spot_img
Homeຂ່າວຕ່າງປະເທດວັກຊີນ ໄຟເຊີ້-ໄບອອນເທັກ ເຊັນສັນຍາຊື້ຂາຍ mRNA 20 ລ້ານໂດສ ກັບກົມຄວບຄຸມພະຍາດປະເທດໄທ

ວັກຊີນ ໄຟເຊີ້-ໄບອອນເທັກ ເຊັນສັນຍາຊື້ຂາຍ mRNA 20 ລ້ານໂດສ ກັບກົມຄວບຄຸມພະຍາດປະເທດໄທ

Published on

ວັນທີ 20 ກໍລະກົດ 2021 ສໍານັກຂ່າວ BBC NEWS ລາຍງານວ່າ ບໍລິສັດ Pfizer (ປະເທດໄທ) ຈຳກັດ ແລະ ບໍລິສັດ Bion Tech ໄດ້ປະກາດສັນຍາກັບກົມຄວບຄຸມພະຍາດ ກະຊວງສາທາລະນະສຸກ ໃຫ້ຈັດສົ່ງວັກຊີນໂຄວິດ-19 ຈໍານວນ 20 ລ້ານໂດສ ສໍາລັບປີ 2021 ໃຫ້ແກ່ປະເທດໄທ. ໂດຍມີແຜນການທີ່ຈະຈັດສົ່ງໃນໄຕມາດທີ 4 ຂອງປີນີ້.

ການເຊັນສັນຍາດັ່ງກ່າວໄດ້ຖືກຢືນຢັນໂດຍຖະແຫຼງການຈາກບໍລິສັດ Pfizer (ປະເທດໄທ) ຈຳກັດ ໃນວັນທີ 20 ກໍລະກົດ, ແຕ່ບໍລິສັດບໍ່ໄດ້ແຈ້ງລາຄາ ແລະ ມູນຄ່າການຊື້ຂາຍ. ໂດຍລະບຸພຽງວ່າ ມີຄວາມຕ້ອງການຕາມເວລາສົ່ງ ແລະ ຈຳນວນຢາທີ່ສັ່ງ. ສຳ ລັບການນຳໃຊ້ໃນສະຖານະການສຸກເສີນ ທີ່ໄດ້ລົງທະບຽນເປັນປົກກະຕິ ໂດຍອົງການອາຫານແລະຢາໃນວັນທີ 24 ມິຖຸນາ.

“ພວກເຮົາດີໃຈທີ່ໄດ້ເຊັນສັນຍາທີ່ສຳຄັນນີ້ກັບລັດຖະບານແຫ່ງລາດຊະອານາຈັກໄທ ເຊິ່ງເປັນຕົວແທນໃຫ້ຄຳໝັ້ນສັນຍາຮ່ວມກັນ ໃນການພະຍາຍາມຫຼຸດຜ່ອນການຕິດເຊື້ອໃນປະເທດ. ສັນຍາດັ່ງກ່າວ ສະແດງໃຫ້ເຫັນເຖິງຄວາມມຸ້ງໝັ້ນ ຂອງ Pfizer ໃນການສະໜອງ ວັກຊີນທີ່ປອດໄພ ແລະ ມີປະສິດທິຜົນ ຕໍ່ກັບ ໂຄວິດ-19 ສິ່ງນີ້ ຍັງຈະຊ່ວຍເພີ່ມການເຂົ້າເຖິງວັກຊີນ ໂຄວິດ-19 ຂອງປະຊາຊົນທົ່ວໂລກ” Debbrah Seifert ຜູ້ຈັດການທົ່ວໄປຂອງ Pfizer Thailand ແລະ Indochina ກ່າວ.

Pfizer ແລະ Biotech ມີຈຸດປະສົງເພື່ອຜະລິດຢາວັກຊີນ ໂຄວິດ-19 ປະມານ 3 ຕື້ໂດລາ ທົ່ວໂລກ ໃນປີ 2021 ໂດຍການປັບປຸງຂັ້ນຕອນການຜະລິດຢ່າງຕໍ່ເນື່ອງ ແລະ ຂະຫຍາຍຄວາມສາມາດໃນການຜະລິດທີ່ມີຢູ່ຂອງພວກເຮົາ ລວມທັງການເພີ່ມຜູ້ຜະລິດໃໝ່ ແລະ ຄູ່ຮ່ວມສັນຍາໃນອະນາຄົດ.

ນາຍົກລັດຖະມົນຕີໄທ ທ່ານ ພົນເອກ ປະຍຸດ ຈັນໂອຊາ ຮຽກຮ້ອງໃຫ້ປະຊາຊົນມີຄວາມອົດທົນ ພ້ອມທັງກ່າວຕື່ມວ່າ ວັກຊີນຂອງໄຟເຊີ້-ໄບໂອເທັກ ນີ້ຈະເຂົ້າມາເສີມແຜນກະຈາຍວັກຊີນຂອງປະເທດໄທ ຮ່ວມກັບວັກຊີນຫຼັກຂອງບໍລິສັດ AstraZeneca ທີ່ໄທໄດ້ສັ່ງຊື້ໄປແລ້ວ ຈໍານວນ 61 ລ້ານໂດສ ແລະ ວັກຊີນຈາກບໍລິສັດອື່ນໆ ທີ່ຈະທະຍອຍສົ່ງມອບໃຫ້ໃນປາຍປີນີ້ ແລະ ຕົ້ນປີໜ້າ ລວມເຖິງວັກຊີນທີ່ຜະລິດໂດຍໜ່ວຍງານຂອງໄທອີກຍ່າງນ້ອຍ 3 ຊະນິດ ແລະ ວັກຊີນຊະນິດໃໝ່ໆ ເຊັ່ນ Protein Subunit ທີ່ທາງໜ່ວຍງານທີ່ກ່ຽວຂ້ອງກໍາລັງເຈລະຈາຢູ່ກັບຫຼາຍບໍລິສັດ ແລະ ຈະສັ່ງຊື້ໃນທັນທີທີ່ເຈລະຈາໄດ້ສໍາເລັດ.

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...