ເຫດໄຟໄໝ້ ຊຸມຊົນ ກູນຍອງ ເກົາຫຼີໃຕ້

0
74

ໃນ​ຕອນ​ເຊົ້າ​ຂອງວັນທີ 24 ກຸມພາ 2023 ນີ້ເກີດເຫດໄຟ​ໄໝ້​ຢູ່​ໃນ​ຊຸມ​ຊົນ ກູນຍອງ(Guryong) ຊຶ່ງ​ເປັນ​ເຂດ​ຊຸມ​ຊົນ​ສຸດ​ທ້າຍ​ໃນ​ກຸງ​ໂຊ​ ເກົາຫຼີໃຕ້ ມີເຮືອນ 60 ຫຼັງ​ຖືກເຜົາ​ທຳລາຍ ແລະ 500 ຄົນ​ຕ້ອງ​ຖືກ​ອົບພະຍົບ.

ເຈົ້າ​ໜ້າ​ທີ່​ເກົາຫຼີ​ໃຕ້​ລາຍ​ງານ​ວ່າ: ​ໄດ້​ເກີດ​ໄຟ​ໄໝ້​ຢ່າງ​ໃຫຍ່​ຢູ່​ທີ່​ຊຸມ​ຊົນ ກູນຍອງ ​ໃນ​ເຂດ ກັງນຳ ທາງ​ພາກ​ໃຕ້​ຂອງ​ກຸງ​ໂຊ​ ເຊິ່ງຊຸມຊົນນີ້ເອີ້ນວ່າ “ສະຖານທີ່ສຸດທ້າຍຂອງກຸງໂຊ” ແຕ່ລາຍງານເບື້ອງຕົ້ນຍັງບໍ່ມີຜູ້ບາດເຈັບ ຫຼື ເສຍຊີວິດໃນເຫດການຄັ້ງນີ້.

ເຫດການໄຟໄໝ້ໃນຄັ້ງນີ້ ລຸກໄໝ້ລາມຢ່າງໄວວາ ເພາະວ່າເຮືອນສ່ວນໃຫຍ່ໃນຊຸມຊົນ ກູນຍອງ ແມ່ນສ້າງຂຶ້ນຈາກ ໄມ້ອັດ ຊຶ່ງເປັນຕົວນໍາເຊື້ອໄຟ ​ເຈົ້າ​ໜ້າ​ທີ່​ຕ້ອງ​ລະດົມ​ເຈົ້າ​ໜ້າ​ທີ່​ດັບ​ເພີງ, ຕຳຫຼວດ ​ແລະ ພະນັກງານ​ລັດຖະກອນ 800 ກວ່າ​ຄົນ ​ເຂົ້າ​ມາ​ຊ່ວຍຄວບຄຸມເຫດການລວມທັງການນຳໃຊ້ເຮລິຄອບເຕີ 10 ລຳເພື່ອຊ່ວຍດັບໄຟ.

ຢ່າງໃດກໍຕາມຊຸມຊົນ ກູນຍອງ ໄດ້ຖືກສ້າງຂຶ້ນໃນຊຸມປີ 1980 ເພື່ອເປັນບ່ອນຢູ່ອາໄສຂອງຜູ້ທີ່ຖືກຂັບໄລ່ອອກຈາກບ້ານພື້ນເມືອງຂອງພວກເຂົາ, ພາຍໃຕ້ໂຄງການພັດທະນາຕົວເມືອງ ຫລາຍ​ຮ້ອຍ​ພັນ​ຄົນ​ໄດ້​ຖືກ​ຍ້າຍ​ອອກ​ຈາກ​ບ້ານ​ເດີມ​ຂອງ​ເຂົາ​ເຈົ້າ​ໄປ​ອາ​ໄສ​ຢູ່​ໃນ​ຊຸມຊົນທີ່ແອອັດ ແລະ​ ເປັນ​ບ່ອນ​ຢູ່​ອາ​ໄສ​ຂອງ​ຜູ້​ມີ​ລາຍ​ໄດ້​ຕ່ຳ​ໃນ​ຫຼາຍ​ປີ​ມາ​ນີ້.

ທີ່ມາ: PPTV