spot_img
Home​ຂ່າວທ່ອງທ່ຽວສະໜາມບິນໜອງຄ້າງຊຳເໜີອ ອີກເສັ້ນທາງດຶງດູດນັກທ່ອງທ່ຽວເຂົ້າແຂວງຫົວພັນ

ສະໜາມບິນໜອງຄ້າງຊຳເໜີອ ອີກເສັ້ນທາງດຶງດູດນັກທ່ອງທ່ຽວເຂົ້າແຂວງຫົວພັນ

Published on

ສະໜາມບິນໜອງຄ້າງຊຳເໜີອ -LaoPost.com

ໂດຍ: ໂອ​ຫຼົດ

ຫົວ­ພັນ​ເປັນ​ແຂວງ​ໜຶ່ງ​ທີ່ຕັ້ງ​ຢູ່​ທາງ​ພາກ​ເໜືອ​ສຸດ​ຂອງ​ປະເທດ​ລາວຕັ້ງ​ຢູ່​ທິດ­ຕາ­ເວັນ­ອອກສຽງ​ເໜືອ​ຂອງ​ແຂວງ​ຊຽງ​ຂວາງ ຊຶ່ງ​ເສັ້ນ­ທາງ​ເຂົ້າ​ເຖິງ​ແຂວງ​ດັ່ງກ່າວ​ຂ້ອນ​ຂ້າງ​ຫຍຸ້ງ­ຍາກ​ພໍ​ສົມ ຄວນ ເນື່ອງ​ຈາກ​ມີ​ພູ­ເຂົາ​ອ້ອມຮອບ​ຫຼາຍ​ເຮັດ​ໃຫ້­ການ​ສ້າງ​ເສັ້ນທາງ​ຄົດ​ລ້ຽວ, ການ​ເດີນ­ທາງ​ຈິ່ງຕ້ອງ​ໃຊ້​ເວ­ລາ​ດົນ ແລະ ມີ​ຄວາມ​ສ່ຽງ​ສົ່ງ​ຜົນ​ເຮັດ​ໃຫ້­ການ​ຂົນ­ສົ່ງສິນ­ຄ້າ​ລຳ­ບາກ​ທີ່​ສຳ­ຄັນ​ບັນ​ຍາກາດ​ການ­ທ່ອງ­ທ່ຽວ​ແຂວງ​ບໍ່​ຄຶກຄື້ນ​ເທົ່າ​ທີ່​ຄວນ, ຂະ­ນະ​ທີ່​ປະ­ຈຸ​ບັນໂຄງ­ການ​ກໍ່­ສ້າງ​ສະ­ໜາມ​ບິນໜອງ​ຄ້າງ​ຊຳ​ເໜືອ​ໃກ້​ຈະ​ສຳ­ເລັດ​ຄາດ​ກາງ​ປີ­ໜ້າ​ເປີດ​ນຳ​ໃຊ້ ແລະ ເຊື່ອ​ແນ່​ວ່າ​ຈະ​ເປັນ​ອີກ​ເສັ້ນ­ທາງດຶງ​ດູດ​ນັກ​ທ່ອງ​ທ່ຽວ​ເຂົ້າ​ທ່ຽວ​ຊົມແຂວງ​ຫຼາຍ​ຂຶ້ນ.

ສຳ­ລັບ​ໂຄງ­ການ​ກໍ່­ສ້າງ​ສະໜາມ​ບິນ​ໜອງ​ຄ້າງ ເມືອງ​ຊຳເໜືອ ແຂວງ​ຫົວ­ພັນ ເປັນ​ໂຄງ­ການໜຶ່ງ​ຂອງ​ລັດ­ຖະ­ບານ ສປປ ລາວ ທີ່​ສ້າງ​ຂຶ້ນ​ມາ​ເພື່ອ​ຮອງ​ຮັບ​ເຮືອບິນ​ສາຍ­ພາຍ​ໃນ ແລະ ຕ່າງ­ປະ­ເທດໃນ​ອະ­ນາ­ຄົດ ເພື່ອ​ເປັນ​ການ​ຊຸກຍູ້ ແລະ ສົ່ງ­ເສີມ​ການ​ພັດ­ທະ­ນາເສດ­ຖະ­ກິດŒສັງ­ຄົມ ແລະ ການ​ຂົນສົ່ງ​ສິນ­ຄ້າ​ທາງ​ອາ­ກາດ ໂດຍ​ສະເພາະ​ຂະ­ແໜງ​ການ­ທ່ອງ­ທ່ຽວຂອງ​ແຂວງ​ຫົວ­ພັນ​ກໍ​ຄື​ພາຍ​ໃນ​ປະເທດ ເນື່ອງ​ຈາ​ກວ່າ​ແຂວງ​ຫົວ­ພັນເປັນ​ແຂວງ​ທີ່​ມີ​ສະ­ຖານ­ທີ່​ທ່ອງທ່ຽວ​ທີ່​ຫຼາກ​ຫຼາຍ ແລະ ສວຍ​ງາມທາງ​ດ້ານ​ວັດ­ທະ­ນະ­ທຳ, ທຳ​ມະຊາດ ແລະ ປະ­ຫວັດ­ສາດ​ເປັນ­ຕົ້ນ: ເມືອງ​ວຽງ​ໄຊອະ­ດີດ​ສູນ​ບັນ­ຊາການ​ໃຫຍ່​ຂອງ​ກຸ່ມ​ຜູ້­ນຳ​ຂະ​ບວນການ​ປະ­ເທດ​ລາວ, ເມືອງ​ຊຳ​ເໜືອ ເມືອງ​ເອກ​ຂອງ​ແຂວງ​ຫົວ­ພັນ​ມີຊາຍ​ແດນ​ຕິດ​ກັບ​ຫວຽດ­ນາມຕັ້ງ​ຢູ່ທ່າມ­ກາງ​ຮ່ອມ​ພູ​ອັນ​ຂຽວ​ຂະ​ຈີ​ມີ ຄວາມ​ສູງ 1.200 ແມັດ ເປັນເມືອງ​ທີ່​ມີ​ທິວ​ທັດ​ທີ່​ສວຍ​ງາມ, ຕາດ​ສະ­ເຫຼີຍ, ວັດ​ໂພ​ໄຊ​ໄຊ​ຍະລາມ ແລະ ອີກ​ຫຼາຍໆ​ແຫ່ງ​ທີ່​ມີຄວາມ​ໂດດ​ເດັ່ນ​ເປັນ​ເອ­ກະ­ລັກ.

ແນວ­ໃດ​ກໍ​ດີ ໂຄງ­ການ​ກໍ່­ສ້າງສະ­ໜາມ​ບິນ​ໜອງ​ຄ້າງ ເມືອງ​ຊຳເໜືອ ທີ່​ຄາດ​ກາງ​ປີ­ໜ້າ​ຈະ​ເປີດນຳ​ໃຊ້​ນັ້ນ​ເຊື່ອ​ວ່າ​ຈະ​ເປັນ​ອີກຊ່ອງ​ທາງ​ໜຶ່ງ​ທີ່​ຈະ​ສາ­ມາດ​ດຶງດູດ​ນັກ​ທ່ອງ​ທ່ຽວ​ທັງ​ພາຍ​ໃນແລະ ຕ່າງ­ປະ­ເທດ​ໃຫ້​ເດີນ­ທາງເຂົ້າ​ມາ​ທ່ຽວ​ຊົມ​ແຂວງ​ຫົວ­ພັນນັບ​ມື້​ນັບ​ຫຼາຍ​ຂຶ້ນ ເພາະ­ວ່າ​ການ​ສັນ­ຈອນ​ທາງ​ອາ­ກາດ​ມີ​ຄວາມ​ສະ­ດວກ​ສະ­ບາຍ ແລະ ວ່ອງ­ໄວ ເຖິງ​ແມ່ນ​ວ່າ​ຄ່າ​ໃຊ້​ຈ່າຍ​ຈະ​ຂ້ອນຂ້າງ​ສູງ​ແຕ່​ກໍ​ຖື​ເປັນ​ທາງ​ເລືອກໃຫ້​ກັບ​ບຸກ­ຄົນ​ທີ່​ເດີນ­ທາງ​ໄປແຂວງ​ດັ່ງ­ກ່າວ ແລະ ຈະ​ສົ່ງ​ຜົນເຮັດ​ໃຫ້​ບັນ­ຍາ­ກາດ​ການ​ທ່ອງທ່ຽວ​ພາຍ​ໃນ​ແຂວງ​ຫົວ­ພັນ​ມີຄວາມ​ຟົດ­ຟື້ນ​ຂຶ້ນ.

ທີ່ມາ ເສດຖະກິດ-ການຄ້າ

ບົດຄວາມຫຼ້າສຸດ

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ)

ມະຕິກອງປະຊຸມສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍການປົກຄອງທ້ອງຖິ່ນ (ສະບັບປັບປຸງ) ມີລາຍລະອຽດດັ່ງນີ້:

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...