ໂບລີວີຈັບມືຣັດເຊຍ ບັນລຸຂໍ້ຕົກລົງ ຮ່ວມພັດທະນາພະລັງງານນິວເຄລຍ!

0
308

ສຳນັກຂ່າວຕ່າງປະເທດ ລາຍງານໃນວັນທີ 7 ມີນານີ້ວ່າ ທາງການໂບລີວີ ໄດ້ບັນລຸຂໍ້ຕົກລົງຮ່ວມມືດ້ານນິວເຄລຍ ມູນຄ່າ 300 ລ້ານໂດລາ ກັບບໍລິສັດພະລັງງານປະຣະມານູ ໂຣຊາຕອມ ຂອງລັດຖະບານຣັດເຊຍ ໃນການສ້າງສູນນິວເຄລຍພາຍໃນປະເທດ ເມື່ອວັນທີ 6 ມີນາຜ່ານມາ ໂດຍຂໍ້ຕົກລົງດັ່ງກ່າວນີ້ ຈະຖືກນຳເຂົ້າພິຈາລະນາອະນຸມັດ ຈາກລັດຖະສະພາໂບລີວີ ອີກຂັ້ນຕອນໜຶ່ງ.

ພາຍໃຕ້ຂໍ້ຕົກລົງດັ່ງກ່າວນີ້ ຝ່າຍຣັດເຊຍຈະໃຫ້ຄວາມຊ່ວຍເຫລືອ ແກ່ທາງການໂບລີວີ ໃນການພັດທະນາພື້ນຖານ ໂຄງລ່າງທີ່ຈຳເປັນ ສຳລັບການເດີນໜ້າໂຄງການກໍ່ສ້າງ ແລະ ພັດທະນາພະລັງງານນິວເຄລຍ ເພື່ອເປັນແຫລ່ງພະລັງງານ ອັນຈະເປັນຜົນປະໂຫຍດທາງດ້ານເສດຖະກິດ ແກ່ປະເທດໂບລີວີ ໃນໄລຍະຍາວ.

ດ້ານທ່ານ ເອໂບ ໂມຣາເລສ ປະທານາທິບໍດີ ແຫ່ງ ໂບລີວີ ໄດ້ຮຽກຮ້ອງໃຫ້ສະມາຊິກລັດຖະສະພາ ໃຫ້ຄວາມເຫັນດີ ແກ່ຂໍ້ຕົກລົງດັ່ງກ່າວ ຊຶ່ງຈະມີຂຶ້ນພາຍໃນເວລາ 2 ອາທິດຂ້າງໜ້ານີ້.

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.