spot_img
Homeນານາສາລະອົງການເພື່ອຄວາມໂປ່ງໃສສາກົນ ແນະນຳ 5 ຂໍ້ແກ່ປະເທດທົ່ວໂລກ ເພື່ອຫຼຸດຜ່ອນການສໍ້ລາດບັງຫຼວງ

ອົງການເພື່ອຄວາມໂປ່ງໃສສາກົນ ແນະນຳ 5 ຂໍ້ແກ່ປະເທດທົ່ວໂລກ ເພື່ອຫຼຸດຜ່ອນການສໍ້ລາດບັງຫຼວງ

Published on

ຈາກການເປີດເຜີຍອັນດັບສໍ້ລາດບັງຫຼວງໂລກປະຈຳປີ 2017 ຂອງ transparency.org ໃນມື້ວານນີ້ (22 ກຸມພາ 2018) ເຊິ່ງປະກົດວ່າລາວຕົກຈາກອັນດັບທີ 123 (30 ຄະແນນ) ໃນປີ 2016 ມາຢູ່ທີ່ອັນດັບ 135 (29 ຄະແນນ) ໃນປີ 2017 ຫ່າງຈາກຄ່າສະເລ່ຍໂລກເຊິ່ງກຳນົດໄວ້ທີ່ 43 ຄະແນນ, ໃນບົດລາຍງານດັດຊະນີການຮັບຮູ້ການສໍ້ລາດບັງຫຼວງປະຈຳປີ 2017 (Corruption Perception Index-CPI ຫຼື ຊີພີໄອ) ຍັງໄດ້ລະບຸຂໍ້ແນະນຳເພື່ອຫຼຸດຜ່ອນການສໍ້ລາດບັງຫຼວງລົງໄວ້ 5 ຢ່າງ.

Transparency.org ລະບຸວ່າ ຈາກປະສົບການທີ່ໄດ້ຮ່ວມເຮັດວຽກກັບຫຼາຍກວ່າ 100 ປະເທດໃນທົ່ວໂລກ ສະແດງໃຫ້ເຫັນວ່າ ນັກເຄື່ອນໄຫວ ແລະ ສື່ ເປັນເຄື່ອງມືທີ່ສຳຄັນໃນການຕໍ່ສູ້ກັບການສໍ້ລາດບັງຫຼວງ. ສະນັ້ນພວກເຂົາຈຶ່ງໄດ້ຮຽກຮ້ອງໃຫ້ປະຊາຄົມໂລກດຳເນີນການຕາມຂໍ້ແນະນຳ 5 ປະການດັ່ງຕໍ່ໄປນີ້ ເພື່ອຫຼຸດຜ່ອນການສໍ້ລາດບັງຫຼວງລົງ:

1. ລັດຖະບານ ແລະ ບັນດາທຸລະກິດຕ່າງໆຈະຕ້ອງດຳເນີນການເພີ່ມເຕີມເພື່ອສົ່ງເສີມເສລີພາບໃນການສະແດງຄວາມເຫັນ, ການດຳເນີນງານຂອງສື່ທີ່ເປັນເອກະລາດ, ຜູ້ທີ່ມີຄວາມເຫັນຕ່າງທາງການເມືອງ ແລະ ສັງຄົມທີ່ເປີດກວ້າງ ແລະ ມີສ່ວນຮ່ວມ.

2. ລັດຖະບານຄວນຫຼຸດຜ່ອນຂໍ້ກຳນົດທີ່ມີຕໍ່ສື່ ລວມທັງສື່ໃໝ່ ແລະ ສື່ແບບເກົ່າ ເພື່ອຮັບປະກັນວ່ານັກຂ່າວສາມາດເຮັດວຽກໄດ້ຢ່າງປາສະຈາກຄວາມຢ້ານກົວຕໍ່ການເກັບກົດ ຫຼື ຄວາມຮຸນແຮງ. ພ້ອມກັນນັ້ນ ຜູ້ບໍລິຈາກຕ່າງປະເທດກໍຄວນພິຈາລະນາສິ່ງທີ່ກ່ຽວຂ້ອງກັບເສລີພາບຂອງສື່ ເພື່ອພັດທະນາການຊ່ວຍເຫຼືອ ຫຼື ການເຂົ້າເຖິງອົງການສາກົນ.

3. ສັງຄົມ ແລະ ລັດຖະບານຄວນສົ່ງເສີມກົດໝາຍທີ່ເນັ້ນໃສ່ການເຂົ້າເຖິງຂໍ້ມູນຂ່າວສານ. ການເຂົ້າເຖິງສິ່ງນີ້ຈະຊ່ວຍເພີ່ມຄວາມໂປ່ງໃສ ແລະ ການກວດສອບໄດ້ ຄຽງຄູ່ກັບຫຼຸດຜ່ອນໂອກາດທີ່ຈະເກີດການສໍ້ລາດບັງຫຼວງ.

4. ນັກເຄື່ອນໄຫວ ແລະ ລັດຖະບານຕ່າງໆ ຄວນໃຊ້ປະໂຫຍດຈາກແຮງຊຸກຍູ້ຂອງບັນດາເປົ້າໝາຍພັດທະນາຢ່າງຍືນຍົງຂອງສະຫະປະຊາຊາດ (United Nations Sustainable Development Goals ຫຼື SDGs) ເພື່ອສະໜັບສະໜຸນ ແລະ ຊຸກຍູ້ການປະຕິຮູບໃນລະດັບປະເທດ ແລະ ລະດັບໂລກ. ໂດຍສະເພາະກໍຄື ລັດຖະບານຕ້ອງຮັບປະກັນການເຂົ້າເຖິງຂໍ້ມູນຂ່າວສານ ແລະ ການປົກປ້ອງເສລີພາບພື້ນຖານ ແລະ ຈັດວາງສິ່ງເຫຼົ່ານີ້ເຂົ້າໃນສົນທິສັນຍາສາກົນ ແລະ ແນວທາງທີ່ດີທີ່ສຸດ.

5. ລັດຖະບານ ແລະ ບັນດາທຸລະກິດຕ່າງໆຄວນເປີດເຜີຍຂໍ້ມູນທີ່ກ່ຽວກັບຜົນປະໂຫຍດຂອງສາທາລະນະໃນຮູບແບບຂໍ້ມູນເປີດຢ່າງໝັ້ນໃຈ. ການເປີດເຜີຍຂໍ້ມູນທີ່ກ່ຽວຂ້ອງຢ່າງໝັ້ນໃຈນີ້ ລວມມີ ງົບປະມານລັດ, ການຖືກຳມະສິດໃນບໍລິສັດ, ການຈັດຊື້ຂອງລັດຖະບານ ແລະ ສະຖານະທາງການເງິນຂອງສະມາຊິກພັກ ເພື່ອເຮັດໃຫ້ບັນດານັກຂ່າວ, ສັງຄົມ ແລະ ກຸ່ມຄົນທີ່ໄດ້ຮັບຜົນກະທົບ ສາມາດບົ່ງຊີ້ຮູບການຂອງການສໍ້ລາດບັງຫຼວງໄດ້ຢ່າງມີປະສິດທິພາບຫຼາຍຂຶ້ນ.

 

ແຫລ່ງຂ່າວ : transparency.org ແລະ ມ່ວນສະນຸກ.

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...