ເຜີຍຮູບທຳອິດແລະສະເປັກເບື້ອງຕົ້ນຂອງ Galaxy Note Pro 12.2 ນິ້ວ

0
1268

<ignore_js_op>

ຫຼັງຈາກທີ່ມີຂ່າວລືມາຢ່າງໜັກກ່ຽວກັບແຜນການເປີດຕະຫຼາດເຄື່ອງແທັບເລັດຫຼ້າຈໍຂະໜາດໃຫຍ່ກາຍ 10 ນິ້ວ ເຊິ່ງຄາດວ່າຈະເປັນໂອກາດຂອງຜູ້ຜະລິດຫຼາຍໆລາຍທີ່ຈະເພີ່ມຊ່ອງທາງການແຂ່ງຂັນໃນໂລກອຸດສາຫະກຳເທັກໂນໂລຢີໃນປີ 2014 ເຊິ່ງບໍລິສັດທີ່ມີຂໍ້ມູນຄວາມເຄື່ອນໄຫວອອກມາຫຼາຍທີ່ສຸດກໍຄື Samsung ແລະ Apple ສອງຍັກໃຫຍ່ຂອງວົງການທີ່ຄາດວ່າຈະເປັນຜູ້ລົງຕະຫຼາດດັ່ງກ່າວກ່ອນໝູ່

ສຳລັບຄວາມຄືບໜ້າຫຼ້າສຸດນັ້ນມີຮູບຫຼຸດຂອງເຄື່ອງແທັບເລັດຈາກ Samsung ທີ່ຄາດກັນວ່າຈະມີໜ້າຈໍ 12.2 ນິ້ວເປັນຈຸດຂາຍສຳຄັນ ເຊິ່ງກ່ອນໜ້ານີ້ກໍມີລາຍງານລະບຸວ່າຈະວາງຈຳໜ່າຍໃນຊື່ຂອງລຸ້ນ Galaxy Note Pro ແລະເຄື່ອງປິດສະໜານີ້ກໍຜ່ານການກວດສອບກັບໜ່ວຍງານຄວບຄຸມການສື່ສານຂອງສະຫະລັດອາເມຣິກາ (FCC) ເປັນທີ່ຮຽບຮ້ອຍແລ້ວອີກນຳ ເຮັດໃຫ້ມີການຄາດການວ່າຈະມີການເປີດຕົວໃນໄວໆນີ້

ສຳລັບຄຸນສົມບັດເບື້ອງຕົ້ນຂອງ Galaxy Note Pro ນັ້ນຖືກກ່າວອ້າງອີງດັ່ງຕໍ່ໄປນີ້

o ໜ້າຈໍຄວາມລະອຽດ 12.2 ນິ້ວ ຄວາມລະອຽດ 1600 x 2560 ພິກເຊວ
o ໜ່ວຍປະມວນຜົນ Qualcomm Snapdragon 800
o ໜ່ວຍຄວາມຈຳ RAM 3GB
o ພື້ນທີ່ຂະໜາດຄວາມບັນຈຸພາຍໃນ 32GB
o ກ້ອງຫຼັງ 8 ລ້ານພິກເຊວ ກ້ອງໜ້າ 2 ລ້ານພິກເຊວ
o ແບັດເຕີລີບັນມີຄວາມບັນຈຸຂະໜາດ 9500 ມິນລີແອັມ
o ເຮັດວຽກດ້ວຍລະບົບປະຕິບັດການ Android 4.3
o ນ້ຳໜັກຕົວເຄື່ອງ 750 ກຣາມ

ທີ່ມາ: www.deklao.com