spot_img
Homeຂ່າວທ້ອງຖິ່ນໂຮງຮຽນພາກລັດຫຼາຍແຫ່ງຍັງບໍ່ສາມາດປະຕິບັດຕາມມາດຕະການ ການປ້ອງກັນໂຄວິດ-19

ໂຮງຮຽນພາກລັດຫຼາຍແຫ່ງຍັງບໍ່ສາມາດປະຕິບັດຕາມມາດຕະການ ການປ້ອງກັນໂຄວິດ-19

Published on

ອີງຕາມການລາຍງານຂອງ ໜັງສືພິມວຽງຈັນທາມ ໃຫ້ຮູ້ວ່າ ບັນດາໂຮງຮຽນປະຖົມ ແລະ ມັດທະຍົມພາກລັດສ່ວນຫຼາຍບໍ່ສາມາດປະຕິບັດຕາມມາດຕະການ ເພື່ອປ້ອງກັນພະຍາດໂຄວິດ-19 ໄດ້, ເພາະວ່າຍັງຂາດອຸປະກອນປ້ອງກັນເຊັ່ນ: ເຄື່ອງວັດແທກອຸນ ຫະພູມ, ເຈວລ້າງມື ແລະ ຜ້າປິດປາກ-ດັງ.

ທ່ານ ປອ ສີສຸກ ວົງວິຈິດ ຫົວໜ້າກົມສາມັນສຶກສາ, ກະຊວງສຶກສາທິການ ແລະ ກິລາ ໄດ້ໃຫ້ສຳພາດມື້ວານນີ້ວ່າ ກະຊວງໄດ້ຮັບການລາຍງານບັນຫາດັ່ງກ່າວຈາກພະແນກສຶກສາທິການ ແລະ ກິລາ ແຕ່ລະແຂວງ ລວມທັງນະຄອນຫຼວງວຽງຈັນ. ເຈົ້າໜ້າທີ່ຜູ້ຮັບ ຜິດຊອບໄດ້ລົງໄປສຳ ຫຼວດບັນດາໂຮງຮຽນທີ່ເປີດຮຽນຄືນແຕ່ວັນທີ 18 ພຶດສະພາ 2020 ສໍາລັບນັກ ຮຽນຊັ້ນປະຖົມ ປີທີ 5 ແລະ ນັກຮຽນຊັ້ນມັດທະຍົມປີທີ 4 ແລະ ປີທີ 7, ຂະນະທີ່ລົງໄປສັງເກດການແຕ່ລະ ໂຮງ ຮຽນ ເຫັນວ່າໂຮງຮຽນຫຼາຍແຫ່ງ ໂດຍສະເພາະໂຮງຮຽນລັດ, ນັກຮຽນບໍ່ໄດ້ຮັບການກວດອຸນຫະພູມ ກ່ອນເຂົ້າຮຽນຍ້ອນບໍ່ມີເຄື່ອງວັດແທກອຸນຫະພູມ, ນັກຮຽນໄດ້ລ້າງມື້ໃສ່ສະບູ່ ແຕ່ບໍ່ມີ ເຈວລ້າງມື ຫຼື ນໍ້າຢາຂ້າເຊື້ອ ແລະ ນັກຮຽນບາງຄົນບໍ່ມີຜ້າປິດປາກຍ້ອນໂຮງຮຽນບໍ່ມີໃຫ້.

ພາຍຫຼັງທີ່ລັດຖະບານອອກແຈ້ງການໃຫ້ເປີດຮຽນຄືນ, ທາງກະຊວງໄດ້ເຄີຍສະເໜີຕໍ່ຄະນະສະເພາະກິດເລື່ອງສະໜອງອຸປະກອນປ້ອງກັນເຊັ່ນ: ສະບູ, ເຈວລ້າງມື, ຜ້າປິດປາກ, ເຄື່ອງວັດ ແທກອຸນຫະພູມ ແລະ ສ້າງອ່າງລ້າງມືໃຫ້ໂຮຽຮຽນທົ່ວປະເທດ, ຮອດປະຈຸບັນກະຊວງຍັງລໍຖ້າການສະໜອງເຄື່ອງດັ່ງກ່າວຈາກຄະນະສະເພາະກິດຢູ່.

ທ່ານ ຣັດຕະນະໄຊ ຍັງກ່າວຕື່ມອີກວ່າ ຄະນະສະເພາະກິດໄດ້ແນະນໍາໃຫ້ກະຊວງສຶກສາທິການ ແລະ ກິລາ ຂຶ້ນແຜນງົບປະມານການຈັດຊື້ອຸປະກອນທີ່ໂຮງຮຽນຕ້ອງການ ແລະ ສະເໜີຕໍ່ຄະ ນະສະເພາະກິດເພື່ອສະໜອງອຸປະກອນໃຫ້ໂຮຽຮຽນເພື່ອໃຫ້ ສືບຕໍ່ປະຕິ ບັດຕາມມາດຕະການທີ່ວາງອອກ.

 

ຮຽບຮຽງຂ່າວ: ພຸດສະດີ

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...