ອາເມລິກາກຽມກວດສອບການເກັບພາສີບໍລິການດິຈິຕອລກັບ 10 ປະເທດຄູ່ຄ້າ

ເວັບໄຊ bangkokbiznews ລາຍງານໃຫ້ຮູ້ວ່າ ທ່ານ ໂຣເບີດ ໄລໄຮເຊີ ຜູ້ແທນການຄ້າອາເມລິກາ (USTR) ປະກາດວ່າ ອາເມລິກາເລີ່ມກວດສອບການຮຽກເກັບພາສີການບໍລິການດິຈິຕອລທີ່ກຳລັງພິຈາລະນາ 10 ປະເທດຄູ່ຄ້າຂອງອາເມລິກາ ໂດຍອາເມລິກາຈະເຮັດການກວດສອບດັ່ງກ່າວພາຍໃຕ້ກົດໝາຍມາດຕາ 301.

ການກວດສອບດັ່ງກ່າວແມ່ນຈະກວດສອບວ່າ ປະເທດຄູ່ຄ້າໄດ້ມີການເກັບພາສີການບໍລິການດິຈິຕອລ ເຂົ້າຂ່າຍເລືອກປະຕິບັດຕໍ່ບໍລິສັດເທັກໂນໂລຍີຂອງອາເມລິກາ ເຊັ່ນ: ແອັບເປີນ ອິງ ແລະ ກູເກີລ ຫຼື ບໍ່ ໂດຍອາເມລິກາຈະດຳເນີນການກວດສອບພາຍໃຕ້ກົດໝາຍມາດຕາ 301 ເຊິ່ງເປັນມາດຕາດຽວກັບທີ່ຄະນະເຮັດວຽກຂອງປະທານາທິບໍດີ ທຣໍ້າ ເຄີຍນຳມາໃຊ້ເພື່ອກວດສອບພຶດຕິກຳການຄ້າທີ່ບໍ່ຍຸດຕິທຳຂອງຈີນ ຈົນເຮັດໃຫ້ອາເມລິກາໄດ້ຕັດສິນໃຈຮຽກເກັບພາສີສິນຄ້ານຳເຂົ້າຈາກຈີນໃນເວລາຕໍ່ມາ.

ທັງນີ້, ກົດໝາຍມາດຕາ 301 ຂອງອາເມລິກາເຊິ່ງໄດ້ມີການປັບເນື້ອຫາກົດໝາຍດ້ານການຄ້າໃນປີ 1974 ອະນຸຍາດໃຫ້ປະທານາທິບໍດີສະຫະລັດອາເມລິກາສາມາດສັ່ງການໃຫ້ຮຽກເກັບພາສີນຳເຂົ້າ ຫຼື ໃຊ້ມາດຕະການທີ່ເຂັ້ມງວດດ້ານການຄ້າຕໍ່ປະເທດອື່ນໆໄດ້. ຫຼາຍປະເທດທົ່ວໂລກໄດ້ສະແດງຄວາມກັງວົນວ່າ ການໃຊ້ມາດຕາ 301 ຂອງອາເມລິກາອາດຂັດຕໍ່ກົດລະບຽບຂອງອົງການການຄ້າໂລກ ແລະ ສ້າງຄວາມເສຍຫາຍຕໍ່ລະບົບການຄ້າຫຼາຍຝ່າຍ.

 

ຮຽບຮຽງຂ່າວ: ພຸດສະດີ