spot_img
Homeຂ່າວພາຍ​ໃນລັດ​ອາດ​ຈະ​ບໍ່​ເພີ່ມ​ດັດຊະນີ​ເງິນ​ເດືອນ​ໃນ​ສົກ​ປີ 2014-2015

ລັດ​ອາດ​ຈະ​ບໍ່​ເພີ່ມ​ດັດຊະນີ​ເງິນ​ເດືອນ​ໃນ​ສົກ​ປີ 2014-2015

Published on

GVM salary

 

    ​ໃນ​ໄລຍະ​ຜ່ານ​ມາ, ​ໄດ້​ມີ​ຫາງ​ສຽງ​ຈາກພະນັກງານ-ລັດຖະກອນ, ທະຫານ- ຕຳຫລວດຕະຫລອດ​ເຖິງ​ພະນັກງານ​ນັກຮົບ​ເສຍ​ອົງຄະໄດ້​ສະ​ແດງ​ຂໍ້​ຄິດ​ເຫັນ​ຢ່າງ​ຫລວງຫລາຍ​ຕໍ່​ກໍລະນີ​ການ​ຕັດ ຫລື ​ໂຈະ​ເງິນ​ອຸດ​ໜູນ​ເສດຖະກິດ (ຄ່າ​ຄອງ​ຊີບ) ​ແລະ ມີ​ຄວາມ​ປາຖະໜາ​ຢາກ​ໃຫ້​ລັດຖະບານ​ຄົ້ນຄວ້າ ​ແລະ ມີ​ນະ​ໂຍບາຍ​ຄິດ​ໄລ່​ຄືນ. ພ້ອມ​ນີ້ກໍ​ມີ​ການ​ຄາດ​ການ​ວ່າ: ​ເງິນ​ເດືອນ​ໃນ​ສົກ​ປີໜ້າ 2014-2015 ລັດ​ຈະ​ຄິດ​ໄລ່​ເພີ່ມ​ດັດຊະນີ​ເປັນ 9.300 ກີບ ຫລື ບໍ່ ?, ທັງ​ນີ້ກໍ​ເນື່ອງ​ຈາກ​ສະພາບ​ເສດ ຖະກິດ​ມີ​ການ​ເໜັງ​ຕີງ​ຢ່າງ​ຕໍ່​ເນື່ອງ ​ເຮັດ​ໃຫ້​ສິນຄ້າ, ຊີ້ນປາ- ອາຫານ​ຕ່າງໆ ຕະຫລອດ​ເຖິງ​ໄຟຟ້າ, ນ້ຳປະປາ​ນັບ​ມື້ສູງ​ຂຶ້ນ ອັນ​ໄດ້​ສົ່ງ​ຜົນ​ກະທົບ​ຕໍ່​ຊີວິດ​ການ​ເປັນ​ຢູ່ຂອງ​ພະນັກງານ​ໃນ​ທຸກ​ຂົງ​ເຂດ, ​ແຕ່​ກໍ​ບໍ່​ທັນ​ມີ​ຄຳ​ຕອບ​ທີ່​ຈະ​ແຈ້ງ​ຕໍ່​ບັນຫາ​ເຫລົ່ານີ້​ເທື່ອ

ແລະ ​ໃນ​ໂອກາດ​ຖະ​ແຫລ​ງຜົນ ສຳ​ເລັດ​ຂອງ​ກອງ​ປະຊຸມ​ລັດຖະ ບານ​ກາງ​ສົກ​ປີ 2013-2014 ຂອງ​ທ່ານ​ນາງ ບຸນ​ເພັງ ມູນ​ໂພ​ໄຊ ລັດຖະມົນຕີ​ປະ ຈຳ​ຫ້ອງ​ວ່າການ​ລັດຖະບານທັງ​ເປັນ​ໂຄສົກ​ລັດຖະບານ ຈຶ່ງ​ໄດ້​ມີ​ການ​ຊີ້​ແຈງ​ບັນຫາ​ດັ່ງກ່າວ​ວ່າ: ສຳລັບ​ເງິນ​ເດືອນ ​ແລະ ​ເງິນ​ອຸດ​ໜູນ​ຂອງ​ພະນັກງານ​ໂດຍ​ສະ​ເພາະ​ເງິນ​ອຸດ​ໜູນ​ເສດຖະກິດ (ຄ່າ​ຄອງ​ຊີບ) ຈຳນວນ 760.000 ກີບ ​ໃນ​ສົກ​ປີ 2012-2013, ​ເມື່ອ​ສະພາບ​ດ້ານ​ການ​ເງິນ​ມີ​ຄວາມ​ຫຍຸ້ງຍາກຈຶ່ງ​ໄດ້​ໂຈະ​ໄວ້​ກ່ອນ, ​ແຕ່​ວ່າ​ປັດຈຸບັນ ລັດຖະບານ​ກໍ​ໄດ້​ມີ​ການ​ສືບຕໍ່​ຄົ້ນ ຄວ້າ​ເງິນ​ອຸດ​ໜູນ​ໃຫ້​ມີ​ຄວາມ​ເໝາະ​ສົມ ​ໂດຍ​ສຸມ​ໃສ່​ຄົ້ນຄວ້າ​ນະ​ໂຍບາຍ​ຕໍ່​ພະນັກງານ​ລັດຖະ ກອນ​ທີ່​ມີ​ເງິນ​ເດືອນ​ຕ່ຳລວມທັງ​ພະນັກ ງານ​ບຳນານ ​ແລະ ​ເສຍ​ອົງຄະ​ສາກ່ອນ. ຢ່າງ​ໃດ​ກໍ​ຕາມ, ​ໃນ​ກອງ​ປະຊຸມ​ຄັ້ງນີ້ ກໍ​ໄດ້​ມີ​ການ​ຊີ້ນຳ​ຕື່ມ​ອີກ​ໃຫ້​ພາກສ່ວນ​ກ່ຽວ ຂ້ອງ​ຄົ້ນຄວ້າ​ກ່ຽວ​ກັບ​ນະ​ໂຍ ບາຍ​ດັ່ງກ່າວ ​ເພື່ອ​ສະ​ເໜີ​ຕໍ່​ລັດ ຖະບານ, ສ່ວນ​ເງິນ​ເດືອນ​ຂອງ​ພະນັກງານ​ໃນ​ສົກ​ປີຜ່ານມາ ກໍ​ໄດ້​ຄິດ​ໄລ່​ເພີ່ມ​ຈາກ 4.800 ກີບ ເປັນ 6.700 ກີບ​ຕໍ່​ດັດຊະນີ, ສ່ວນ​ການ​ຄິດ​ໄລ່​ໃນ​ສົກ​ໜ້າ​ທີ່​ຄາດ​ວ່າ​ຈະ​ເພີ່ມ​ຂຶ້ນ​ເປັນ 9.300 ກີບ​ຕໍ່​ດັດຊະນີ​ນັ້ນ ກໍ​ອີງ​ໃສ່​ຄວາມ​ສາມາດ​ຕົວ​ຈິງ​ຂອງ​ການ​ເກັບ​ລາຍ​ຮັບ ແລະ ຄວາມ​ສາມາດ​ທາງ​ດ້ານ​ການ​ເງິນ. ລັດຖະບານ​ຍາມ​ໃດ​ກໍ​ມີ​ຄວາມ​ເປັນ​ຫ່ວງ​ເປັນ​ໄຍຕໍ່​ຊີວິດ​ການ​ເປັນ​ຢູ່ຂອງ​ພະນັກງານ​ລັດ ຖະກອນ ​ໂດຍ​ສະ​ເພາະ​ໃນ​ເງື່ອນ​ໄຂ​ທີ່​ມີຄ່າ​ຄອງ​ຊີບ​ສູງ, ​ແຕ່​ວ່າ​ໃນ​ສະພາບ​ເສດຖະກິດ​ມີ​ຄວາມ​ຫຍຸ້ງຍາກລັດຖະບານ​ຈະ​ໄດ້​ປະຕິບັດ​ໃນ​ລະດັບ 6.700 ກີບ​ຕໍ່​ດັດຊະນີ​ໄປ​ກ່ອນ ຈົນ​ກວ່າ​ຈະ​ມີ​ເງື່ອນ​ໄຂ​ທີ່​ຈະ​ສາມາດ​ຍົກ​ຂຶ້ນ​ໄດ້​ຕາມ​ແຜນການ​ທີ່​ກະຊວງ​ພາຍ​ໃນ​ໄດ້​ສະ​ເໜີ.

ທີ່ມາ http://laophatthananews.blogspot.com/2014/04/2014-2015.html

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...