ສຳລັບທີ່ມັກການໄປທ່ຽວຕ່າງປະເທດ ເຄີຍສົງໄສບໍ່ວ່າ ຈະຕ້ອງຈ່າຍທິບ ຕອບແທນຄ່າບໍລິການເທົ່າໃດດີເຖິງຈະບໍ່ຖືກເບິ່ງໜ້າວ່າເສຍມາລະຍາດ ຫຼື ອວດລວຍເກີນງາມ ຖ້າສາວໆກຳລັງສົງໄສຢູ່ ເຮົາມີຄຳຕອບມາໄຂຂໍ້ຂ້ອງໃຈໃນການຈ່າຍທິບ ຕອບແທນຄ່າບໍລິການໃນປະເທດທ່ອງທ່ຽວສຸດຮິດ

 1. ປະເທດເຢຍລະມັນ

ຮ້ານອາຫານທີ່ປະເທດນີ້ຖຶງຈະລວມທິບໄວ້ໃນບິນແລ້ວກໍຈິງ ແຕ່ທຳນຽມຂອງເຢຍລະມັນນີ້ຄືລູກຄ້າຕ້ອງຈ່າຍເພີ່ມອີກ 5-10% ຈາກຄ່າອາຫານ ແລະ ທີ່ສຳຄັນຄືຕ້ອງຈ່າຍກັບມືພະນັກງານໂດຍກົງເທົ່ານັ້ນ ບໍ່ສະນັ້ນອາດຖືກເບິ່ງໜ້າໄດ້

2.  ປະເທດບາຊິວ

ຮ້ານອາຫານທີ່ປະເທດບາຊິວໄດ້ເອີ່ນເກັບຄ່າບໍລິການຫຼື Service Charge 10% ໄປພ້ອມກັບຄ່າອາຫານ ແລະ ເຄື່ອງດື່ມຢູ່ແລ້ວ ເພາະສະນັ້ນຖ້າສາວໆຈະບໍ່ຈ່າຍທິບກໍບໍ່ເປັນການເສຍມາລະຍາດແຕ່ຢ່າງໃດ ແຕ່ຖ້າສາວໆຮູ້ສຶກປະທັບໃຈບໍລິການຂອງຮ້ານນັ້ນຫຼາຍ ອາດຈະຈ່າຍເພີ່ມ 5-10% ຈາກຍອດທັງໝົດ ເທົ່ານີ້ພະນັກງານກໍດີໃຈຍິ້ມປາກກວ້າງຮອດຫູໂລດແຫຼະ

3.  ປະເທດອິດສະລາແອ້ນ

ເປັນປະເທດທີ່ເກັບ Service Charge ໂຫດຫຼາຍ ເພາະບາງຄັ້ງເກັບສູງເຖິງ 18% ແຕ່ໂດຍທົ່ວໄປຮ້ານຈະເອີ້ນເກັບປະມານ 10-13% ຢູ່ແລ້ວສະນັ້ນສາວໆບໍ່ຕ້ອງຈ່າຍທິບເພີ່ມແຕ່ຢ່າງໃດ

4.  ປະເທດດູໄບ

ພະນັກງານເສີບໃນດູໄບໄດ້ເງິນເດືອນບໍ່ສູງຫຼາຍ ຄົງບໍ່ໜ້າກຽດຖ້າສາວໆຈະຈ່າຍທິບເພີ່ມໃຫ້ເຂົາແດ່ ເຖິງແມ້ນທາງຮ້ານຈະເອີ້ນເກັບ 10% ຢູ່ແລ້ວກໍ່ຕາມ

5.  ສາທາລະນະລັດ ເຊັກ

ຮ້ານອາຫນທີ່ນີ່ບໍ່ນິຍົມເກັບ Service Charge ແຕ່ບໍ່ໄດ້ໝາຍຄວາມວ່າສາວໆຈະບໍ່ຈ່າຍທິບໃຫ້ເພາະ ນັກທ່ອງທ່ຽວຈະຖຶກຄາດຫວັງໃຫ້ຈ່າຍທິບໃຫ້ກັບພະນັກງານ ປະມານ 5-10% ຈາກຍອດທັງໝົດ ຖ້າສາວໆບໍ່ຈ່າຍທິບອາດຖືກພະນັກງານເບິ່ງແບບ ແປກໆເອົາໄດ້

6.  ປະເທດອິນເດຍ

ໃຜທີ່ຖຶກໃຈການບໍລິການຂອງພະນັກງານໃນຮ້ານຄວນທີ່ຈະຈ່າຍທິບກັບມືພະນັກງານຄົນນັ້ນໄດ້ເລີຍໂດຍຄຳນວນຈາກຄ່າອາຫານທັງໝົດຂັ້ນຕໍ່າ 5% ແຕ່ຖ້າຍອດທັງໝົດບໍ່ເກີນ 500 ຣູປີ ຈ່າຍໜັກໆໄປເລີຍ 10%

7.  ປະເທດທີ່ບໍ່ສົນໃຈເລື່ອງທິບ

ແມ່ນວ່າໄປຕ່າງປະເທດແລ້ວຈະຕ້ອງເສຍຄ່າທິບທຸກປະເທດຍັງມີປະເທດທີ່ບໍ່ສົນໃຈເລື່ອງທິບເລີຍແມ້ນແຕ່ໜ້ອຍ ໄດ້ແກ່ ປະເທດ: Italy, Japan, Vietnam, New Zealand, Australia, Belgium, France, Norway, Singapore, Malaysia, China ແລະ Hong Kong. ທີ່ຖືງແມ້ຈະບໍ່ຈ່າຍກໍເປັນເປັນເລື່ອງທຳມະດາທີ່ບໍ່ເສຍມາລະຍາດເລີຍ ແຕ່ຖ້າປະທັບໃຈໃນການບໍລິການຂອງພະນັກງານຈະຕອບແທນດ້ວຍທິບເລັກໆນ້ອຍກໍຖືເປັນການດີສຳຫຼັບເຂົາຫຼາຍ ແລະ ເຖິງແມ້ນຈະບໍ່ແມ່ນທຳນຽມຂອງປະເທດນັ້ນໆ ກໍອາດຈະເປັນກຳລັງໃຈໃຫ້ພະນັກງານເສີບເຮັດວຽກຕໍ່ໄປ