະກິດທີ່ເປັນຄົນພື້ນຖານ ທີ່ແຂວງສະຫວັນນະເຂດ ຜູ້ເຊິ່ງເຂົ້າໃຈໄດ້ເຖີງສະພາບແວດລ້ອມ ແລະຄວາມຕ້ອງການຂອງຄົນສະຫວັນນະເຂດ ເຮັດໃຫ້ໂຄງການຂອງພວກເຮົາສາມາດດຳເນີນການໄດ້ສະດວກວ່ອງໄວ ຈື່ງນຳມາເຊິ່ງການເປີດສາຂາໂຮງຮຽນ ປັນຍາທິບ ທີ່ ແຂວງສະຫວັນນະເຂດ. ເພື່ອພ້ອມກັນສ້າງສາພັດທະນາຊັບພະຍາກອນມະນຸດ ພັດທະນາການຮຽນການສອນໃຫ້ມີຄຸນນະພາບໃນລະດັບສາກົນ ແລະສອດຄ່ອງກັບແນວທາງນະໂຍບາຍຂອງລັດຖະບານ. ອີກປະ ການໜື່ງເພື່ອກຽມຄວາມພ້ອມໃນການເຂົ້າສູ່ປະຊາຄົມອາຊຽນໃນປີ 2015 ທີ່ຈະມາເຖີງນີ້.

ໃນມື້ວັນເສົາ ທີ່ 17 ພຶດສະພາ 2014 ທີ່ຜ່ານມາ ຢູ່ທີ່ໂຮງແຮມລາວພລາຊາ. ໂຮງຮຽນ ນາໆຊາດປັນຍາທິບ ໄດ້ມີການຈັດງານຖະແຫຼງຂ່າວກ່ຽວກັບວິທະຍາເຂດໃໝ່ ທີ່ກຳລັງມີການປຸກສ້າງໂຮງຮຽນປັນຍາທິບ ແຂວງ ສະຫວັນນະເຂດ

ການສຶກສາເປັນສິ່ງໜຶ່ງທີ່ສຳຄັນ ແລະ ຈຳເປັນທີ່ສຸດ ແລະ ການໃຫ້ການສຶກສາທີ່ມີຄຸນນະພາບໃຫ້ແກ່ເດັກນ້ອຍແມ່ນການຮັບປະກັນອະນາຄົດທີ່ດີໃຫ້ແກ່ພວກເຂົາ. ນອກຈາກນີ້ພວກເຮົາຍັງຕ້ອງໃຫ້ການສຶກສາທີ່ສາມາດເຂົ້າເຖິງໄດ້ທຸກຄົນ. ແຂວງ ສະຫວັນນະເຂດ ເປັນສະຖານທີ່ຕັ້ງຍຸດທະສາດສໍາລັບຜູ້ປົກ ຄອງທີ່ໃນເມືອງຫຼືແຂວງທີ່ໄກ້ຄຽງ ເພື່ອໃຫ້ການສຶກສາໃນລະດັບສາກົນໃຫ້ແກ່ລູກຫຼານຂອງພວກເຮົາ.

ໂຮງຮຽນປັນຍາທິບສຶກສາ ແມ່ນນຳໃຊ້ສອງຫຼັກສູດຄື: ຫຼັກສູດພາສາລາວ ແມ່ນນຳໃຊ້ຫຼັກສູດຂອງກະຊວງສຶກສາທິການ ແລະກິລາ, ຫຼັກສູດພາສາອັງກິດແມ່ນນຳໃຊ້ຫຼັກສູດແຄມບຣິດ (CAMBRIDGE) ປະເທດອັງກິດ, ໂດຍມີຮຽນພາສາຈີນເປັນພາສາທີ່ສາມ ແລະນອກຈາກນັ້ນ ໂຮງຮຽນຍັງມີກິດຈະກຳຕ່າງໆເຊັ່ນ: ປຸງແຕ່ງອາຫານ, ການເຮັດເຄື່ອງປະດັບ, ສີລະປະ, ຫັດຖະກຳ, ການເຕັ້ນ ແລະກິດຈະກຳອື່ນໆອີກຫຼາຍຢ່າງພວກເຮົາຍັງມີກິດຈະກຳຫຼັງເລີກຮຽນທີ່ຢາກຈະແນະນຳໃຫ້ໂຮງຮຽນຫຼັງໃໝ່ນີ້ເຊັ່ນ: ການຫຼິ້ນກິລາເຕະບານ, ກິລາບານບ້ວງ, ບານຕີ ແລະກິລາອື່ນໆທີໜ້າສົນໃຈ.

ສຳລັບມື້ເປີດສົກຮຽນແມ່ນວັນທີ 1 ກັນຍາ ໃນສົກຮຽນ 2014-2015 ນີ້ ພວກເຮົາຈະເລີ່ມເປີດການຮຽນການສອນນັບແຕ່ຊັ້ນກຽມອະນຸບານ ເຖິງຊັ້ນປະຖົມປີທີສີ່ ຫຼັງຈາກນັ້ນໃນສົກຮຽນຕໍ່ໆໄປຈະເລື່ອນຊັ້ນຂຶ້ນໄປຕາມລຳດັບຈົນເຖິງລະດັບຊັ້ນມັດຖະຍົມສົມບູນ.

 

ພາບ ແລະບົດຂ່າວ: ໄຟຫຼ້າ

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...