Homeຂ່າວພາຍ​ໃນໂຮງຮຽນເກົາຫຼີ ກັບມາເປີດຮຽນໄດ້ມື້ດຽວ ປິດຄືນອີກ ຫຼັງພົບນັກຮຽນຕິດເຊື້ອໂຄວິດ-19

ໂຮງຮຽນເກົາຫຼີ ກັບມາເປີດຮຽນໄດ້ມື້ດຽວ ປິດຄືນອີກ ຫຼັງພົບນັກຮຽນຕິດເຊື້ອໂຄວິດ-19

Published on

ສຳນັກຂ່າວ ຊີເອັນເອັນ ລາຍງານສະຖານະການໂຄວິດ-19 ເມື່ອວັນທີ 21​ ພຶດສະພາ 2020 ໃນເກົາຫຼີໃຕ້ວ່າ ໂຮງຮຽນຫຼາຍສິບແຫ່ງທົ່ວປະເທດທີ່ຫາກໍກັບມາເປີດຮຽນໄດ້ພຽງ 1​ ມື້ ຕ້ອງປິດຮຽນອີກຄັ້ງຫຼັງນັກຮຽນມັດທະຍົມ 2​ ຄົນ ຕິດເຊື້ອໄວຣັສໂຄໂຣນາສາຍພັນໃໝ່ ທີ່ເມືອງ ອິນຊອນ ຄາດວ່າມີຄວາມເຊື່ອມໂຍງກັບການລະບາດໃນ ອີແທວອນ ຍ່ານກາງຄືນຂອງເມືອງຫຼວງໂຊ ເຊິ່ງມີຜູ້ຕິດເຊື້ອກ່ອນໜ້ານີ້ຫຼາຍກວ່າ 200 ຄົນ.

ນອກຈາກນີ້, ໂຮງຮຽນມັດທະຍົມແຫ່ງໜຶ່ງໃນເມືອງ ແທກູ ສູນກາງການລະບາດໂຄວິດ-19 ຂອງເກົາຫຼີໃຕ້ ຕ້ອງສົ່ງນັກຮຽນກັບບ້ານ ແລະ ປິດຮຽນເຊັ່ນກັນ ຫຼັງຈາກທີ່ນັກຮຽນ 1 ຄົນ ບໍ່ສະບາຍດ້ວຍໂຣກດັ່ງກ່າວ ເຊິ່ງເປັນໜຶ່ງໃນນັກຮຽນ 17 ຄົນທີ່ຍ້າຍເຂົ້າມາຢູ່ຫໍພັກຂອງໂຮງຮຽນດັ່ງກ່າວບໍ່ເທົ່າໃດມື້.

ທັງນີ້ ໂຮງຮຽນໃນ ເກົາຫຼີໃຕ້ ກັບມາເປີດຮຽນຄືນເທື່ອທຳອິດໃນວັນພຸດ ວັນທີ 20 ພຶດສະພາ ເປັນຄັ້ງທຳອິດໃນຮອບ 3 ເດືອນທີ່ຜ່ານມາ ດ້ວຍມາດຕະການປ້ອງກັນໂຄວິດ-19 ຢ່າງເຂັ້ມງວດ ຕັ້ງແຕ່ກວດອຸນຫະພູມ ໃສ່ໜ້າກາກອະນາໄມ ແລະ ນັ່ງໂຕະຮຽນແຍກກັນຕາມແນວປະຕິບັດການຮັກສາໄລຍະຫ່າງທາງສັງຄົມ. ນັກຮຽນທີ່ໄດ້ຮັບອະນຸຍາດມາກັບຮຽນຕາມປົກກະຕິເປັນນັກຮຽນມັດທະຍົມສຶກສາ ສ່ວນນັກຮຽນລະດັບຊັ້ນອື່ນໆຈະກັບມາຮຽນໃນວັນທີ 8 ມິຖຸນາ.

ຊີເອເອັນ ຊີ້ແຈ້ງຕື່ມວ່າ ເກົາຫຼີໃຕ້ມີຍອດຜູ້ຕິດເຊື້ອຫຼາຍກວ່າ 11.000 ຄົນ ແລະ ເສຍຊີວິດ 264 ຄົນ ເຊິ່ງກໍເບິ່ງໄດ້ວ່າເກົາຫຼີໃຕ້ສາມາດຄວບຄຸມການລະບາດເປັນສ່ວນໃຫຍ່ໄດ້ແລ້ວ ແລະ ກຳລັງພະຍາຍາມໃຫ້ປະຊາຊົນກັບມາໃຊ້ຊີວິດຕາມປົກກະຕິ ແຕ່ຂ່າວການພົບຜູ້ຕິດເຊື້ອຫຼ້າສຸກເປັນນັກຮຽນສະທ້ອນວ່າ ການກັບມາເປີດໂຮງຮຽນອີກເທື່ອໜຶ່ງເປັນເລື່ອງຍາກ ແລະ ຍັງຈະມີຄວາມສ່ຽງຕໍ່ໄປ.

 

ຮຽບຮຽງຂ່າວໂດຍ: ລັດສະໝີ ພອນວິໄລ

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...