ຫວຽດນາມສັ່ງຫ້າມມີການຊຸມນຸມເກີນ 20 ຄົນ ເພື່ອປ້ອງກັນການລະບາດຂອງໂຄວິດ-19

0
5812
(Photo by Nhac NGUYEN / AFP)
A Vietnamese policeman wearing a facemask amid concerns of the spread of the COVID-19 coronavirus stands guard at a makeshift checkpoint in an isolated area on Truc Bach street in Hanoi on March 8, 2020. - Vietnam on March 7 reported its 20th confirmed case of the COVID-19 coronavirus, as the number of cases topped 100,000 worldwide. (Photo by Nhac NGUYEN / AFP)

ສຳນັກຂ່າວຣອຍເຕີ ລາຍງານຈາກ ນະຄອນຫຼວງ ຮ່າໂນ່ຍ ປະເທດ ຫວຽດນາມເມື່ອວັນທີ 26 ມີນາ 2020 ວ່າ ທ່ານ ຫງຽນ ຊວນ ຟຸກ ນາຍົກລັດຖະມົນຕີ ຫວຽດນາມຖະແຫຼງການວ່າ ລັດຖະບານຫວຽດນາມຂໍປະກາດຫ້າມຊຸມນຸມກັນເກີນ 20 ຄົນ ໃນອີກສອງອາທິດຕໍ່ໜ້າ ເພື່ອເປັນການສະກັດກັ້ນການແຜ່ລະບາດຂອງເຊື້ອໄວຣັດໂຄວິດ-19 ທີ່ກຳລັງລະບາດໃນຂະນະນີ້.

ນອກຈາກນີ້, ຍັງສັ່ງໃຫ້ເມືອງໃຫຍ່ທົ່ວປະເທດ ລະງັບການເດີນທາງທີ່ບໍ່ຈຳເປັນໄວ້ກ່ອນ ທາງກະຊວງສາທາລະນະສຸກ ຫວຽດນາມຖະແຫຼງການວ່າ ທົ່ວປະເທດພົບຜູ້ຕິດເຊື້ອໂຄວິດ-19 ທັງໝົດ 148 ກໍລະນີ ແຕ່ຍັງບໍ່ມີຜູ້ເສຍຊີວິດ.

ທາງລັດຖະບານຫວຽດນາມ ໄດ້ເຮັດການກັກຕົວຜູ້ທີ່ເດີນທາງກັບຈາກຕ່າງປະເທດງວດທຳອິດ ເມື່ອຕົ້ນເດືອນມີນາ ທີ່ຜ່ານມາ ຈຳນວນ 44,955 ຄົນ ໄວ້ທີ່ສູນກັກກັນໂຣກເຊິ່ງມີກອງທັບເປັນຜູ້ດູແລ ແລະ ກໍ່ໄດ້ມີການປ່ອຍຕົວໃຫ້ກັບບ້ານໄປແລ້ວ 6,744 ຄົນ ໃນວັນຈັນທີ່ຜ່ານມາ.

ຫວຽດນາມເປັນປະເທດໜຶ່ງໃນພາກພື້ນອາຊີຕາເວັນອອກສຽງໃຕ້ ທີ່ໄດ້ຮັບການຍ້ອງຍໍໃນດ້ານການຕໍ່ສູ້ກັບເຊື້ອໄວຣັດໂຄວິດ-19 ຈົນເຮັດໃຫ້ຕົວເລກຜູ້ຕິດເຊື້ອມີໜ້ອຍກວ່າປະເທດເພື່ອນບ້ານ.

 

ຮຽບຮຽງຂ່າວ: ພຸດສະດີ

 

 

 

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.