spot_img
Homeຂ່າວການສຶກສາອົງການ Plan ສືບຕໍ່ຊ່ວຍເຫຼືອລາວ ດ້ານການສຶກສາ 2 ລ້ານກວ່າໂດລາ

ອົງການ Plan ສືບຕໍ່ຊ່ວຍເຫຼືອລາວ ດ້ານການສຶກສາ 2 ລ້ານກວ່າໂດລາ

Published on

ອົງການ Plan ສືບຕໍ່ຊ່ວຍເຫຼືອລາວ ດ້ານການສຶກສາ 2 ລ້ານກວ່າໂດລາ

 

ອົງການ Plan ສາກົນ ປະຈຳ ​ສປປ ລາວ ໄດ້​ສືບຕໍ່​ໃຫ້ການ​ຊ່ວຍເຫຼືອ​ລ້າ​ແກ່​ລັດຖະບານ​ລາວ ໃນ​ວຽກ​ງານ​ການ​ສຶກ​ສາ ລວມ​ເປັນ​ມູນ​ຄ່າ 2 ລ້ານ​ກວ່າ​ໂດ​ລາ​ສະຫະລັດ ຊຶ່ງ​ປະກອບ​ມີ​ໂຄງການ​ການ​ສຶກ​ສາ ແລະ ພັດທະນາ​ເດັກ​ກ່ອນ​ໄວ​ຮຽນ ໄລຍະ​ທີ II ທີ່​ແຂວງ​ບໍ່​ແກ້ວ ແລະ ໂຄງການ​ພັດທະນາ​ການ​ສຶກ​ສາ​ຂັ້ນ​ພື້ນຖານ​ທີ່​ແຂວງ​ອຸດົມ​ໄຊ.

ສຳລັບ​ໂຄງການ​ການ​ສຶກ​ສາ ແລະ ພັດທະນາ​ເດັກ​ກ່ອນ​ໄວ​ຮຽນ ໄລຍະ​ທີ II ທີ່​ຕັ້ງ​ຂອງ​ໂຄງການ​ແມ່ນ​ຢູ່​ເມືອງ​ຜ່າ​ອຸດົມ ເມືອງ​ປາກ​ທາ ແລະ ເມືອງ​ເມິງ ແຂວງ​ບໍ່​ແກ້ວ ໂຄງການ​ນີ້​ແມ່ນ​ສົ່ງເສີມ​ນະໂຍບາຍ​ດ້ານ​ການ​ດູ​ແລ ແລະ ພັດທະນາ​ເດັກ​ກ່ອນ​ໄວ​ຮຽນ ການ​ບໍລິການ ແລະ ການ​ຊ່ວຍເຫຼືອ​ເດັກ​ອາຍຸ​ແຕ່ 0-5 ປີ ໂດຍ​ສະເພາະ​ແມ່ນ​ເດັກ​ຍິງ ເດັກ​ດ້ອຍ​ໂອກາດ ທີ່ຢູ່​ເຂດ​ຫ່າງ​ໄກ​ສອກຫຼີກ ທຸກ​ຍາກ ຊົນເຜົ່າ ແລະ ພິການ ໃຫ້​ໄດ້​ຮັບ​ສິດ​ໃນ​ການ​ເຂົ້າ​ເຖິງ​ການ​ສຶກ​ສາ ແລະ ໄດ້​ຮັບ​ການ​ພັດທະນາ​ຢ່າງ​ເທົ່າ​ທຽມ​ກັນ ໂຄງການ​ນີ້​ມີ​ມູນ​ຄ່າ 1.264.002 ໂດ​ລາ​ສະຫະລັດ.

ໂຄງການ​ພັດທະນາ​ການ​ສຶກ​ສາ​ຂັ້ນ​ພື້ນຖານ ແມ່ນ​ຕັ້ງ​ຢູ່​ເມືອງ​ປາກ​ແບ່ງ ເມືອງ​ຮຸນ ແລະ ເມືອງ​ງາ ແຂວງ​ອຸດົມ​ໄຊ ໂຄງການ​ນີ້​ແມ່ນ​ເພີ່ມ​ການ​ເຂົ້າ​ເຖິງ​ການ​ສຶກ​ສາ​ຢ່າງ​ສະເໝີພາບ​ຂອງ​ເດັກ ແລະ ສົ່ງເສີມ​ໃຫ້​ຮຽນ​ຈົບ​ການ​ສຶກ​ສາກ່ອນ​ໄວ​ຮຽນ ແລະ ການ​ສຶກ​ສາ​ຊັ້ນ​ປະຖົມ​ທີ່​ມີ​ຄຸນ​ນະ​ພາບ​ໃນ​ບັນດາ​ໂຮງຮຽນ​ປະຖົມ​ສຶກ​ສາ 3 ເມືອງ​ເປົ້າ​ໝາຍ​ຂອງ​ແຂວງ​ອຸດົມ​ໄຊ ມູນ​ຄ່າ​ຂອງ​ໂຄງການ​ນີ້​ແມ່ນ 1.628.744 ໂດ​ລາ​ສະຫະລັດ.

ວັນ​ທີ 11 ເມສາ 2013 ຜ່ານ​ມາ​ນີ້ ກໍ​ໄດ້​ມີ​ພິທີ​ເຊັນ​ບົດ​ບັນທຶກ​ຄວາມ​ເຂົ້າໃຈ​ກັນ​ຢ່າງ​ເປັນ​ທາງ​ການ ຢູ່​ທີ່​ໂຮງແຮມ​ກຸຫຼາບ ນະຄອນຫຼວງ​ວຽງ​ຈັນ ລະຫວ່າງ​ທ່ານ​ນາງ ຈັນທະ​ວອນ ພັນ​ດຳ​ນອງ ຫົວໜ້າ​ກົມ​ພົວພັນ​ຕ່າງປະເທດ ກະຊວງ​ສຶກ​ສາ​ທິ​ການ ແລະ ກີລາ ກັບ​ທ່ານ Andrew Hill ຜູ້ອຳນວຍການ​ຝ່າຍ​ວິຊາ​ການ​ຂອງ​ອົງການ Plan ໂດຍ​ມີ​ທ່ານ​ນາງ ແສງ​ເດືອນ ຫຼ້າ​ຈັນທະ​ບູນ ລັດຖະມົນຕີ​ຊ່ວຍ​ວ່າການ​ກະຊວງ​ສຶກ​ສາ​ທິ​ການ ແລະ ກີລາ ເຂົ້າ​ຮ່ວມ​ເປັນ​ສັກຂີ​ພິຍານ.

ທີ່ມາhttp://www.vientianemai.net

ບົດຄວາມຫຼ້າສຸດ

ສານລັດຖະທຳມະນູນ ເຫັນດີຮັບຄຳຮ້ອງ ຢຸດການປະຕິບັດໜ້າທີ່ ຂອງ ທ່ານ ນາງ ແພທອງ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ເລີ່ມແຕ່ມື້ນີ້ເປັນຕົ້ນໄປ

ສານລັດຖະທຳມະນູນ ເຫັນດີຮັບຄຳຮ້ອງຢຸດການປະຕິບັດໜ້າທີ່ຂອງ ທ່ານ ນາງ ແພທອງທານ ຊິນນະວັດ ນາຍົກລັດຖະມົນຕີແຫ່ງຣາຊະອານາຈັກໄທ ຕັ້ງແຕ່ວັນທີ 1 ກໍລະກົດ 2025 ເປັນຕົ້ນໄປ. ອີງຕາມເວັບໄຊ້ຂ່າວ Channel News...

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...