spot_img
Homeຂ່າວພາຍ​ໃນສະພາບຄວາມພ້ອມ ຂອງທີມຊາດລາວ ຊຸດໃຫຍ່ ທີ່ຈະລົງແຂ່ງຂັນ ກັບ ທີມຊາດມາລດິບ ໃນລາຍການ UAE 2019 AFC QAULIFY

ສະພາບຄວາມພ້ອມ ຂອງທີມຊາດລາວ ຊຸດໃຫຍ່ ທີ່ຈະລົງແຂ່ງຂັນ ກັບ ທີມຊາດມາລດິບ ໃນລາຍການ UAE 2019 AFC QAULIFY

Published on

ອີງຕາມຂໍ້ມູນ ຈາກທ່ານ ປອ ເວີນສະຫວັນ ສີວິໄຊ ຮອງຫົວໜ້າຄູຝຶກ ທີ່ສົ່ງໃຫ້ທີມງານ laosportnews ມີດັ່ງນີ້: ໂດຍພື້ນຖານແລ້ວ ສະພາບຂອງທີມ ແມ່ນມີຄວາມພ້ອມທຸກດ້ານ ທີ່ຈະລົງແຂ່ງຂັນ ກັບທີມຊາດ ມາລດິບ ໃນຕອນຄ່ຳຂອງມື້ນີ້ ເວລາ 21:00 ໂມງ ຕາມເວລາທ້ອງຖິ່ນ ( ເວລາ ບ້ານເຮົາ 23:00 ໂມງ, ຂອງວັນທີ 06 ກັນຍາ 2016 ), ໝາຍຄວາມວ່າ ທາງດ້ານສະພາບແນວຄິດຈິດໃຈ ຂອງ ນັກກິລາທຸກຄົນ ແລະຄະນະ ແມ່ນມີຈິດໜື່ງໃຈດຽວກັນ ແລະຈຸດປະສົງອັນດຽວກັນແມ່ນ ເອົາໄຊຊະນະ ໃຫ້ໄດ້ ຂີ້ຮ້າຍສຸດແມ່ນ ສະເໝີ, ທາງດ້ານ ພາລະກຳລັງ ກະຖືວ່າ ນັກກິລາທຸກຄົນ ມີຄວາມພ້ອມຢ່າງເຕັມທີ່, ສ່ວນ ດ້ານ ສຸຂະພາບຂອງນັກກິລາທຸກຄົນແມ່ນ ແຂງແຮງ ຍົກເວັ້ນ ປະເສີດສັກ ກອງກາງ ທີ່ຍັງ ບາດເຈັບຫົວເຂົ່າ ຄິດວ່າ ໃນເວລາ ໄປແຂ່ງຂັນຢູ່ບ້ານເຮົາຈະ ສາມາດລົງຮັບໃຊ້ຊາດໄດ້.

5891

ໃນການແຂ່ງຂັນໃນມື້ນີ້ ໃນຖານະ ທີ່ເຮົາເປັນທີມຢາມ ແລະ ເພື່ອຮັບປະກັນຄວາມຜິດພາດ ( ເພາະວ່າ ທີມຊາດລາວເຮົາເຄີຍເສຍໃຫ້ ມາລດິບມາກ່ອນ ແມ່ນ 7 ປະຕູຕໍ່ 1 ເພາະສະນັ້ນ ສຳລັບຍຸດທະວິທີຂອງ ພວກເຮົາຄື ເນັ້ນໜັກການປ້ອງກັນ ບໍ່ໃຫ້ເສຍປະຕູ ແລະ ເນັ້ນການບຸກແບບສວນກັບ ( Counter Attack) ໂດຍສະເພາະ ທີມມາລດິບ ມີກອງໜ້າ 02 ຄົນທີ່ມີຄວາມສາມາດສະເພາະໂຕສູງ ແລະ ສາມາດຍິງປະຕູໄດ້ ທຸກສະຖານະການ. ສຳລັບ ລະບົບການຫຼີ້ນໃນມື້ນີ້ ແມ່ນ ຈະໃຊ້ ລະບົບ 1-5-4-1 ຄື :

ຜູ້ຮັກສາປະຕູ 01 ຄົນ
ກອງຫຼັງສຸດທ້າຍ 01 ຄົນ ເອີ້ນວ່າ LIBERO
ສະຕ່ອບເປີ້ 02 ຄົນ

ແບັກຂວາ 01 ຄົນ
ກອງກາງ ແລະປີກສອງຂ້າງ04 ຄົນ
ກອງໜ້າ 01 ຄົນ
ລາຍຊື່ ຜູ້ທີ່ຈະລົງແຂ່ງຂັນ ໃນຈຳນວນ 11 ຕົວຈິງ ປະກອບມີ :

ທ້າວ ຈິນຕະນາ ສຸກສະຫວັດ ຜູ້ຮັກສາປະຕູຈາກສະໂມສອນ ລາວໂຕໂຍຕາ
ທ້າວ ຄຳພູມີ ຫານວິໄລ ກອງຫຼັງສຸດທ້າຍ ຈາກສະໂມສອນ ຊ້າງນ້ອຍ
ທ້າວ ທົດນິລາດ ສີບຸນເຮືອງ ສະຕ໋ອບເປີ້ ຈາກສະໂມສອນ ໄຟຟ້າລາວ
ທ້າວ ມຸກດາ ສຸກສະຫວັດ ສະຕ໋ອບເປີ້ ຈາກສະໂມສອນ ລາວໂຕໂຍຕາ
ທ້າວ ແສງດາວ ອິນທິລາດ ແບັກຊ້າຍ ຈາກສະໂມສອນ ລ້ານຊ້າງຍູໄນເຕັດ
ທ້າວ ໄຊນະຄອນວຽງ ພົມມະປັນຍາ ແບັກຂວາ ຈາກສະໂມສອນ ລາວໂຕໂຍຕາ
ທ້າວ ພັດທະນາ ສີວິໄລກອງກາງ ຈາກສະໂມສອນ ລາວໂຕໂຍຕາ
ທ້າວ ພຸດທະໄຊ ໂຄຈະເລີນ ກອງກາງຈາກສະໂມສອນ ລ້ານຊ້າງຍູໄນເຕັດ
ທ້າວ ມະໂນລົມ ພົມສຸວັນ ປີກຊ້າຍ ຈາກສະໂມສອນ ລ້ານຊ້າງຍູໄນເຕັດ
ທ້າວ ຄອນສະຫວັນ ສີຫາວົງ ປີກຂວາ ຈາກສະໂມສອນ ລ້ານຊ້າງຍູໄນເຕັດ
ທ້າວ ຄຳແພງ ໄຊຍະວຸດທິ ກອງໜ້າ ຈາກສະໂມສອນ ລ້ານຊ້າງຍູໄນເຕັດ
ສຳລັບລາຍຊື່ 11 ຕົວຈິງ ແມ່ນໄດ້ອີງໃສ່ ສະພາບການຝຶກແອບ ຕົວຈິງຂອງນັກກິລາ ແລະ ທາງດ້ານສະມັດຕະພາບ ກຳລັງຂອງນັກກິລາເອງ. ສະນັ້ນ, ຈຶ່ງຂໍຮຽນເຊີນ ບັນດາແຟນກິລາບານເຕະ ລາວເຮົາຈົ່ງພ້ອມສົ່ງແຮງໃຈເຊຍ ນັກກິລາ ຂອງພວກເຮົາ ເພື່ອຍາດເອົາໄຊຊະນະ ມາໃຫ້ໄດ້ ຂໍຂອບໃຈ

ໂດຍ: ປອ ເວີນສະຫວັນ ສີວິໄຊ

ທີ່ມາຈາກ: 
ສຳຫຼັບທ່ານທີ່ຮັກຂ່າວໄອທີ ແລະ ເກມ ຕິດຕາມເລື່ອງດີດີ ກົດໄລຄ໌ເລີຍ!

ບົດຄວາມຫຼ້າສຸດ

ຍີ່ປຸ່ນໃຫ້ທຶນຊ່ວຍເຫຼືອ 88,546 ໂດລາ ໃນໂຄງການກໍ່ສ້າງໂຮງຮຽນປະຖົມສົມບູນ ບ້ານຫາດສະ ເມືອງປາກທາ ແຂວງບໍ່ແກ້ວ ເພື່ອຍົກລະດັບສະພາບແວດລ້ອມການສຶກສາຮ່ຳຮຽນ

ໃນວັນທີ 15 ຕຸລາ 2025 ທີ່ຜ່ານມາ, ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອເປັນມູນຄ່າປະມານ 88,546 ໂດລາສະຫະລັດ ໃນ ໂຄງການກໍ່ສ້າງໂຮງຮຽນປະຖົມສົມບູນບ້ານຫາດສະ ເຊິ່ງແມ່ນໂຄງການທີ່ຢູ່ພາຍໃຕ້ກອບຮ່ວມມືທີ່ມີຊື່ວ່າ ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP). ໂຄງການດັ່ງກ່າວແມ່ນການສະໜັບສະໜູນທຶນຮອນເພື່ອກໍ່ສ້າງອາຄານຮຽນໃໝ່, ຫ້ອງນໍ້າ...

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...