ມຽນມາພົບຜູ້ປ່ວຍໂຄວິດ-19 ເພີ່ມ 3 ຄົນຫຼັງພວກເຂົາກັບມາຈາກໄທ ແລະ ອິນເດຍ

ເວັບໄຊຂ່າວ ຊິນຫົວໄທ ລາຍງານເມື່ອວັນທີ 28 ມິຖຸນາວ່າ ມຽນມາອອກຖະແຫຼງການພົບຜູ້ປ່ວຍໂຄວິດ-19 ລາຍໃໝ່ ອີກ 3 ຄົນ ຫຼັງຈາກທີ່ເດີນມາແຕ່ປະເທດໄທ ແລະ ອິນເດຍ ເມື່ອບໍ່ດົນມານີ້.

ກະຊວງສາທາລະນະສຸກ ແລະ ກິລາ ຂອງມຽນມາ ໄດ້ຖະແຫຼງການໃນວັນອາທິດທີ່ຜ່ານມາວ່າ ພົບຜູ້ປ່ວຍໂຄວິດ-19 ເພີ່ມ 3 ຄົນ ເຮັດໃຫ້ປັດຈຸບັນ, ມຽນມາມີຜູ້ປ່ວຍຕິດເຊື້ອສະສົມເພີ່ມຂຶ້ນເປັນ 296 ຄົນ.

ທັນນີ້, ມຽນມາໄດ້ເຮັດການດຳເນີນການກວດຫາເຊື້ອໂຄວິດ-19 ທັງໝົດ 71,692 ຄົນ ໃນຂະນະທີ່ຍັງມີຜູ້ປ່ວຍອີກ 5,878 ຄົນ ທີ່ຢູ່ໃນລະຫວ່າງການກວດສອບ ໂດຍຕາມສະຖິຕິຂອງກະຊວງສາທາລະນະສຸກຂອງມຽນມາລະບຸວ່າ ຈົນເຖິງປັດບັນມຽນມາມີຜູ້ຕິດເຊື້ອໂຄວິດ-19 ທີປິ່ນປົວດີທັງໝົດ 216 ຄົນ ແລະ ເສຍຊີວິດ 6 ຄົນ.

 

ຮຽບຮຽງຂ່າວ: ພຸດສະດີ

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.