ປະທານາທິບໍດີເວເນຊູເອລາ ນີໂກລາສ ມາດູໂຣ ໄດ້ຕົກລົງເມື່ອວັນທີ 12 ສິງຫາທີ່ຜ່ານມາວ່າ ດ້ວຍການຍົກລະດັບເງິນເດືອນຂັ້ນຕ່ຳຂຶ້ນ 50% ແລະ ວ່າຂໍ້ຕົກລົງນີ້ມີຜົນບັງຄັບໃຊ້ນັບແຕ່ວັນທີ 1 ກັນຍາໜ້ານີ້ເປັນຕົ້ນໄປ ນີ້ເປັນການຂຶ້ນເງິນເດືອນຂັ້ນຕ່ຳເປັນເທື່ອທີສາມຢູ່ໃນເວເນຊູເອລາ ພາຍໃນປີນີ້.
ຕາມການຕົກລົງດັ່ງກ່າວແລ້ວ ເງິນເດືອນຂັ້ນຕ່ຳຂອງລັດຖະກອນ ໃນເວເນຊູເອລາ ຈະເພີ່ມຂຶ້ນປະມານ 35 ໂດລາສະຫະລັດ (ຕາມອັດຕາແລກປ່ຽນຢ່າງເປັນທາງການ) ແຕ່ຈະຢູ່ພຽງທີ່ລະດັບ 23 ໂດລາສະຫະລັດ (ຕາມອັດຕາແລກປ່ຽນໃນຕະຫຼາດ).
ການຕົກລົງຂອງປະທານາທິບໍດີ ມາດູໂຣ ມີອອກມາທ່າມກາງທີ່ໄພເງິນເຟີ້ ຢູ່ໃນເວເນເນຊູເອລາ ໃນປັດຈຸບັນ ໄດ້ພຸ່ງຂຶ້ນສູ່ລະດັບ 3 ຫຼັກຕົວເລກ ຊຶ່ງເປັນຍ້ອນຜົນກະທົບຮ້າຍແຮງ ຈາກການທີ່ລາຄານ້ຳມັນໃນຕະຫຼາດໂລກຫຼຸດລົງ ເຮັດໃຫ້ປະລິນມານການສົ່ງອອກນ້ຳມັນ ຂອງປະເທດນີ້ຕົກຢູ່ໃນສະພາບບໍ່ໄປບໍ່ມາ.
ຜູ້ສັງເກດການໃຫ້ຂໍ້ສັງເກດວ່າ ການຕົກລົງຂຶ້ນເງິນເດືອນອີກເທື່ອໜຶ່ງນັ້ນ ເປັນການ “ຊົດເຊີຍ” ໃຫ້ແກ່ສະພາບເງິນເຟີ້ທີ່ເພີ່ມສູງຂຶ້ນ ເກີນຂອບເຂດຢູ່ໃນເວເນຊູເອລາ ເມື່ອວ່າອັດຕາສ່ວນເງິນເຟີ້ນັ້ນ ຖີບຕົວຂຶ້ນເຖິງ 181% ໃນປີ 2015 (ຕາມສະຖິຕິຢ່າງເປັນທາງການ) ປັດຈຸບັນນີ້ ທະນາຄານກາງຂອງເວເນຊູເອລາ ບໍ່ໄດ້ເປີດເຜີຍເພີ່ມເຕີມ ກ່ຽວກັບຕົວເລກການອັບເດດຂອງເງິນເຟີ້.
ແຫລ່ງຂ່າວ:
ຕິດຕາມເຮາທາງFacebook ກົດຖືກໃຈເລີຍ!