spot_img
Homeບໍລິການເຊີນຊວນທຸກພາກສ່ວນໃນສັງຄົມ ຊ່ວຍເຫຼືອຜູ້ປະສົບໄພແຜ່ນດິນໄຫວ ຢູ່ແຂວງຢູນຈານ ສປ ຈີນ

ເຊີນຊວນທຸກພາກສ່ວນໃນສັງຄົມ ຊ່ວຍເຫຼືອຜູ້ປະສົບໄພແຜ່ນດິນໄຫວ ຢູ່ແຂວງຢູນຈານ ສປ ຈີນ

Published on

 

ຂປລ. ​ໃນ​ວັນ​ທີ 13 ​ເດືອນ​ສິງຫາ ປີ 2014 ນີ້, ສະມາຄົມ​ມິດຕະພາບ​ລາວ-ຈີນ ​ໄດ້​ອອກ​ແຈ້ງ​ຂ່າວ​ລະດົມ​ທຶນ

​ເພື່ອ​ຊ່ວຍ​ເຫລືອ​ປະຊາຊົນ​ຈີນ ທີ່​ຖືກ​ໄພ​ພິບັດ​ຈາກ​​ແຜ່ນດິນ​ໄຫວຢ່າງ​ຮ້າຍ​ແຮງ​ຢູ່​ແຂວງ​ຢຸນນານ ສປ ຈີນ

​ເຊິ່ງມີ​ເນື້ອ​ໃນ​ວ່າ: ​ໃນ​ວັນ​ທີ 3 ​ເດືອນ​ສິງຫາ ປີ 2014 ​ເວລາ 16.30 ​ໂມງ (ຕາມ​ເວລາທ້ອງ​ຖິ່ນ) ຢູ່​ເມືອງ​ຫູ​ຕ້ຽນ,

ນະຄອນ​ຈາວ​ທົງ ​ແຂວງ​ຢຸນນານ ສປ ຈີນ ​ໄດ້​ເກີດ​ແຜ່ນດິນ​ໄຫວ​ຢ່າງ​ຮ້າຍ​ແຮງ ​ໃນ​ຮອບ 100 ປີ; ອັນ​ໄດ້​ສ້າງ​

ຄວາມ​ເສ​ຍຫາຍ ​ແກ່​ຊີວິດ ​ແລະ ຊັບສິນຂອງ​ປະຊາຊົນ​ຈີນ​ອ້າຍ​ນ້ອງ ຈຳນວນ​ຫລວງຫລາຍ, ມີ​ຄົນ​ເສຍ​ຊີວິດ​

ແລ້ວ​ຫລາຍ​ກວ່າ 600 ຄົນ, ຫາຍ​ສາບ​ສູນ​ຫລາຍ​ກວ່າ 100 ຄົນ, ບາດ​ເຈັບ​ຫລາຍ​ກວ່າ 3.000 ຄົນ, ​ເຮືອນ​

ຊານ​ບ້ານ​ຊ່ອງ, ພື້ນຖານ​ໂຄງ​ລ່າງ​ເຊັ່ນ: ລະບົບ​ໄຟຟ້າ, ນ້ຳ​ປະປາ, ຖະໜົນ​ຫົນທາງ, ລະບົບສື່ສານ ​ແລະ ອື່ນໆ

ຖືກ​ທຳລາຍ​ຢ່າງ​ໜັກໜ່ວງຢູ່​ເຂດ​ດັ່ງກ່າວ.


ສະມາຄົມ​ມິດຕະພາບ​ລາວ-ຈີນ ​ໂດຍ​ໄດ້​ຮັບ​ການ​ຊີ້​ນຳ​ຈາກ​ຂັ້ນ​ເທິງ ຖື​ໂອກາດ​ນີ້ ຂໍ​ເຊີນຊວນ ພໍ່​ແມ່ປະຊາຊົນ,

ພະນັກງານ, ທະຫານ, ຕຳຫລວດ, ນັກທຸ ລະກິດ, ນັກຮຽນ, ນັກ​ສຶກສາ, ສະມາຄົມ​ມິດຕະພາບ​ລາວ-ຈີນ ທຸກ

​ສາຂາ​ໃນ​ທົ່ວ​ປະ​ເທດ, ຈົ່ງ​ສະ​ແດງ​ຄວາມ​ເຫັນ​ອົກ​​ເຫັນ​ໃຈ ​ແລະ ສະ​ແດງ​ນ້ຳ​ໃຈ​ ມິດຕະພາບທີ່​ມີ​ມູນ​ເຊື້ອຮັກ​

ແພງ​ສາມັກຄີ​ຊ່ວຍ​ເຫລືອ​ເຊິ່ງກັນ ​ແລະ ກັນ ດ້ວຍ​ການ​ບໍລິຈາກ​ປັດ​ໄຈ ປະກອບສ່ວນ​ແບ່ງ​ເບົາ​ບັນ​ເທົາ​ທຸກ

​ໄປ​ຊ່ວຍ​ປະຊາຊົນ​ຊາວ​ນະຄອນ​ຈາວ​ທົງ ສປ ຈີນ ອ້າຍ​ນ້ອງ​ຜູ້​ທີ່​ໄດ້​ຮັບ​ເຄາະ​ຮ້າຍ​ຈາກ​ໄພພິບັດ​ແຜ່ນ​ດິນ​​ໄຫວ​

ຄັ້ງ​ນີ້.


ວິທີ​ການ​ບໍລິຈາກ​ມີ​ດັ່ງ​ນີ້: ຢູ່​ຂັ້ນ​ສູນ​ກາງ ​ໃຫ້​ບໍລິຈາກ​ໂດຍ​ກົງ​ທີ່​ຫ້ອງການ​ເລຂາທິການ​ສະມາຄົມ​ມິດຕະພາບ​

ລາວ-ຈີນ, ຫ້ອງການ​ຄະນະ​ກຳມາ​ທິການຮ່ວມ​ມື​ ລາວ-ຈີນ, ກະຊວງ​ແຜນການ ​ແລະ ການ​ລົງທຶນ, ຖະໜົນ

ຫລວງ​ພະ​ບາງ, ນະຄອນຫລວງ​ວຽງ​ຈັນ.


ຢູ່​ນະຄອນ​ຫລວງ​ວຽງ​ຈັນ ​ໃຫ້​ບໍລິຈາກ​ຢູ່​ພະ​ແນ​ກການ​ຕ່າງປະ​ເທດ ນະຄອນຫລວງ​ວຽງ​ຈັນ, ສຳນັກງານ​ ຊັ້ນ 2

ຕຶກ​ສຳນັກງານ​ອົງການ​ປົກຄອງ ​ນະຄອນຫລວງວຽງ​ຈັນ (ຖະໜົນ​ໂພ​ນໄຊ, ບ້ານ​ໂພນ​ໄຊ ​ເມືອງ​ໄຊ​ເສດ​ຖາ ນະ

ຄອນຫລວງ​ວຽງ​ຈັນ ​ໂທ: 021 260240).


ຢູ່​ແຂວງ​ຕ່າງໆ ​ໃຫ້​ບໍລິຈາກ​ຢູ່​ພະ​ແນ​ກການ​ຕ່າງປະ​ເທດ​ປະຈຳ​ແຂວງ.


ສຳລັບ​ໃນ​ຄ່ຳ​ຄືນ​ວັນ​ທີ 15 ​ເດືອນ​ສິງຫາ ປີ 2014 ​ເວລາ 20 ​ໂມງ ຈະ​ໄດ້​ຈັດ​ງານ​ຮັບ​ບໍລິຈາກ​ຢູ່​​ໂຮງ​ແຮມ​ແລນ​

ມາກ,ນະຄອນຫລວງ​ວຽງ​ຈັນ.


ດັ່ງ​ນັ້ນ, ຈຶ່ງ​ແຈ້ງ​ຂ່າວ​ມາ​ຍັງ​ທ່ານ​ເພື່ອ​ຊາບ ​ແລະ ຮ່ວມ​ປະກອບສ່ວນ​ສົມທົບ​ທຶນ​ຊ່ວຍ​ຜູ້​ປະສົບ​ໄພ ຢູ່ ສປ ຈີນ​ໃນ​

ຄັ້ງ​ນີ້​ດ້ວຍ.

 

ລາຍ​ລະອຽດ​ພົວພັນ: 020 99801179; 99801188; 22203866; 22228689; 56532055; 22225649.

 

ແຫຼ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...