spot_img
Homeຂ່າວເຫດການສະພາອຸດສາຫະກຳ ແລະ ການຄ້າ ຈັດເຜີຍແຜ່ມະຕິ X ໃຫ້ພາກທຸລະກິດ

ສະພາອຸດສາຫະກຳ ແລະ ການຄ້າ ຈັດເຜີຍແຜ່ມະຕິ X ໃຫ້ພາກທຸລະກິດ

Published on

ໃນເຊົ້າວັນທີ 27 ກໍລະກົດນີ້, ທີ່ໂຮງແຮມດອນຈັນພາເລດ ນະຄອນຫລວງວຽງຈັນ ທ່ານຮອງປະທານປະເທດ ພັນຄໍາ ວິພາວັນ ໄດ້ໃຫ້ກຽດເຜີຍແຜ່ມະຕິກອງປະຊຸມໃຫຍ່ຄັ້ງທີ X ຂອງພັກປະຊາຊົນປະຕິວັດລາວ ໃຫ້ແກ່ຜູ້ປະກອບການທຸລະກິດ ໃນຂອບເຂດທົ່ວປະເທດ ເພື່ອແນໃສເຮັດໃຫ້ພາກທຸລະກິດ ໄດ້ຮັບຮູ້ເຂົ້າໃຈເລິກເຊິ່ງ ຕໍ່ແນວທາງນະໂຍບາຍຂອງພັກ ແລະ ພ້ອມກັນຕັ້ງໜ້າຈັດຕັ້ງຜັນຂະຫຍາຍ ໃຫ້ມີໝາກຜົນຕົວຈິງ ແລະ ກ້າວໄປສູ່ການສ້າງພື້ນຖານເສດຖະກິດແຫ່ງຊາດ ທີ່ໜັກແໜ້ນເຂັ້ມແຂງໃນຕໍ່ໜ້າ.

ໃນໂອກາດນີ້, ທ່ານຮອງປະທານປະເທດ ໄດ້ຍົກໃຫ້ເຫັນບົດບາດການນໍາພາ ໃນແນວທາງປ່ຽນແປງໃໝ່ຮອບດ້ານ ແລະ ມີຫລັກການຂອງພັກ, ພ້ອມທັງຊີ້ໃຫ້ເຫັນເນື້ອໃນຈິດໃຈ ແລະ ທິດທາງຂອງພັກ ເພື່ອສ້າງບາດລ້ຽວ ໃນການພັດທະນາປະເທດໃນຕໍ່ໜ້າ, ໂດຍສະເພາະສູ້ຊົນນໍາເອົາປະເທດຊາດ ຫລຸດພົ້ນອອກຈາກ ສະພາວະດ້ອຍພັດທະນາໃນປີ 2020 ແລະ ສ້າງພື້ນຖານອັນໜັນແໜ້ນ ໃຫ້ແກ່ການພັດທະນາແບບຍືນຍົງ ສູ່ຈຸດໝາຍສັງຄົມນິຍົມ ແລະ ຢາກບັນລຸໄດ້ແນວນັ້ນ, ທຸກພາກສ່ວນນັບທັງພາກລັດ ແລະ ເອກະຊົນ ຕ້ອງໄດ້ມີຄວາມຕັດສີນໃຈສູງ ເພື່ອພ້ອມກັນຜ່ານຜ່າຄວາມຫຍຸ້ງຍາກ ແລະ ສິ່ງທ້າທາຍທົດສອບຕ່າງໆ ຢ່າງເດັດຂາດ ດ້ວຍການແກ້ໄຂຂໍ້ຄົງຄ້າງຕ່າງໆໃນຜ່ານມາ ທັງໃນຖັນແຖວພາກລັດ ແລະ ພາກທຸລະກິດ ເພື່ອຮັບປະກັນການບຸກທະລຸ ດ້ານແນວຄິດຈີນຕະນາການ ແລະ ກ້າວສູ່ການຫັນປ່ຽນຢ່າງຈະແຈ້ງ, ເພື່ອຮັບປະກັນໃຫ້ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII (2016-2020) ປະກົດຜົນເປັນຈິງ.

ພິທີດັ່ງກ່າວຈັດຂຶ້ນໂດຍ ສະພາການຄ້າ ແລະ ອຸດສະຫະກໍາແຫ່ງຊາດ, ເຊິ່ງມີຜູ້ປະກອບການ, ຫົວໜ່ວຍທຸລະກິດໃນທົ່ວປະເທດ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈໍານວນຫລາຍ.

 

ແຫລ່ງຂ່າວ:

ລພນ

ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...