spot_img
Homeນານາສາລະເປີດເພງສຽງດັງລົບກວນຄົນອື່ນໃນເວລາຫຼັບນອນ! ພຶດຕິກຳທີ່ບໍ່ສົມຄວນເຮັດ

ເປີດເພງສຽງດັງລົບກວນຄົນອື່ນໃນເວລາຫຼັບນອນ! ພຶດຕິກຳທີ່ບໍ່ສົມຄວນເຮັດ

Published on

ພຶດຕິກຳການເປີດເພງສຽງດັງ ຫຼື ສົ່ງສຽງດັງໃນຮູບແບບຕ່າງໆໃນຍາມວິການ (ເດິກດື່ນທ່ຽງຄືນ) ເກີນໂມງທີ່ທາງລະບຽບບ້ານເມືອງກຳນົດໄວ້ຄືບໍ່ໃຫ້ໃຊ້ສຽງດັງເກີນ 23:00 -24:00ໂມງນັ້ນ ຖືເປັນການລົບກວນເວລາພັກຜ່ອນຂອງຄົນອື່ນ. ໃນທາງດ້ານຂອງສັງຄົມການຢູ່ຮ່ວມກັນຖືວ່າເປັນເລື່ອງທີ່ເສຍມາລະຍາດອີກຮູບແບບໜຶ່ງ ມັບປຽບເໝືອນການບໍ່ເຄົາລົບເວລາພັກຜ່ອນຂອງຄົນອື່ນ ແລະ ເປັນການບໍ່ເຄົາລົບກົດລະບຽບຂອງບ້ານເມືອງ.

ຜູ້ຂຽນສັງເກດເຫັນວ່າ ໃນສັງຄົມບ້ານເຮົາຍັງມີກຸ່ມຄົນປະເພດໜຶ່ງທີ່ເຫັນແກ່ຄວາມມ່ວນຊື່ນເກີນໄປ ໂດຍບໍ່ຄຳນຶງເຖິງຈິດໃຈຂອງເພື່ອນບ້ານທີ່ຢູ່ບໍລິເວນອ້ອມຂ້າງ,​ ລະບຽບການບ້ານເມືອງກໍ່ມີລະບຸໄວ້ຢ່າງຊັດເຈນ ແຕ່ກໍ່ລະເມີດໂດຍບໍ່ເຄົາລົບກົດລະບຽບ ສາເຫດທີ່ຄົນກຸ່ມນີ້ບໍ່ເຄົາລົບກົດລະບຽບ ອາດເປັນຍ້ອນການບັງຄັບໃຊ້ລະບຽບດັ່ງກ່າວນັ້ນ ໂດຍສະເພາະຂັ້ນບ້ານ ເຊິ່ງເປັນຂັ້ນຮາກຖານທີ່ຕິດແທດກັບພື່ນທີ່ຍັງຖືເບົາໃນການແກ້ໄຂບັນຫານີ້ຢ່າງຈິງຈັງ ແລະ ຜູ້ທີ່ມີພຶດຕິກຳມັກເປີດເພງສຽງດັງເກີນກຳນົດການ ແລະ ດັງເກີນ ໃນຍາມຫຼັບນອນຂອງຄົນອື່ນກໍ່ຂາດຈິດສຳນຶກ ຂາດຄວາມເຫັນໃຈ ຂາດຄວາມເກງໃຈເພື່ອນບ້ານ ແມ່ນຢູ່ວ່າຕົນເອງບໍ່ໄດ້ເປີດເພງສຽງດັງທຸກມື້ດົນໆເປີດ ແຕ່ທ່ານຮູ້ ຫຼື ບໍ່ວ່າ? ມົນລະພິດທາງສຽງນັ້ນ ເປັນອັນຕະລາຍຕໍ່ສຸຂະພາບຫຼາຍ ໂດຍສະເພາະກັບຄົນເຮັດວຽກເມື່ອຍ, ຄົນເຖົ້າ, ເດັກນ້ອຍ, ຄົນປ່ວຍ. ເພາະສຽງດັງຈົນເກີນໄປມັນສາມາດສົ່ງຜົນອັນຕະລາຍຕໍ່ຈິດໃຈ ແລະ ຕໍ່ຮ່າງກາຍໄດ້ເຊັ່ນ:
1. ຜົນກະທົບທາງດ້ານຈິດໃຈເມື່ອມີສຽງດັງລົບກວນ
– ກໍ່ໃຫ້ເກີດອາການຫງຸດງິດ, ລຳຄານ, ປະສາດ.
– ກໍ່ໃຫ້ເກີດການປ່ຽນແປງທາງດ້ານອາລົມ.
– ກໍ່ໃຫ້ເກີດຈິດປ່ວງ, ເສຍສະມາທິ.
2. ຜົນກະທົບຕໍ່ສະພາບຮ່າງກາຍ
– ເຮັດໃຫ້ຫົວໃຈເຕັ້ນແຮງ, ອັດຕາການຫາຍໃຈປ່ຽນແປງ
– ເຮັດໃຫ້ເກີດກຣົດໃນກະເພາະຫຼາຍກວ່າປົກກະຕິ ເຊິ່ງອາດກາຍເປັນໂຣກກະເພາະໄດ້.
– ເຮັດໃຫ້ຄວາມດັນເລືອດສູງ.
– ເຮັດໃຫ້ກ້າມເນື້ອກະຕຸກເກີດອາການເມື່ອຍ
– ເຮັດໃຫ້ນອນບໍ່ຫຼັບ
– ເຮັດໃຫ້ປະສາດຫູເສື່ອມ ອາດເຖິງຂັ້ນເປັນພິການຫູໄດ້.
3. ຜົນຂອງການເຮັດວຽກ ຖ້າຫາກນອນບໍ່ເຕັມອື່ມຍ້ອນກາງຄືນຖືກສຽງຫຼົບກວນ ຈະສົ່ງຜົນໃຫ້ສະໝອງທຳງານຊ້າກວ່າປົກກະຕິ ຄິດວຽກບໍ່ອອກ ປະສິດຕິພາບຂອງການເຮັດວຽກຈະຫຼຸດລົງ, ສຳລັບຜູ້ທີ່ຍັງຮຽນກໍ່ຈະເຮັດໃຫ້ຮຽນບໍ່ເຂົ້າໃຈຍ້ອນສະໝອງ ແລະ ຮ່າງກາຍຕ້ອງການພັກຜ່ອນໃນມື້ຕໍ່ມາ. ນອກຈາກນີ້, ກໍ່ເປັນສາເຫດທີ່ເຮັດໃຫ້ຫຼັບໃນ ໃນເວລາຂັບລົດ ອາດເຮັດໃຫ້ເກີດອຸບັດຕິເຫດໄດ້.

ຜົນເສຍຂອງການພັກຜ່ອນບໍ່ພຽງພໍມີຫຼາຍປະການຄືທີ່ກ່າວມາຂ້າງເທິງນີ້. ສະນັ້ນ, ຫາກທ່ານໃດມີພຶດຕິກຳມັກເປີດເພງ ຫຼື ສົ່ງສຽງດັງໃນເວລາຫຼັບນອນຂອງຄົນອື່ນ ຄວນຄຳນຶງເຖິງຜົນເສຍ ແລະ ເຫັນໃຈ, ເກງໃຈຄົນອື່ນໃຫ້ຫຼາຍຂຶ້ນ ພ້ອມເຄົາລົບກົດລະບຽບບ້ານເມືອງນຳກັນ ແລະ ຜູ້ທີ່ມີໜ້າທີ່ຮັກສາກົດລະບຽບກໍ່ຄວນໃຊ້ສິດຂອງທ່ານໃນການປະຕິບັດໜ້າທີ່ຢ່າງຈິງຈັງ ເພື່ອຫຼຸດຜ່ອນບັນຫາດັ່ງກ່າວ, ເລື່ອງແບບນີ້ທຸກຄົນສາມາດປັບປ່ຽນພຶດຕິກຳຂອງຕົນເອງໄດ້ ໂດຍບໍ່ຕ້ອງໃຫ້ມີຝ່າຍໃດຝ່າຍໜຶ່ງບອກ ຈົນເປັນສາເຫດຂອງການບາດໝາງໃຈກັນລະຫວ່າງເພື່ອນບ້ານ. ສັງຄົມຈະມີຄວາມສະຫງົບ ແລະ ໜ້າຢູ່ຂຶ້ນ ຫາກເຮົາເລີ່ມຕົ້ນທີ່ຕົວຂອງເຮົາກ່ອນ ແລະ ມີສະຕິໃນການເປີດເພງ ຫຼື ລົມກັນ ເມື່ອຮອດຍາມເວລາສົມຄວນແລ້ວກໍ່ຄວນເບົາສຽງລົງ ເພື່ອບໍ່ເປັນການລົບ ກວນຄົນອື່ນ.

ຂຽນໂດຍ: ພຸດສະດີ ສາຍນໍ້າມັດ (ນັກຂຽນລາວໂພສ)
ອ້າງອີງຜົນກະທົບທາງດ້ານມົນລະພິດທາງສຽງ:www.rmuti.ac.th

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...