spot_img
Homeຂ່າວການພັດທະນາລາວກໍານົດ 3 ຄາດໝາຍໃຫຍ່ຍູ້ການປະຕິບັດວິໄສທັດພັດທະນາປະເທດຮອດປີ 2030

ລາວກໍານົດ 3 ຄາດໝາຍໃຫຍ່ຍູ້ການປະຕິບັດວິໄສທັດພັດທະນາປະເທດຮອດປີ 2030

Published on

ກອງປະຊຸມຄັ້ງປະຖົມມະລຶກຂອງສະພາແຫ່ງຊາດຊຸດທີ VIII ທີ່ຈັດຂຶ້ນໃນລະຫວ່າງວັນທີ 20-22 ເມສານີ້, ໄດ້ຮັບຮອງເອົາຫລາຍບັນຫາສໍາຄັນພື້ນຖານຂອງຊາດ, ຊຶ່ງໜຶ່ງໃນນັ້ນກໍແມ່ນການຮັບຮອງເອົາວິໄສທັດການພັດທະນາປະເທດແຕ່ນີ້ເຖິງປີ 2030 ແລະ ຍຸດທະສາດການພັດທະນາຮອດປີ2025 ທີ່ສະເໜີໂດຍນາຍົກລັດຖະມົນຕີ ທອງລຸນ ສີສຸລິດ ແລະ ມີເນື້ອໃນສໍາຄັນຄື:ແຕ່ນີ້ເຖິງປີ 2030 ຕ້ອງພັດທະ ນາຕົນເອງໃຫ້ເປັນປະເທດກໍາລັງພັດທະນາທີ່ມີລາຍຮັບປານກາງຫາສູງຕາມທິດເສດຖະກິດສີຂຽວຍືນຍົງ, ລາຍຮັບສະເລ່ຍຕໍ່ຄົນໃຫ້ເພີ່ມຂຶ້ນ 4 ເທົ່າທຽບກັບປີ 2015, ຫັນເປັນອຸດສະຫະກໍາທັນສະໄໝເພື່ອເປັນພື້ນຖານໃຫ້ເສດຖະກິດເຂົ້ມແຂງ,ສ່ວນຍຸດທະສາດການພັດທະນາຮອດປີ 2025ຕ້ອງເຮັດໃຫ້ເສດຖະກິດ-ສັງຄົມຂະຫຍາຍຕົວດ້ວຍຄວາມໜັກແໜ້ນເຂັ້ມແຂງ ເພື່ອສ້າງປະຖົມປັດໃຈກ້າວຂຶ້ນສູ່ການເປັນປະເທດທີ່ມີລາຍຮັບປານກາງຫາສູງ, ລາຍຮັບສະເລ່ຍຕໍ່ຄົນໃຫ້ເພີ່ມຂຶ້ນ 2 ເທົ່າທຽບໃສ່ປີ 2015, ມີຊັບພະຍາກອນມະນຸດ ແລະ ກໍາລັງແຮງງານທີ່ມີ

ຄຸນນະພາບສູງ,ສາມາດແຂ່ງຂັນໃນຂະບວນການເຊື່ອມໂຍງຂອງພາກພື້ນ ແລະ ສາກົນ, ດັ່ງນັ້ນເພື່ອໃຫ້ບັນລຸໂຕເລກຄາດ   ໝາຍດັ່ງກ່າວລັດຖະບານຈຶ່ງໄດ້ກໍານົດ 3 ຄາດໝາຍໃຫຍ່ຄື: (1) ສືບຕໍ່ເຮັດໃຫ້ເສດຖະກິດແຫ່ງຊາດເຕີບໂຕຕໍ່ເນື່ອງ, ໝັ້ນທ່ຽງ ແລະ ສົມດູນ.(2) ພັດທະນາຊັບພະຍາກອນມະນຸດ, ວັດທະນາທໍາ-ສັງຄົມໃຫ້ມີຄຸນນະພາບ,ແກ້ໄຂຄວາມທຸກຍາກໃຫ້ເປັນຮູບປະທໍາ, ສ້າງຄວາມສະເໝີພາບລະຫວ່າງຍິງ-ຊາຍຢ່າງທົ່ວເຖິງ ແລະ (3) ປົກປັກຮັກສາ ແລະ ນໍາໃຊ້ຊັບພະຍາກອນທໍາມະຊາດ ແລະ ສິ່ງແວດລ້ອມຢ່າງມີປະສິດທິຜົນຕາມທິດສີຂຽວຍືນຍົງ,ກຽມພ້ອມຮັບມືກັບໄພທໍາມະຊາດ ແລະ ການປ່ຽນແປງຂອງດິນຟ້າອາກາດທີ່ອາດເກີດຂຶ້ນຢ່າງມີປະສິດທິຜົນ, ຊຶ່ງໃນ3 ຄາດໝາຍນີ້ໄດ້ມີ 20 ແຜນງານ ແລະ ວຽກງານຈຸດສຸມປີ່ນອ້ອມທີ່ພົວພັນກັບຫລາຍຂະແໜງການເຊັ່ນ: ເພີ່ມທະວີປະ ສິດທິພາບການຄຸ້ມຄອງບໍລິຫານລັດ, ສົ່ງເສີມຄວາມຮູ້ພູມປັນຍາ, ການຄົ້ນຄວ້າວິທະຍາສາດ, ການວິໃຈ, ການນໍາໃຊ້ເຕັກໂນໂລຊີ, ນະວັດຕະກໍາ ແລະ ການສື່ສານ, ການສົ່ງເສີມເພດຍິງ, ເຍົາວະຊົນ ແລະ ຊາວໜຸ່ມໃຫ້ມີຄວາມກ້າວໜ້າ ແລະ ມີຄວາມຮູ້ຄວາມສາມາດທຽບທັນສາກົນ.

ທ່ານນາຍົກລັດຖະມົນຕີ ທອງລຸນ ສີສຸລິດ ກ່າວວ່າ: ການກຳນົດທິດທາງການພັດທະນາປະ ເທດຄືດັ່ງກ່າວນັ້ນແມ່ນສິ່ງທ້າທາຍໃຫຍ່ຫລວງ, ແຕ່ມັນແມ່ນຄວາມຮຽກຮ້ອງຕ້ອງການຢ່າງພາວະວິໃສຂອງປະເທດເຮົາ, ຊຶ່ງມັນຮຽກຮ້ອງໃຫ້ພວກເຮົາຕ້ອງມີຈິດໃຈ ແລະ ການກະທໍາທີ່ເດັດດ່ຽວໜຽວແໜ້ນ, ເປັນເອກະພາບສູງ, ມີຈິດໃຈບຸກທະລຸຢ່າງແທ້ຈິງ ແລະ ຕ້ອງປະປ່ອຍແນວຄິດການພັດທະ ນາທີ່ຢໍ້າເທົ້າ ແລະ ອັນສໍາຄັນກ່ອນອື່ນໝົດແມ່ນພວກເຮົາຕ້ອງພ້ອມກັນປະຕິບັດມະຕິ X ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII ໃຫ້ມີຜົນສໍາເລັດເປັນຢ່າງດີ ເພື່ອສືບຕໍ່ນໍາເອົາປະເທດຊາດໄປສູ່ຈຸດໝາຍທີ່ວາງໄວ້ໃຫ້ສຳເລັດ.

ຂ່າວຈາກ: laophatthananewspaper

ບົດຄວາມຫຼ້າສຸດ

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...