Homeຂ່າວຕ່າງປະເທດຣັດເຊຍສະໜັບສະໜູນລັດຖະບານມຽນມາ ທີ່ຈະຮັກສາຄວາມສະເຖຍລະພາບຂອງປະເທດ

ຣັດເຊຍສະໜັບສະໜູນລັດຖະບານມຽນມາ ທີ່ຈະຮັກສາຄວາມສະເຖຍລະພາບຂອງປະເທດ

Published on

ຣັດເຊຍຈະສະໜັບສະໜູນລັດຖະບານທະຫານ ໃນການທີ່  ມິນ ອ່ອງ ຫຼ່າຍ ຜູ້ນຳມຽນມາ ປົກຄອງປະເທດມຽນມາ.

ຕາມການລາຍງານຂອງ ທາງການຣັດເຊຍໄດ້ລາຍງານວ່າ: ປະເທດຣັດເຊຍສະໜັບສະໜູນລັດຖະບານມຽນມາ ທີ່ຈະຮັກສາຄວາມສະເຖຍລະພາບຂອງປະເທດທີ່ໄດ້ຮັບຜົນກະທົບວິກິດ ແລະ ຈັດການເລືອກຕັ້ງໃນປີໜ້າ ລັດຖະມົນຕີກະຊວງການຕ່າງປະເທດຂອງຣັດເຊຍກ່າວລະຫວ່າງພົບປະຫາລືກັບນາຍພົນລະດັບສູງຂອງມຽນມາໃນວັນທີ 3 ສິງຫາ 2022.

ປະເທດໃນອາຊີຕະເວັນອອກສຽງໃຕ້ ຕົກຢູ່ໃນຄວາມວຸ່ນວາຍຕັ້ງແຕ່ກອງທັບຍຶດອຳນາດໃນປີກ່ອນ ທີ່ລັດຖະບານທະຫານຖືກກຸ່ມສິດທິມະນຸດກ່າວຫາວ່າ ກໍ່ສົງຄາມໃນຄວາມພະຍາຍາມທີ່ຈະປາບປາມຕໍ່ການປົກຄອງຂອງພວກເຂົາ.

ໃນຂະນະທີ່ຖືກລັດຖະບານນາໆຊາດຂວ້ຳບາດ ລັດຖະບານມຽນມາກໍ່ພະຍາຍາມສາ້ງຄວາມສຳພັນກັບຣັດເຊຍ.

ເຊີເກ ລາຟຣອຟ ລັດຖະມົນຕີກະຊວງການຕ່າງປະເທດ ຂອງຣັດເຊຍກ່າວວ່າ: “ຈະເປັນນ້ຳໜຶ່ງໃຈດຽວກັນກັບຄວາມພະຍາຍາມຂອງລັດຖະບານທະຫານມຽນມາ ທີ່ຈະຮັກສາຄວາມສະຖຽນລະພາບໃນປະເທດ ແລະ ໃນປີໜ້າ ທີ່ຈະຈັດການເລືອກຕັ້ງ ຫວັງວ່າຈະປະສົບຜົນສຳເລັດໃນການເຮັດໃຫ້ປະເທດແຂງແຮງຂຶ້ນ ແລະ ຈະເລີນຮຸ່ງເຮືອງຂຶ້ນ”.

ເມື່ອວັນຈັນ ທີ 1 ສິງຫາ ຜູ້ນຳຂອງມຽນມາ ທີ່ເດີນທາງໄປມອສໂກ ປະເທດຣັດເຊຍເດືອນກ່ອນນີ້ ກ່າວວ່າ ການເລືອກຕັ້ງຈະເກີດຂຶ້ນໄດ້ກໍ່ຕໍ່ເມື່ອປະເທດຈະມີຄວາມໝັ້ນຄົງ ແລະ ສະຫງົບສຸກກ່ອນ.

ເຊີເກ ລາຟຣອຟ ແລະ ຜູ້ນຳຂອງມຽນມາ ໄດ້ເປີດສະຖານະການກົງສູນແຫ່ງໃໝ່ ເພື່ອສົ່ງເສີມການເດີນທາງລະຫວ່າງ 2 ປະເທດໃຫ້ຫຼາຍຂຶ້ນ.

ເຊີເກ ລາຟຣອຟ ກຳນົດເດີນທາງຕໍ່ໄປຍັງການປະຊຸມລັດຖະມົນຕີຕ່າງປະເທດ ສະມາຄົມປະຊາຊາດແຫ່ງອາຊີຕະເວັນອອກສຽງໃຕ້ (ອາຊຽນ) ໃນກຳປູເຈຍ ເຊິ່ງນັກການທູດລະດັບສູງຈາກມຽນມາ ກໍ່ໄດ້ຖືກກີດກັ້ນຈາກການປະຊຸມດັ່ງກ່າວ.

ອາຊຽນ ແລະ ອີກຫຼາຍປະເທດ ສະແດງຄວາມບໍ່ພໍໃຈ ຕໍ່ມຽນມາທີ່ປະຫານນັກໂທດ 4 ຄົນ ໃນການໃຊ້ໂທດປະຫານຂອງປະເທດ.

ເມື່ອມຽນມາໄດ້ຖືກກີດກັ້ນໃນເວທີລະຫວ່າງປະເທດ ລັດຖະບານທະຫານຈຶ່ງຫັນໄປຫາພັນທະມິດທັ້ງຈີນ ແລະ ຣັດເຊຍ ຫຼາຍຂຶ້ນ.

ກອງທັບທະຫານມຽນມາ ໄດ້ອ້າງເຖິງການຍຶດອຳນາດປະເທດໃນຄັ້ງນີ້ວ່າ ມີການໂກງ ການເລືອກຕັ້ງໃນປີ 2020 ທີ່ເປັນສະໄໝຂອງ ອອງຊານຊູຈີ, ແລ້ວມາໃນປີ 2021 ລັດຖະບານທະຫານມຽນມາ ໄດ້ຍົກເລີກຜົນການເລືອກຕັ້ງທີ່ມີຄະແນນສຽງຫຼາຍກວ່າ 11 ລ້ານສຽງ ທີ່ວ່າເປັນຜົນການທຸຈະລິດ.

ຫຼັງຈາກທີ່ລັດຖະບານທະຫານມຽນມາຍຶດອຳນາດ ມີປະຊາຊົນຫຼາຍກວ່າ 2.100 ຄົນ ໄດ້ຖືກສັງຫານໃນການປາບປາມຂອງທະຫານຕໍ່ຜູ້ທີ່ເຫັນຕ່າງ.

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...