ແຮນນ່າ ສາວລາວ ເດບິ້ວເປັນສະມາ ຊິກ Girl Group ວົງໃໝ່ຂອງໄທໃນນາມ 4EVE

ແຮນນ່າ ສາວລາວຂັວນໃຈທັງພີ່ນ້ອງຝັ່ງລາວ ແລະ ຝັ່ງໄທ ໄດ້ເດບິ້ວເປັນສະມາຊິກ Girl Group ວົງໃໝ່ປະດັບວົງການ T-POP ໃນນາມໂຟອິຟ (4EVE).

ສິ້ນສຸດ ການຄົ້ນຫາ Girl Group ກຸ່ມໃໝ່ຂອງເມືອງໄທ ໃນລາຍການ 4EVE Girl Group Star ທີ່ອອກອາກາດທຸກວັນຈັນ ທາງຊ່ອງ ເວີກພອຍ 23. ເປັນໄລຍະເວລາກວ່າ 10 ເດືອນ ໃນການຄົ້ນຫາດາວມາປະດັັບວົງການ ຈາກຜູ້ສະໝັກຫຼາຍກວ່າ 1,000 ຄົນ ຄັດໃຫ້ເຫຼືອພຽງ 7 ຄົນສຸດທ້າຍທີ່ຈະໄດ້ເດບິ້ວເປັນວົງ Girl Group ເຊິ່ງມີສະມາຊິກປະກອບມີ: ແຮນນ່າ, ມາຍ, ພັ້ນຊ໌, ອ໊ະອາຍ, ຕາອອມ, ໂຈຣິນ ແລະ ຝ້າຍ. ໃນນາມໂຟອິຟ (4EVE) ສັັງກັດຄ້າຍ XOXO Entertainment.

ແຮນນ່າ ໂຣສເຊັນບຣູມ ໄວອາຍຸ 19 ປີ ລູກສອດສັນຊາດລາວ-ອາເມລິກັນ ຄົນນີ້ມາພ້ອມກັບອໍຣາແຫ່ງຄວາມເປັນດາວ ໃນການສະແດງນາງເຮັດໄດ້ດີທຸກ EP ຈົນໄດ້ຮັບຄຳຊ່ື່ນຊົມຈາກຄະນະກຳມະການ ແລະ ຍັງໄດ້ໝວກ MVP ເຖິງ 2 ຄັ້ງ, ຍ້ອນຄວາມໜ້າຮັກສົດໃສ ກັບບຸກຄະລິກທີ່ໂດດເດັ່ນ ບວກກັບຄວາມສາມາດທີ່ພຽບພ້ອມທັງການຮ້ອງເພງ, ເຕັ້ນ, ແຣັບ ແລະ ມີນິໄສອ່ອນນ້ອມຖ່ອມຕົນຈຶ່ງເຮັດໃຫ້ນາງກາຍເປັນທີ່ຮັກຂອງໃຜຄົນຫຼາຍໆ.

ແຮນນ່າ ສາວລາວຄົນນີ້ກັບການຍ່າງໄປຕາມຄວາມຝັນທີ່ຢາກຈະເປັນນັກຮ້ອງວົງເກີກຣຸ໊ບທີ່ປະເທດໄທ ແລະ ວັນນີ້ນາງກໍ່ໄດ້ເຮັດມັນສຳເລັດແລ້ວ.

ບົດໂດຍ: ພດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.