ເກີດເຫດຍິງກັນເສຍຊີວິດຄາລົດ ຢູ່ບໍລິເວນບ້ານໜອງໜ່ຽງ ເມືອງໄຊເສດຖາ ນະຄອນຫຼວງວຽງຈັນ

0
596

ໃນວັນທີ 29 ສິງຫາ 2021 ທີ່ຜ່ານມາ ເກີດເຫດຍິງກັນເສຍຊີວິດຄາທີ່ພາຍໃນລົດຢູ່ບໍລິເວນໃນຮ່ອມຮ້ານອາຫານ ໃກ້ກັບສີ່ແຍກໄຟແດງ ເຂດບ້ານໜອງໜ່ຽງ ເມືອງໄຊເສດຖາ ນະຄອນຫຼວງວຽງຈັນ ໂດຍພາຍຫຼັງທີ່ເຈົ້າໜ້າທີ່ ໜ່ວຍກູ້ໄພ ນະຄອນຫຼວງວຽງຈັນ 1624- ສູນສັ່ງການ ເຂົ້າໄປກວດສອບພົບເພດຊາຍບໍ່ຮູ້ຊື່ນອນເສຍຊີວິດຢູ່ໃນລົດ, ສະຖານທີ່ເກີດເຫດແມ່ນຢູ່ບໍລິເວນຮ້ານອາຫານຈິ່ມມີ້ ເມືອງໄຊເສດຖາ ນະຄອນຫຼວງວຽງຈັນ.


ຫຼາຍຄົນຄາດການວ່າເຫດການດັ່ງກ່າວອາດຈະກ່ຽວຂ້ອງກັບຢາເສບຕິດ ໂດຍຄວາມຮຸນແຮງດ້ານຢາເສບຕິດໃນປັດຈຸບັນແມ່ນເພີ່ມຫຼາຍຂຶ້ນນັບຕັ້ງແຕ່ມີການລະບາດຂອງພະຍາດໂຄວິດ-19 ເຊິ່ງເຮັດໃຫ້ລັດຖະບານໄດ້ປະກາດໃຫ້ບັນຫາຢາເສບຕິດເປັນບັນຫາລະດັບຊາດ.