ອາເມຣິກາ ກຽມສົ່ງທະຫານ 5 ພັນຄົນ ເຂົ້າເກາະກວມ ເພື່ອຄານອຳນາດຈີນ ດ້ານປະຊາຊົນທ້ອງຖິ່ນຄັດຄ້ານ!

ສຳນັກຂ່າວຕ່າງປະເທດ ລາຍງານໃນວັນທີ 2 ສິງຫານີ້ວ່າ ລັດຖະບານ ແລະ ກອງທັບສະຫະລັດອາເມຣິກາ ກຽມເດີນໜ້າແຜນການ ສົ່ງທະຫານຈຳນວນ 5,000 ຄົນ ເຂົ້າໄປປະຈຳການຢູ່ເກາະກວມ ຊຶ່ງເປັນດິນແດນທີ່ປົກຄອງໂດຍອາເມຣິກາ ໃນມະຫາສະໝຸດປາຊີຟິກ ໂດຍກຳລັງພົນສ່ວນໃຫຍ່ ຈະຖືກຍົກຍ້າຍອອກຈາກ ຖານທັບອາກາດອາເມຣິກາ ເທິງເກາະໂອກີນາວາ ປະເທດຍີ່ປຸ່ນ.

ດ້ານປະຊາຊົນເທິງເກາະກວມ ໄດ້ສະແດງຄວາມຄັດຄ້ານ ໂດຍລະບຸວ່າ ເຖິງແມ່ນເກາະກວມ ຈະເປັນດິນແດນຂອງອາເມຣິກາກໍຕາມ ແຕ່ການຕັດສິນໃຈເດີນໜ້າ ສົ່ງທະຫານອາເມຣິກາ ຈຳນວນເຄິ່ງໝື່ນ ເຂົ້າມາປະຈຳການ ໂດຍບໍ່ໄດ້ຮັບການເຫັນດີຂອງຊາວເກາະກວມ ຖືເປັນພຶດຕິກຳທີ່ບໍ່ແຕກຕ່າງ ຈາກສິ່ງທີ່ເກີດຂຶ້ນ ໃນຍຸກລ່າອານານິຍົມ ຊຶ່ງເປັນສິ່ງທີ່ປະຊາຊົນເທິງເກາະແຫ່ງນີ້ ບໍ່ອາດຍອມຮັບໄດ້ ແລະ ກຽມຄັດຄ້ານເລື່ອງນີ້ ຢ່າງສຸດຂີດ.

ດ້ານແຫລ່ງຂ່າວຈາກກະຊວງປ້ອງກັນປະເທດ ສະຫະລັດອາເມຣິກາ ໄດ້ອອກມາລະບຸວ່າ ການຍົກຍ້າຍທະຫານ ຈຳນວນເຄິ່ງໝື່ນ ຈາກເກາະໂອກີນາວາ ໄປຍັງເກາະກວມ ເປັນສິ່ງຈຳເປັນຕໍ່ການຮັກສາ ບົດບາດທາງທະຫານຂອງ ສະຫະລັດອາເມຣິກາ ໃນພາກພື້ນອາຊີ-ປາຊີຟິກ ຊຶ່ງໃນເວລານີ້ ກຳລັງປະເຊີນກັບ ໄພຄຸກຄາມທາງທະຫານ ຈາກກອງທັບຈີນ ໃນບັນຫາຂໍ້ຂັດແຍ່ງທະເລຈີນໃຕ້.

559000007890303

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!

1 COMMENT

  1. ສົງຄາມໂລກ ຫລື ສົງຄາມພາກພື້ນຈະຊ່ວຍໃຫ້ເກີດປະຕິວັດພາຍໃນປະເທດຕ່າງໆແນ່ນອນ
    ຂໍໃຫ້ມີສົງຄາມທະເລຈີນໃຕ້ເທີ້ະ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.