ສະຫະລັດກຳລັງຈະສົ່ງອອກນໍ້າມັນຫຼາຍກວ່າການນຳເຂົ້າ

0
490

ສຳນັກຂ່າວຕ່າງປະເທດລາຍງານຈາກນະຄອນຫຼວງປາຣີສ ປະເທດຝຣັ່ງ ເມື່ອວັນທີ 11 ມີນາ 2019 ວ່າ ຖະແຫຼງການຂອງທ່ານ ຟາຕິ ບິຣອລ ຜູ້ອຳນວຍການໜ່ວຍງານພະລັງງານລະຫວ່າງປະເທດ ຫຼື ໄອອີເອ ກ່າວວ່າ ຄື້ນລູກທີ 2 ຂອງການປະຕິວັດຫີນນ້ຳມັນສະຫະລັດກຳລັງມາຮອດແລ້ວ ເຕັກໂນໂລຢີໃໝ່ທີ່ເຮັດໃຫ້ສາມາດຂຸດເຈາະນໍ້າມັນ ແລະ ກ໊າຊຈາກຊັ້ນຫີນ ເຮັດໃຫ້ການຜະລິດນໍ້າມັນໃນສະຫະລັດຮຸ່ງເຮືອງໃນໄລຍະຫຼາຍປີຜ່ານມາ.

ສຳນັກງານກວດສອບດ້ານສີ່ງແວດລ້ອມ Environmental Investigation Agency (IEA) ທຳນາຍວ່າ ສະຫະລັດຈະຄອງສ່ວນແບ່ງ 2 ໃນ 3 ຂອງການຜະລິດນໍ້າມັນທົ່ວໂລກທີ່ເພີ່ມຂຶ້ນ ແລະ ປະມານ 75% ຂອງການຂະຫຍາຍຕົວການຜະລິດກ໊າຊທຳມະຊາດເເຫຼວ (LNG) ໃນໄລຍະ 5 ປີຕໍ່ໜ້າ ແລະ ຈະເຮັດໃຫ້ສະຫະລັດແຊງໜ້າລັດເຊຍ ຂຶ້ນເປັນປະເທດຜູ້ສົ່ງອອກນ້ຳມັນລາຍໃຫຍ່ອັນດັບ 2 ຂອງໂລກ ຮອງຈາກຊາອຸດິອາລັບບີ.

IEA ຄາດການວ່າ ຜົນຜະລິດນໍ້າມັນທົ່ວໂລກໂດຍລວມຈະສູງຂຶ້ນມື້ລະ 5.9 ລ້ານບາເຣລ ພາຍໃນປີ 2024 ໂດຍຜົນຜະລິດຂອງອິຣານຈະຫຼຸດລົງເນື່ອງຈາກການຄວໍ້າບາດຂອງສະຫະລັດ ຄືກັນກັບເວເນຊູເອລາ ຈາກຜົນກະທົບຂອງວິກິດທາງເສດຖະກິດໃນປະເທດ.

 

 

 

 

 

 

 

 

 

 

 

 

 

 

 

ຮຽບຮຽງຂ່າວ: ບຸດສະດີ ສາຍນໍ້າມັດ
ແຫຼ່ງຂໍ້ມູນ: dailynews

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.