spot_img
Homeມຸມຂ່າວ AECລາວ-ມຽນມາ ສືບຕໍ່ເພີ່ມທະວີການຮ່ວມມືວຽກງານຊາຍແດນ

ລາວ-ມຽນມາ ສືບຕໍ່ເພີ່ມທະວີການຮ່ວມມືວຽກງານຊາຍແດນ

Published on

 

ກອງ​ປະຊຸມ​ຄັ້ງ​ທີ 11 ຂອງ​ຄະນະ​ກຳມະການ​ຊາຍ​ແດນ ລາວ-ມຽນ​ມາ ຂັ້ນ​ສູນ​ກາງ ໄດ້​ຈັດ​ຂຶ້ນ​ວັນ​ທີ 22-23 ທັນວາ 2013 ຜ່ານ​ມາ​ນີ້ ທີ່​ນະຄອນຫຼວງ​ວຽງ​ຈັນ ໂດຍ​ເປັນ​ປະທານ​ຮ່ວມ​ລະຫວ່າງ​ທ່ານ ບຸນ​ເກີດ ສັງ​ສົມ​ສັກ ລັດຖະມົນຕີ​ຊ່ວຍ​ວ່າການ​ກະຊວງ​ການ​ຕ່າງປະເທດ​ແຫ່ງ ​ສປປ ລາວ ແລະ ທ່ານ ຕັນ ຈໍ ລັດຖະມົນຕີ​ຊ່ວຍ​ວ່າການ ກະຊວງ​ການ​ຕ່າງປະເທດ​ແຫ່ງ ສາທາລະນະ​ລັດ​ສະຫະພາບ​ມຽນ​ມາ.

ກອງ​ປະຊຸມ​ຄັ້ງ​ນີ້ ສອງ​ຝ່າຍ​ໄດ້​ສະແດງ​ຄວາມ​ປິ​ຕິ​ຍິນ​ດີ ທີ່​ການ​ພົວພັນ​ລະຫວ່າງ​ສອງ​ປະເທດ ໄດ້​ຮັບ​ການ​ຂະຫຍາຍຕົວ​ໃນ​ລະດັບ​ສູງ ໂດຍ​ສະເພາະ​ຢ່າງ​ຍິ່ງ​ແມ່ນ​ການ​ຢ້ຽມຢາມ​ຂອງ​ປະທານ​ປະເທດ​ແຫ່ງ ​ສປປ ລາວ ທີ່ ​ສສ.ມຽນ​ມາ ລະຫວ່າງ​ວັນ​ທີ 9-11 ທັນວາ 2013 ຜ່ານ​ມາ ສອງ​ຝ່າຍ​ໄດ້​ສັງເກດ​ຕີ​ລາຄາ​ຄືນ ການຈັດຕັ້ງ​ປະຕິບັດ​ເນື້ອ​ໃນ​ຂອງ​ກອງ​ປະຊຸມ​ຄັ້ງ​ທີ 10 ຂອງ​ຄະນະ​ກຳມະການ​ຊາຍ​ແດນ ລາວ-ມຽນ​ມາ ຂັ້ນ​ສູນ​ກາງ​ໃນ​ໄລຍະ​ຜ່ານ​ມາ ໂດຍ​ທັງ​ສອງ​ຝ່າຍ​ໄດ້​ເຫັນ​ດີ​ເປັນ​ເອກະ​ພາບ​ກັນ​ວ່າ ສະພາບ​ໂດຍ​ລວມ​ຕາມ​ບໍລິເວນ​ຊາຍ​ແດນ ແມ່ນ​ມີ​ຄວາມ​ສະຫງົບ​ໂດຍ​ພື້ນຖານ ການ​ຮ່ວມ​ມື ແລະ ການ​ຄຸ້ມ​ຄອງ​ຕາມ​ບໍລິເວນ​ຊາຍ​ແດນ​ລາວ-ມຽນ​ມາ ພາຍ​ໃຕ້​ກົນ​ໄກ​ການ​ຮ່ວມ​ມື​ລະດັບ​ສູນ​ກາງ ແລະ ທ້ອງຖິ່ນ​ຂອງ​ທັງ​ສອງ​ຝ່າຍ ໄດ້​ມີ​ການ​ພົບ​ປະກັນ​ຢ່າງ​ເປັນ​ປົກກະຕິ ການ​ໄປມາຫາສູ່ ການ​ຄ້າຂາຍ​ຢູ່​ຕາມ​ບໍລິເວນ​ຊາຍ​ແດນ​ຂອງ​ສອງ​ປະເທດ ນັບ​ມື້​ນັບ​ເພີ່ມ​ຂຶ້ນ ສອງ​ຝ່າຍ​ຍັງ​ໄດ້​ຮ່ວມ​ກັນ ໃນ​ການ​ສະກັດ​ກັ້ນ ການ​ແກ້​ໄຂ​ປາກົດການ​ຫຍໍ້ທໍ້ ເປັນຕົ້ນ ການ​ຄ້າຂາຍ​ເຖື່ອນ ການ​ຄ້າຂາຍ​ຢາ​ເສບ​ຕິດ ໄດ້​ຮັບ​ໝາກຜົນ​ດີ​ຂຶ້ນ​ເທື່ອ​ລະ​ກ້າວ ອັນ​ພົ້ນ​ເດັ່ນ​ໃນ​ປີຜ່ານມາ ສອງ​ຝ່າຍ​ໄດ້​ຮ່ວມ​ກັນ​ກວດກາ ແລະ ກໍ່ສ້າງ​ຫຼັກ​ໝາຍ​ຊາຍ​ແດນ​ໃໝ່ ເພື່ອ​ທົດ​ແທນ​ຫຼັກ​ໝາຍ​ຊາຍ​ແດນ​ເກົ່າ​ທີ່​ຖືກ​ນ້ຳ​ເຊາະ​ເຈື່ອນ ແລະ ເປ່​ເພ​ຈຳນວນ​ໜຶ່ງ ພ້ອມ​ດຽວ​ກັນ​ນີ້ ສອງ​ຝ່າຍ​ຍັງ​ເປັນ​ເອກະ​ພາບ​ກັນ ຈະ​ສືບຕໍ່​ລົງ​ສຳ​ຫຼວດ​ກວດກາ​ຊາຍ​ແດນ​ຮ່ວມ​ກັນ​ຕື່ມ​ອີກ ໃນ​ເວລາ​ອັນ​ເໝາະ​ສົມ.

ນອກ​ນີ້ ສອງ​ຝ່າຍ​ຍັງ​ໄດ້​ສະແດງ​ຄວາມ​ຍິນ​ດີ ຕໍ່​ການ​ກໍ່ສ້າງ​ຂົວ​ຂ້າມ​ນ້ຳຂອງ ລາວ-ມຽນ​ມາ ທີ່​ພວມ​ດຳເນີນ​ການ ແລະ ມີ​ຄວາມ​ຄືບ​ໜ້າ​ປະມານ 35% ມາ​ຮອດ​ປັດຈຸບັນ ແລະ ຄາດ​ວ່າ​ຈະ​ສຳເລັດ​ຕາມ​ແຜນການ​ໃນ​ຕົ້ນ​ປີ 2015 ແລະ ຖ້າ​ຂົວ​ມິດຕະພາບ​ແຫ່ງ​ນີ້​ສ້າງ​ສຳເລັດ ຈະ​ອຳນວຍ​ຄວາມ​ສະດວກ​ໃຫ້​ແກ່​ສອງ​ປະເທດ ລາວ ແລະ ມຽນ​ມາ ໃນ​ການ​ໄປມາຫາສູ່​ກັນ ການ​ຄ້າຂາຍ ແລະ ການ​ລົງທຶນ​ຂອງ​ສອງ​ຝ່າຍ ແລະ ປະເທດ​ທີ​ສາມ.

ຜົນສຳເລັດ​ຂອງ​ກອງ​ປະຊຸມ​ຄັ້ງ​ນີ້ ເປັນ​ການ​ປະກອບສ່ວນ​ອັນ​ສຳຄັນ ໃນ​ການ​ເພີ່ມ​ທະວີ​ສາຍ​ພົວພັນ​ມິດຕະພາບ ແລະ ການ​ຮ່ວມ​ມື​ຖານ​ບ້ານ​ໃກ້​ເຮືອນ​ຄຽງ ທີ່​ມີ​ມູນເຊື້ອ​ອັນ​ດີງາມ​ລະຫວ່າງ​ສອງ​ປະເທດ ທີ່​ມີ​ມາ​ແຕ່​ບູຮານ​ນະ​ການ​ໃຫ້​ນັບ​ມື້​ຂະຫຍາຍຕົວ ພ້ອມ​ທັງ​ເປັນ​ການ​ປະກອບສ່ວນ ເຂົ້າ​ໃນ​ການ​ສ້າງ​ຊາຍ​ແດນ​ຂອງ​ທັງ​ສອງ​ປະເທດ ໃຫ້​ກາຍເປັນ​ຊາຍ​ແດນ​ແຫ່ງ​ສັນຕິພາບ ມິດຕະພາບ ແລະ ການ​ຮ່ວມ​ມື​ຍາວ​ນານ​ຕະຫຼອດ​ການ.

 

ທີ່ມາhttp://www.vientianemai.net/teen/khao/1/10860

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...