ອາຫານທີ່ສາມາດປ້ອງກັນມະເຮັງໄດ້ມີຫຼາຍຊະນິດທີ່ແຕກຕ່າງກັນ ມີທັງອາຫານປະເພດຜັກ, ຊີ້ນສັດ, ໝາກໄມ້ ທີ່ເຮົາກິນແລ້ວສາມາດປ້ອງກັນມະເຮັງໄດ້ ມື້ນີ້ເຮົາຈະມາຮູ້ກ່ຽວກັບອາຫານ 7 ຊະນິດທີ່ສາມາດປ້ອງກັນມະເຮັງໄດ້ມີດັ່ງນີ້
- ໃບຊາ: ມີການວິໄຈພົບວ່າ ໃບຊາສາມາດປ້ອງກັນມະເຮັງໄດ້ ແລະ ໃບຊາມີສານສາມາດຢັບຢັ້ງເຊວມະເຮັງ ແລະປ້ອງກັນພະຍາດເລື້ອລັງໄດ້ຫຼາຍຊະນິດ
- ສາລີ: ເຊິ່ງສາມາດປ້ອງກັນ ແລະຊ່ວຍຮັກສາພະຍາດຄວາມດັນເລືອດສູງ, ຫຼອດເລືອດແຂງໂຕ ແລະຍັງສາມາດປ້ອງກັນມະເຮັງໄດ້ ໂດຍສະເພາະແມ່ນແປ້ງສາລີ ມີກົດອະມິໂນຫຼາຍຊະນິດ ສາມາດປ້ອງກັນ ແລະຂ້າເຊວມະເຮັງໄດ້
- ຖົ່ວເຫຼືອງ: ມີສານປ້ອງກັນມະເຮັງຫຼາຍຊະນິດ ເຊິ່ງມີຊະນິດໜຶ່ງສາມາດປ້ອງກັນມະເຮັງເຕົ້ານົມໄດ້ດີ
- ຜັກຫອມບົ່ວ, ກະທຽມ: ສາມາດປ້ອງກັນມະເຮັງລຳໄສ້ໃຫຍ່, ມະເຮັງກະເພາະອາຫານ, ມະເຮັງປອດ ແລະມະເຮັງຕັບ ໂດຍສະເພາະແມ່ນຫົວຫອມບົ່ວ ມີສານທີ່ສາມາດເສີມພູມຄຸ້ມກັນໃຫ້ແຂງແຮງ ແລະຢັບຢັ້ງການແຜ່ກະຈາຍຂອງພະຍາດມະເຮັງ
- ເຫັດ: ເປັນອາຫານປ້ອງກັນມະເຮັງໄດ້ດີເຊິ່ງໄດ້ຮັບການນິຍົມທົ່ວໄປ ໂດຍສະເພາະເຫັດຫອມ ສາມາດເສີມພູມຕ້ານທານຂອງເຊວຕ່າງໆໃນຮ່າງກາຍໄດ້ດີ
- ໝາກແອັບເປິ່ນ: ຈາກການວິໄຈພົບວ່າ ວິຕາມິນຊີໃນແອັບເປິ່ນ ສາມາດຢັບຢັ້ງການເກີດສານກໍ່ມະເຮັງ, ທຳລາຍເຊວມະເຮັງ ແລະເຮັດໃຫ້ເຊວມະເຮັງກາຍເປັນເຊວປົກກະຕິ
- ສາຫຼ່າຍທະເລ: ເລືອດຂອງຜູ້ເປັນມະເຮັງສ່ວນຫຼາຍມີລັກສະນະເປັນກົດ, ສາຫຼ່າຍທະເລມີສານແຄວຊຽມຫຼາຍ ສາມາດປັບປຸງຄວາມສົນດູນລະຫວ່າງກົດກັບດ່າງໃນເລືອດ ຈຶ່ງສາມາດປ້ອງກັນໄດ້
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ