ໂຄງການກໍ່ສ້າງນ້ຳປະປາແຫ່ງທີ 2 ຂອງເຂດເສດຖະກິດພິເສດສາມຫຼ່ຽມຄຳ ຕັ້ງຢູ່ບ້ານສີບຸນເຮືອງ,ເມືອງຕົ້ນເຜີ້ງ, ແຂວງບໍ່ແກ້ວ ແຄມແມ່ນ້ຳຂອງ. ປະຈຸບັນແມ່ນກຳລັງວາງທໍ່ນ້ຳປະປາຈາກໂຮງງານເຂົ້າມາພາຍໃນເຂດ. ພາຍຫຼັງໂຄງການດັ່ງກ່າວໄດ້ສ້າງສຳເລັດໃນ ໄລຍະທີ 1 ຈະສາມາດສະໜອງນ້ຳໄດ້ 40.000 ແມັດກ້ອນຕໍ່ມື້ ແລະ ສາມາດສະໜອງນ້ຳໃຫ້ປະຊາຊົນໄດ້ 100.000 ຄົນ, ຄາດວ່າຈະສຳເລັດໃນທ້າຍປີ 2023 ນີ້; ໄລຍະທີ 2 ຈະໄດ້ຂະຫຍາຍຈາກໄລຍະທີ 1 ທີ່ມີກຳລັງການຜະລິດນ້ຳປະປາ 150.000 ແມັດກ້ອນ ແລະ ສະໜອງໃຫ້ປະຊາຊົນໄດ້ 300.000 ຄົນ.

ການຮັບປະກັນການໃຊ້ນ້ຳຂອງພໍ່ແມ່ປະຊາຊົນ ແມ່ນບັນຫາສຳຄັນຕໍ່ຊີວິດການເປັນຢູ່ຂອງປະຊາຊົນພາຍໃນເຂດ ສະພາບໍລິຫານເຂດເສດຖະກິດພິເສດສາມຫຼ່ຽມຄຳ ແລະ ກຸ່ມບໍລິສັດດອກງິ້ວຄໍາແມ່ນອີງໃສ່ຄວາມຕ້ອງການຂອງປະຊາຊົນ, ພັດທະນາສັງຄົມ, ສ້າງພື້ນຖານໂຄງລ່າງຢ່າງຮອບດ້ານ ແລະ ວາງພື້ນຖານອັນຫນັກແຫນ້ນກ່ຽວກັບການພັດທະນາ.