ເຈົ້າໜ້າທີ່ເລັ່ງຄົ້ນຫາໂຈນປຸ້ນຄຳ-ຂ້າສາມສົບ-ບາດເຈັບ 4 ມາດຳເນີນຄະດີ

0
9219

ເຈົ້າໜ້າທີ່ຕຳຫຼວດລະດົມກຳລັງເລັ່ງຕາມລ່າໂຈນປຸ້ນຮ້ານຄຳ, ຊຶ່ງເຫດການດັ່ງກ່າວມີຜູ້ເສຍຊີວິດເຖິງ 3 ລາຍ ແລະ ໄດ້ຮັບບາດເຈັບ 4 ຄົນ, ເຫດການດັ່ງກ່າວເກີດຂຶ້ນໃນວັນທີ 9 ມັງກອນຜ່ານມາຢູ່ໃນຫ້າງສັບພະສິນຄ້າໂຣບິນສັນໃນອຳເພີເມືອງລົບບູລີ ປະ ເທດໄທ.

ຕາມພາບຖ່າຍຈາກກ້ອງວົງຈອນປິດພົບວ່າ: ໂຈນໃຈບາບຄົນນີ້ປົກປິດໃບໜ້າດ້ວຍການສວມໝວກໄໝພົມ, ນຸ່ງເສື້ອເຊີດສີດຳ ແລະ ໂສ້ງລາຍທະຫານ ພ້ອມອາວຸດປືນໃນມື. ເມື່ອມາເຖິງຮ້ານເປົ້າໝາຍຜູ້ກ່ຽວກໍຍິງປືນໃສ່ພະນັກງານຮ້ານຄຳ ແລະ ລູກຄ້າ, ຈາກນັ້ນກໍໂດດຂ້າມເຄົາເຕີ ແລະ ກວດເອົາສາຍຄໍຄຳສາມາຖາດມູນຄ່າປະມານ 5 ແສນບາດ. ຫຼັງຈາກນັ້ນ ໂຈນກໍຍິງພະນັກງານຮັກສາຄວາມປອດໄພຈົນເສຍຊີວິດແລ້ວກໍເອົາຕົວຫຼົບໜີ.

ໂດຍຜູ້ເສຍຊີວິດ 3 ລາຍເສຍຊີວິດຍ້ອນຖືກຍິງ ໃນນັ້ນ ມີເດັກນ້ອຍອາຍຸ 2 ປີທີ່ຖືກໂຈນໃຈບາບຍິງໃສ່ຫົວຂະນະທີ່ຍ່າງຫຼິ້ນຢູ່ໜ້າຮ້ານຄຳກັບແມ່. ໂດຍຜູ້ບັນຊາການຕຳຫຼວດພູທອນພາກ 1 ໄດ້ກ່າວວ່າ: ໂຈນຄົນນີ້ໃຊ້ປືນຂະໜາດ 9 ມມ, ພາບຈາກກ້ອງວົງ ຈອນປິດສະແດງໃຫ້ເຫັນວ່າໂຈນທີ່ມາກໍ່ເຫດປຸ້ນຮ້ານຄຳແມ່ນລົງມືຄົນດຽວ.

ຂະນະທີ່ເຈົ້າໜ້າທີ່ອາວຸໂສກຳລັງຈັດການດຳເນີນຄະດີຢ່າງຮີບດ່ວນ ແລະ ໜ່ວຍຄອມມັນໂດຕຳຫຼວດຕິດອາວຸດກຳລັງອອກຕາມລ່າຫາຕົວໂຈນໃຈບາບຄົນນີ້ມາລົງໂທດຕາມກົດໝາຍ.

 

 

ຮຽບຮຽງ​: ເພັງສະຫວັນ

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.