spot_img
Homeຂ່າວການພັດທະນາລາວຂໍສະເໜີຂໍຄວາມຊ່ວຍເຫຼືອທາງການເງິນຈາກໄທ ສ້າງຂົວຂ້າມນໍ້າຂອງປາກຊັນ-ບຶງການ

ລາວຂໍສະເໜີຂໍຄວາມຊ່ວຍເຫຼືອທາງການເງິນຈາກໄທ ສ້າງຂົວຂ້າມນໍ້າຂອງປາກຊັນ-ບຶງການ

Published on

ລັດຖະບານລາວໄດ້ສະເໜີຂໍຄວາມຊ່ວຍເຫຼືອທາງດ້ານການເງິນຈາກໄທໃນການກໍ່ສ້າງຂົວຂ້າມນໍ້າຂອງແຫ່ງໃໝ່ທີ່ຈະເຊື່ອມຕໍ່ສອງປະເທດເຂົ້າຫາກັນ.

ຕາມຂ່າວໜັງສືພິມວຽງຈັນທາມລາຍງານວ່າ ກະຊວງໂຍທາທິການ ແລະ ຂົນສົ່ງ ໃນນາມຂອງລັດຖະບານລາວ ໄດ້ຍື່ນໜັງສືສະເໜີເພື່ອຂໍການສະໜັບສະໜູນທາງດ້ານການເງິນບໍ່ວ່າຈະເປັນການຊ່ວຍເຫຼືອລ້າ ຫຼື ເງິນກູ້ຢືມໄປຍັງສຳນັກງານຄວາມຮ່ວມມືພັດທະນາເສດຖະກິດກັບປະເທດເພື່ອນບ້ານ ຂອງ ລາຊະອານາຈັກໄທ.

ແຫຼ່ງຂ່າວລະບຸວ່າ ຄຳຮ້ອງດັ່ງກ່າວແມ່ນຂຶ້ນກັບຝ່າຍໄທວ່າຈະພິຈາລະນາການສະໜັບສະໜຸນທາງການເງິນໃນຮູບແບບໃດ ອາດຈະເປັນ ການຊ່ວຍເຫຼືອແບບ 30-70, ເງິນກູ້ຢືມດອກເບ້ຍຕໍ່າ ຫຼື ການຊ່ວຍເຫຼືອແບບເຕັມ 100%. ແຕ່ຫຼັງຈາກທີ່ໄດ້ຫາລືກັບທາງໄທ ມີແນວໂນ້ມວ່າຈະບໍ່ແມ່ນການຊ່ວຍເຫຼືອແບບເຕັມ 100%.

ຂົວດັ່ງກ່າວຈະກໍ່ສ້າງຂຶ້ນເພື່ອເຊື່ອມຕໍ່ແຂວງບຶງການ ແລະ ແຂວງບໍລິຄຳໄຊ ມີຄວາມຍາວ 1.35 ກິໂລແມັດເໜືອແມ່ນໍ້າຂອງ. ມູນຄ່າການກໍ່ສ້າງຄາດວ່າຈະຢູ່ທີ່ 3.8 ຕື້ບາດໄທ ຫຼື ປະມານ 1,005 ຕື້ກີບ ເຊິ່ງທາງຝັ່ງໄທຈະຮັບຜິດຊອບ 2.6 ຕື້ບາດ ແລະ ທີ່ເຫຼືອ 1.2 ຕື້ບາດແມ່ນທາງລາວຮັບຜິດຊອບ.

ຂົວດັ່ງກ່າວຈະເຊື່ອມຕໍ່ກັບທາງເລກທີ 13 ໃຕ້ຂອງລາວໄປຍັງແຂວງເຫງ້ອານຂອງຫວຽດນາມ ເພື່ອສົ່ງເສີມການຄ້າ ແລະ ການລົງທຶນລະຫວ່າງ 3 ປະເທດ.

 

 

ແຫລ່ງຂ່າວ: ມ່ວນສະນຸກ

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...