spot_img
Homeຂ່າວພາຍ​ໃນລາວລໍ ມອບ 220 ລ້ານກີບ ໃຫ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ

ລາວລໍ ມອບ 220 ລ້ານກີບ ໃຫ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ

Published on

ລາວລໍ ມອບ 220 ລ້ານກີບ ໃຫ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ

 

ບໍລິສັດ ລາວລໍແອນຄອນເຊົາແທນຊີ ກຣຸບ ໄດ້ປະກອບສ່ວນສະໜັບສະໜູນມອບເຄື່ອງຊ່ວຍເຫຼືອ ແລະ ເງິນ ລວມມູນຄ່າ 220
ລ້ານກີບ ໃຫ້ແກ່ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໃນນັ້ນໄດ້ມອບເງິນຈຳນວນ 100 ລ້ານກີບ ໃຫ້ກັບສະ
ຫະພັນແມ່ຍິງກະຊວງ ນຳໃຊ້ໃນການເຄື່ອນໄຫວກິດຈະກຳຕ່າງໆ ພ້ອມທັງໃນການສະເຫຼີມສະຫຼອງວັນທີ 8 ເດືອນ ມີນາ ວັນ
ແມ່ຍິງສາກົນນັ້ນ ກໍໍເພື່ອຍົກສູງພາລະບົດບາດຂອງແມ່ຍິງເຄົາລົບຕໍ່ສິດ ແລະ ຜົນງານທີ່ຍາດມາໄດ້ທາງດ້ານເສດຖະກິດ-ສັງຄົມ
ແລະ ການເມືອງ ພ້ອມນັ້ນກໍໄດ້ມອບເຄື່ອງຄອມພິວເຕີ 30 ຊຸດ ແລະ ເຄື່ອງພຣີ້ນເຕີ 10 ຊຸດ ລວມມູນຄ່າ 80 ລ້ານກີບ ເພື່ອ
ນຳໃຊ້ເຂົ້າໃນວຽກງານພັດທະນາ 3 ສ້າງ.
ເຊິ່ງວຽກງານນີ້ແມ່ນແນໃສ່ການຫຼຸດຜ່ອນຄວາມທຸກຍາກ ໂດຍຈະຊ່ວຍເພີ່ມຂີດຄວາມສາມາດໃຫ້ກະຊວງດັ່ງກ່າວ ສາມາດບັນລຸ
ຈຸດປະສົງເປົ້າໝາຍ ຄຽງຄູ່ກັນນັ້ນ ທາງບໍລິສັດດັ່ງກ່າວຍັງໄດ້ມອບເງິນຈຳນວນ 40 ລ້ານກີບ ໃຫ້ກັບກົມທໍລະນີສາດ ແລະ ແຮ່
ທາດ ສຳລັບຈັດຊື້ເຄື່ອງມືອຸປະກອນຮັບໃຊ້ວຽກງານທີ່ຈຳເປັນ ເພື່ອເພີ່ມຄວາມສາມາດໃນການປະຕິບັດງານ.
ການມອບ-ຮັບເຄື່ອງຊ່ວຍເຫຼືອໃນຄັ້ງນີ້ ໄດ້ມີຂຶ້ນລະຫວ່າງທ່ານນາງ ສິຣິໂສພາ ບຸດດາຄຳ ຜູ້ອຳນວຍການບໍລິສັດ ລາວລໍແອນ
ຄອນເຊົາແທນຊີ ກຣຸບ ແລະ ທ່ານນາງ ບຸນຄຳ ວໍລະຈິດ ຫົວໜ້າກົມຈັດຕັ້ງພະນັກງານກະຊວງຊັບພະຍາກອນທຳມະຊາດ ແລະ
ສິ່ງແວດລ້ອມ ໂດຍມີທ່ານ ສີສະຫວັດ ວິທະໄຊ ລັດຖະມົນຕີຊ່ວຍວ່າການ ກະຊວງຊັບພະຍາກອນທຳມະຊາດ ແລະ ສິ່ງແວດ
ລ້ອມ ພ້ອມດ້ວຍຫົວໜ້າກົມ ຮອງກົມ ພະນັກງານວິຊາການຂອງທັງສອງຝ່າຍເຂົ້າຮ່ວມ.
ບໍລິສັດ ລາວລໍຄອນເຊົາແທນຊີ ກຣຸບ ເປັນບໍລິສັດທີ່ໃຫ້ການສະໜັບສະໜູນທາງດ້ານກົດໝາຍທຸກຮູບແບບ ລວມມີການໃຫ້ຄຳ
ປຶກສາທາງດ້ານການລົງທຶນດ້ານການເງິນ ການທະນາຄານ ພະລັງງານ ບໍ່ແຮ່ ໂຮງແຮມ ແລະ ອື່ນໆ.
ທີ່ມາhttp://www.vientianemai.net

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...