ແຜ່ນ​ດິນ​ໄຫວ​ອີກ! ຕອນ​ເຊົ້າ​ມື້​ນີ້ ທີ່​ປະ​ເທດ​ຍີ່​ປຸ່ນ ຂະ​ໜາດ 6.8 ບໍ່​ມີ​ປະ​ກາດ​ເຕືອນ​ໄພ​ສຶ​ນາ​ມິ!

EyWwB5WU57MYnKOuFtPOqoHTTsecJZi1iX8wXspGs83IFOMAVdXxL4

ເກີດ​ເຫດ​ແຜ່ນ​ດິນ​ໄຫວ ຂະ​ໜາດ 6.8 ແມັກ​ນິ​ຈູດ ໃນ​ທະ​ເລ​ເບື້ອງ​ຕາ​ເວັນ​ອອກ​ຂອງ​ປະ​ເທດ​ຍີ່​ປຸ່ນ ຫ່າງ​ຈາກ​ຊາຍ​ຝັ່ງ​ 42 ກິ​ໂລ​ແມັດ ແຕ່​ບໍ່​ມີ​ການ​ເຕືອນ​ໄພ​ຄື່ນ​ຍັກ​ສຶ​ນາ​ມິ.

ສຳ​ນັກ​ຂ່າວ​ຕ່າງ​ປະ​ເທດ​ລາຍ​ງານ​ວ່າ ເມື່ອ​ເວ​ລາ 04:12 ໂມງ​ ຕອນ​ເຊົ້າຂອງ​ມື້​ນີ້ (13 ພຶດ​ສະ​ພາ) ຕາມ​ເວ​ລາ​ໃນ​ປະ​ເທດ​ລາວ ແມ່ນ​ໄດ້​ເກີດ​ແຜ່ນ​ດິນ​ໄຫວ ຄວາມ​ແຮກ​ລະ​ດັບ 6.8 ແມັກ​ນິ​ຈູດ ໃນ​ທະ​ເລ​ທາງ​ທິດ​ຕາ​ເວັນ​ອອກ​ຂອງ​ເກາະ​ຮອນ​ຊູ ປະ​ເທດ​ຍີ່​ປຸ່ນ ຈຸດ​ສູນ​ກາງ​ຂອງ​ແຜ່ນ​ດິນ​ໄຫວ ເລິກ 38.9 ກິ​ໂລ​ແມັດ ຫ່າງ​ຈາກ​ຊາຍ​ຝັ່ງ​ເມືອງ​ໂອ​ຟຸ​ນາ​ໂຕະ 33 ກິ​ໂລ​ແມັດ ແລະ ຫ່າງ​ຈາກ​ເມືອງ​ຄາ​ມາ​ອິ​ຊິ ແຂວງ​ອິ​ວາ​ເຕະ ໄປ​ທາງ​ທິດ​ຕາ​ເວັນ​ອອກ​ສຽງ​ໃຕ້ ປະ​ມານ 42 ກິ​ໂລ​ແມັດ ໂດຍ​ບໍ່​ມີ​ການ​ປະ​ກາດ​ເຕືອນ​ໄພ​ຄື່ນ​ຍັກ​ສຶ​ນາ​ມິ​ແຕ່​ປະ​ການ​ໃດ ແລະ ເບື້ອງ​ຕົ້ນ ແມ່ນ​ຍັງ​ບໍ່​ທັນ​ມີ​ລາຍ​ງານ​ຄວາມ​ເສຍ​ຫາຍໃດໆ​ເທື່ອ.