spot_img
Homeຂ່າວຕ່າງປະເທດຜູ້ນຳກຳປູເຈຍບໍລິຈາກເງິນເດືອນຕົວເອງ 7 ເດືອນ! ເພື່ອກັບສູ້ກັບວິກິດການລະບາດໂຄວິດ-19

ຜູ້ນຳກຳປູເຈຍບໍລິຈາກເງິນເດືອນຕົວເອງ 7 ເດືອນ! ເພື່ອກັບສູ້ກັບວິກິດການລະບາດໂຄວິດ-19

Published on

ສຳນັກຂ່າວຕ່າງປະເທດລາຍງານຈາກນະຄອນຫຼວງພະນົມເປນ ປະເທດກຳປູເຈຍ ເມື່ອວັນທີ 2 ເມສາ ວ່າ ສົມເດັດ ຮຸນເຊນ ນາຍົກລັດຖະມົນຕີກຳປູເຈຍ ສົ່ງໜັງສືເຖິງ ກະຊວງສາທາລະນະສຸກ ແລະ ກະຊວງການເງິນ ວ່າຈະມີການໂອນເງິນເດືອນຂອງເຂົາທັງໝົດ 7 ເດືອນຄື: ເງິນເດືອນຂອງເດືອນມີນາ ຈົນເຖິງເດືອນກັນຍາປີນີ້ ເຂົ້າສູ່ບັນຊີຂອງຄະນະກຳມະທິການແຫ່ງຊາດເພື່ອຕໍ່ສູ້ກັບວິກິດການລະບາດຂອງໂຣກໂຄວິດ-19.

ທັງນີ້, ລັດຖະບານກຳປູເຈຍມີການຈັດຕັ້ງຄະນະສະເພາະກິດດັ່ງກ່າວຂຶ້ນໃນເດືອນ ມີນາ ໂດຍມີ ສົມເດັດ ຮຸນເຊນ ເຮັດໜ້າທີ່ເປັນປະທານຮ່ວມກັບເຈົ້າໜ້າທີ່ລະດັບສູງຂອງທຸກກະຊວງ ເຊິ່ງລວມເຖິງກອງທັບ, ສຳນັກງານຕຳຫຼວດແຫ່ງຊາດ, ເຈົ້າແຂວງ ແລະ ອຳນາດການປົກຄອງທ້ອງຖິ່ນ.

ເຖິງແມ່ນວ່າຈະຍັງບໍ່ມີການເປີດເຜີຍຈຳນວນຍອດລວມຂອງເງິນເດືອນທັງ 7 ເດືອນຂອງທ່ານ ສົມເດັດ ຮຸນເຊນ ວ່າມີຈຳນວນເທົ່າໃດ ແຕ່ຜູ້ນຳກຳປູເຈຍໄດ້ກ່າວວ່ານັບຕັ້ງແຕ່ໄດ້ມີການແຕ່ງຕັ້ງຄະນະທຳງານເລີ່ມປະຕິບັດໜ້າທີ່ ມີເງິນຈາກການບໍລິຈາກຫຼາຍພາກສ່ວນເຂົ້າແລ້ວຫຼາຍກວ່າ 10 ລ້ານໂດລາ.

ປັດຈຸບັນ, ກຳປູເຈຍມີຜູ້ປ່ວຍສະສົມຢ່າງໜ້ອຍ 110 ຄົນ ຮັກສາຫາຍແລ້ວ 34 ຄົນ ແລະ ບໍ່ມີລາຍງານຜູ້ເສຍຊີວິດຈາກການຕິດເຊື້ອໂຄວິດ-19 ເທື່ອ.

 

ຮຽບຮຽງຂ່າວ: ພຸດສະດີ

ແຫຼ່ງຂໍ້ມູນ: www.dailynews.co.th

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...