spot_img
Homeຂ່າວການສຶກສາລັດໂຈະ! ຮັບນັກສຶກສາເຊື່ອມຕໍ່ປະລິນຍາຕີ ເພື່ອກວດຄືນຄຸນນະພາບ

ລັດໂຈະ! ຮັບນັກສຶກສາເຊື່ອມຕໍ່ປະລິນຍາຕີ ເພື່ອກວດຄືນຄຸນນະພາບ

Published on

 

ລັດໂຈະ! ຮັບນັກສຶກສາເຊື່ອມຕໍ່ປະລິນຍາຕີ ເພື່ອກວດຄືນຄຸນນະພາບ

 

ພາຍ­ຫລັງ​ປະ​ເມີນ​ເຫັນ​ການ​ສຶກສາ​ລາວ​ຢູ່​ໃນ​ລະ­ດັບ​ຕ່ຳ ລັດ​ເລ່ງ​ວາງແຜນ​ແຕ່​ນີ້​ຮອດ​ປີ 2015 ກະ­ຊວງສຶກ​ສາ​ທິ​ການ ແລະ ກີ­ລາ ຈະ​ໃຫ້​ວິທະ​ຍາ​ໄລ​ໃນ​ທົ່ວ​ປະ­ເທດ​ໂຈະ​ຮັບ​ນັກສຶກ​ສາ​ທີ່​ຈະ​ຮຽນ​ເຊື່ອມ​ຕໍ່​ໃນ​ລະ­ດັບ​ປະລິນ​ຍາ​ຕີ​ກັບ​ທີ່ ແລະ ບໍ່​ອະ­ນຸ­ຍາດ​ໃຫ້ເພີ່ມ​ຫລັກ­ສູດ​ການ​ຮຽນ-ການ​ສອນ ເພື່ອ​ກວດ­ຄືນ​ຄຸນ​ນະ​ພາບ​ກ່ອນ.

ທ່ານ ຄຳ​ພອນ ໄຊ​ສົມ​ພູ ຫົວ ຫນ້າ​ຫ້ອງ­ການ​ສະ­ພາ​ທີ່​ປຶກ­ສາ​ການສຶກ​ສາ​ພາກ​ເອ­ກະ​ຊົນ, ກະ­ຊວງ​ສຶກສາ​ທິ​ການ ແລະ ກີ­ລາ ໃຫ້​ສຳ­ພາດ​ຕໍ່ທີມ​ຂ່າວ​ສັງ­ຄົມ​ວ່າ: ໃນ​ກອງ​ປະ­ຊຸມກຳ­ມາ​ທິ​ການ​ການ​ປະ­ຕິ​ຮູບ​ການ​ສຶກສາ​ແຫ່ງ​ຊາດ​ໄດ້​ປະ​ເມີນ​ການ​ປະ­ຕິຮູບ​ການ​ສຶກ​ສາ​ແຫ່ງ​ຊາດ​ໄລ­ຍະສອງ 2011-2015 ໂດຍ​ແນໃສ່​ປະ­ຕິ​ຮູບລະ­ບົບ​ອາ­ຊີ­ວະ​ສຶກ​ສາ, ການສຶກ​ສາ​ຊັ້ນ​ສູງ ແລະ ການ​ສຶກສາ​ສ້າງ​ຄູ ເຫັນ​ວ່າ​ຄຸນ​ນະ​ພາບຍັງ​ຕ່ຳ ຖ້າ​ທຽບ­ໃສ່​ການ​ສຶກສາ​ປະ­ເທດ​ເພື່ອນ​ບ້ານ, ສະ­ນັ້ນ ຕ້ອງ​ຍົກ​ສູງ​ຄຸນ​ນະ​ພາບ​ການສຶກ​ສາ ທາງ​ກະ­ຊວງ​ສຶກ​ສາ​ທິການ ແລະ ກີ­ລາ ຈິ່ງ​ອອກ​ຂໍ້ຕົກ­ລົງ​ວ່າ​ດ້ວຍ​ການ​ອະ­ນຸ­ຍາດນຳ​ໃຊ້​ມາດ­ຕະ­ຖານ​ອາ­ຊີ­ວະ​ສຶກສາ ພ້ອມ​ຄຳ​ສັ່ງ​ແນະ­ນຳ​ໃຫ້​ວິ​ທະຍາ​ໄລ, ໂຮງ­ຮຽນ​ເຕັກ­ນິກ​ວິ­ຊາຊີບ​ຂອງ​ລັດ ແລະ ເອ­ກະ​ຊົນ ຢຸດຮັບ​ນັກ​ສຶກ​ສາ​ທີ່​ຮຽນ​ຈົບ​ກັບ​ສະຖາ​ບັນ​ນັ້ນ​ເຊື່ອມ​ຕໍ່​ປະ­ລິນ­ຍາ​ຕີ (ຈົບ​ຊັ້ນ​ສູງ​ຈາກ​ວິ­ທະ­ຍາ­ໄລ​ເຄວິນ ຫ້າມ​ຕໍ່​ປະ­ລິນ­ຍາ​ຕີ​ກັບ​ວິ​ທະຍາ​ໄລ​ເຄວິນ ຖ້າ​ຢາກ​ຕໍ່​ຕ້ອງ​ໄປສະ­ຫມັກ​ສະ​ຖາ​ບັນ​ອື່ນ​ຕາມ​ກະຊວງ​ສຶກ​ສາ​ອະ­ນຸ­ມັດ) ແລະ ບໍ່ອະ­ນຸ­ຍາດ​ໃຫ້​ວິ­ທະ­ຍາ­ໄລ​ໃດໆ ເພີ່ມ​ຫລັກ­ສູດ​ການ​ຮຽນ-ການສອນ​ໃຫມ່​ໂດຍ​ເດັດ­ຂາດ​ຈົນກວ່າ​ຈະ​ກວດ​ສອບ​ລະ­ບົບ​ຄືນໃຫມ່​ສຳ­ເລັດ.

ທ່ານ​ຫົວ­ຫນ້າ​ຫ້ອງ­ການ​ສະພາ​ທີ່​ປຶກ­ສາ​ການ​ສຶກ​ສາ​ພາກເອ­ກະ​ຊົນ​ກ່າວ​ອີ​ກວ່າ: ການ​ທີ່​ກະຊວງ​ສຶກ​ສາ​ທິ​ການ ແລະ ກີ­ລາ ອອກ​ຂໍ້​ຕົກ­ລົງ​ໂຈະ​ຮັບ​ນັກ​ສຶກ​ສາ ເຊື່ອມ​ຕໍ່​ປະ­ລິນ­ຍາ​ຕີ ເພື່ອ​ຈະ​ໄດ້ກວດ­ຄືນ​ຄຸນ​ນະ​ພາບ​ຂອງ​ບັນ­ດາວິ­ທະ­ຍາ­ໄລ ແລະ ສະ​ຖາ​ບັນ​ການສຶກ​ສາ​ຕ່າງໆ​ໃຫ້​ເປັນ​ໄປ​ຕາມມາດ­ຖານ​ຂອງ​ກະ­ຊວງ​ສຶກ​ສາວາງ​ອອກ, ສຳ­ລັບ​ຊັ້ນ​ສູງ​ລົງ​ມາ ແມ່ນ​ເປີດ​ສອນ​ຕາມ​ປົກ­ກະ­ຕິ ສ່ວນ​ວິ­ທະ­ຍາ­ໄລ​ໃດ​ພາກ­ສ່ວນໃດ​ທີ່​ເປີດ​ສອນ​ແລ້ວ​ໃນ​ລະ­ດັບປະ­ລິນ­ຍາ​ຕີ​ໃຫ້​ສືບ­ຕໍ່​ຈົນ​ຈົບ​ຫລັກສູດ.

ສ່ວນ 5 ມະ­ຫາ­ວິ­ທະ­ຍາ­ໄລຂອງ​ລັດ​ປະ­ກອບ​ມີ: ມະ­ຫາ​ວິ​ທະຍາ​ໄລ​ແຫ່ງ​ຊາດ (ມຊ), ມະ­ຫາວິ­ທະ­ຍາ­ໄລ​ສຸ​ພາ­ນຸ​ວົງ, ສະ­ຫວັນນະ​ເຂດ, ຈຳ­ປາ​ສັກ ແລະ ມະ­ຫາວິ­ທະ­ຍາ­ໄລ​ວິ­ທະ­ຍາ­ສາດ​ສຸ​ຂະພາບ ກະ­ຊວງ​ສຶກ​ສາ​ທິ​ການ ແລະ ກີ­ລາໄດ້​ເລ່ງ​ການ​ຮຽນ-ການສອນ​ຕາມ​ແຜນ​ປະ­ຕິ​ຮູບ​ການ​ສຶກສາ ເນັ້ນ​ຄູ-ອາ­ຈານ, ອາ­ຄານ​ສະຖານ​ທີ່ ແລະ ສື່​ການ​ຮຽນ-ການສອນ ລວມ​ທັງ​ການ­ເຄື່ອນ­ໄຫວນອກ​ຫລັກ­ສູດ​ຕ່າງໆຫລັກ­ສູດ ສອນ​ປະ­ລິນ­ຍາ​ຕີ​ຕ້ອງ​ມີ​ປະ​ລິນຍາ​ເອກ 1, ປະ­ລິນ­ຍາ​ໂທ 3 ແລະ ປະ­ລິນ­ຍາ​ຕີ 6 ຄົນ.

ແນວ­ໃດ​ກໍ່​ດີ ເຫດ­ຜົນ​ທີ່​ເຮັດໃຫ້​ນັກ­ຮຽນ​ເຂົ້າ​ຮຽນ​ວິ­ທະ­ຍາໄລ ຫລື ມະ­ຫາ­ວິ­ທະ­ຍາ­ໄລ​ຫລາຍກວ່າ​ການ​ສຶກ​ສາ​ຊັ້ນ​ສູງ​ຍ້ອນ​ອັນເນື່ອງ​ມາ​ຈາກ​ຫລາຍ​ປັດ​ໄຈ​ມີການ​ປະ­ຊາ­ສຳ­ພັນ​ຫນ້ອຍ, ລະບົບ​ການ​ເຮັດ​ວຽກ ຫລື ຮັບ​ສະຫມັກ​ພະ­ນັກ­ງານ​ຂອງ​ບໍ­ລິ­ສັດ, ຫ້າງ​ຮ້ານ ແລະ ພາກ­ສ່ວນ​ອື່ນໆລະ­ບຸ​ໂດຍ​ສ່ວນ​ໃຫຍ່​ຕ້ອງ​ຈົບ​ປະລິນ​ຍາ​ຕີ​ຂຶ້ນ​ໄປ​ກໍ່​ມີ​ສ່ວນ​ສຳ­ຄັນ.

ປະ­ຈຸ​ບັນ ວິ­ທະ­ຍາ­ໄລ​ທົ່ວ​ປະເທດ​ສອນ​ລະ­ດັບ​ຫລັກ­ສູດ​ຊັ້ນ​ສູງມີ 80 ແຫ່ງ ລະ­ດັບ​ປະ­ລິນ­ຍາ​ຕີ 50 ແຫ່ງ, ສ່ວນ​ຢູ່​ນະ­ຄອນ­ຫລວງວຽງ​ຈັນ​ມີ 30 ແຫ່ງ ປະ­ລິນ­ຍາຕີ ແລະ ຊັ້ນ​ສູງ​ມີ 28 ແຫ່ງ, ສອນ​ລະ­ດັບ​ປະ­ລິນ­ຍາ​ໂທ​ມີ 3 ແຫ່ງ​ຄື: ວິ­ທະ­ຍາ­ໄລ​ຣັດ​ຕະ​ນະ​ບໍລິ​ຫານ​ທຸ­ລະ​ກິດ, ຄອມ​ເຊັນ​ເຕີ ແລະ ແສງ​ສະ­ຫວັນ, ທ່ານ ຄຳ ພອນ ໄຊ​ສົມ​ພູ ກ່າວ

ທີ່ມາhttp://www.ecom.org.la

ບົດຄວາມຫຼ້າສຸດ

ຕັ້ງໃຈ ຫຼື ອຸບັດຕິເຫດ! ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ

ເປີດເຜີຍສາເຫດເຮືອບິນ ແອອິນເດຍ ປະສົບອຸບັດຕິເຫດຕົກ ເຮັດໃຫ້ມີຜູ້ເສຍຊີວິດເປັນຈຳນວນຫຼາຍ. ສຳນັກຂ່າວຕ່າງປະເທດລາຍງານໃນວັນທີ 12 ກໍລະກົດ 2025, ໜ່ວຍງານສອບສວນອຸບັດຕິເຫດທາງອາກາດອິນເດຍ (AAIB) ໄດ້ເຜີຍແຜ່ລາຍງານເບື້ອງຕົ້ນກ່ຽວກັບສາເຫດທີ່ເຮັດໃຫ້ເຮືອບິນສາຍການບິນແອອິນເດຍ (Air India) ຖ້ຽວບິນທີ AI171...

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...