ເກີດເຫດ ທາງຍຸບເປັນຂຸມຂະຫນາດໃຫຍ່ ໃນປະເທດຍີ່ປຸ່ນ

0
2007

ອີງຕາມການລາຍງານຂອງສຳນັກຂ່າວຕ່າງປະເທດເມື່ອວັນທີ 8 ພະຈິກວ່າ ເກີດເຫດທາງຍຸບເປັນຂຸມຂະໜາດໃຫຍ່ ຢູ່ເມືອງຟຸກຸໂອກະ ໃນປະເທດຍີ່ປຸ່ນ ເຫດດັ່ງກ່າວເກດຂຶ້ນໃນເວລາ 05:00 ໂມງຂອງມື້ນີ້, ຕາມການລາຍງານຂອງຜູ້ທີ່ອາໄສຢູ່ແຖວນັ້ນບອກວ່າ ພວກເຂົາໄດ້ຍິນສຽງດັງຄ້າຍຄືລະເບີດ ຈຶ່ງອອກມາເບິ່ງ ແລະພົບວ່າກາງທາງເກີດຍຸບລົງເປັນຂຸມຂະໜາດໃຫຍ່

%e0%ba%b4%e0%ba%99%e0%ba%8d%e0%ba%b8%e0%ba%9a%e0%ba%a5%e0%ba%bb%e0%ba%87%e0%ba%87

ຂຸມທີ່ເກີດຂຶ້ນດັ່ງກ່າວນັ້ນ ມີຄວາມກວ້າງປະມານ 20 ແມັດ, ເຫດການນີ້ຍັງສົ່ງຜົນເຮັດໃຫ້ບໍລິເວນດັ່ງກ່າວບໍ່ມີໄຟຟ້າໃຊ້ ແລະມີການຮົ່ວຂອງກາສອີກດ້ວຍ, ຕາມການສັນນິຖານເຫດຄັ້ງນີ້ ອາດເກີດຈາກ ການກໍ່ສ້າງໃນບໍລິເວນໃກ້ຄຽງ ທີ່ຕັ້ງຢູ່ໃກ້ກັບສະຖານີລົດໄຟໃຕ້ດິນ. ຈາກເຫດການນີ້ ຍັງບໍ່ມີລາຍງານຂອງຜູ້ບາດເຈັບ ແລະ ເສຍຊີວິດ. ແຕ່ການສັນຈອນໃນບໍລິເວນທີ່ເກີດເຫດ ຖືກຢຸດຕິຊົ່ວຄາວ ເພື່ອຄວາມປອດໄພ.