ຟິລິບປິນເຜີຍ ອາດຈະບໍ່ໃຫ້ອາເມຣິກາ ໃຊ້ເປັນຖານທັບລາດຕະເວນ ເພື່ອຫລີກລ່ຽງຂໍ້ຂັດແຍ່ງກັບຈີນ

ສຳນັກຂ່າວຕ່າງປະເທດ ລາຍງານໃນວັນທີ 9 ທັນວານີ້ວ່າ ທ່ານ ເດວຟິນ ລໍເຣນຊານາ ລັດຖະມົນຕີກະຊວງປ້ອງກັນປະເທດຟິລິບປິນ ໄດ້ເປີດເຜີຍເມື່ອວັນທີ 8 ທັນວາຜ່ານມານີ້ວ່າ ມີຄວາມເປັນໄປໄດ້ຢ່າງສູງທີ່ປະເທດຟິລິບປິນ ຈະບໍ່ຍອມໃຫ້ກອງທັບສະຫະລັດອາເມຣິກາ ໃຊ້ເປັນຖານທັບເພື່ອອອກລາດຕະເວນ ເພື່ອການເດີນທະເລຢ່າງເສລີ ໃນເຂດນ່ານນ້ຳຂໍ້ຂັດແຍ່ງທະເລຈີນໃຕ້ ເພື່ອຫລີກລ່ຽງຄວາມຂັດແຍ່ງກັບລັດຖະບານຈີນ ໂດຍທ່ານໄດ້ລະບຸວ່າ ກອງກຳປັ່ນ ແລະ ເຮືອບິນຂອງສະຫະລັດອາເມຣິກາ ອາດຈະຕ້ອງຫັນໄປນຳໃຊ້ຖານທັບເທິງເກາະກວມ ຫລື ເກາະໂອກີນາວາຂອງຍີ່ປຸ່ນແທນ ຫລື ບໍ່ ກໍອາດຂຶ້ນບິນຈາກກຳປັ່ນບັນທຸກເຮືອບິນຂອງພວກເຂົາເອງ ສຳລັບພາລະກິດລາດຕະເວນໃນທະເລຈີນໃຕ້.

ທັງນີ້ ພາຍຫລັງ ທ່ານ ໂຣດຣິໂກ ດູເຕີເຕ ເຂົ້າຮັບຕຳແໜ່ງປະທານາທິບໍດີຟິລິບປິນ ໃນເດືອນມິຖຸນາເປັນຕົ້ນມາ ທ່ານໄດ້ໃຊ້ມາດຕະການຕ່າງໆ ເພື່ອຟື້ນຟູປັບປຸງຄວາມສຳພັນກັບລັດຖະບານຈີນ ແລະ ຫັນມາເປັນປໍລະປັກກັບລັດຖະບານອາເມຣິກາ ພາຍໃຕ້ການນຳຂອງ ທ່ານ ບາຣັກ ໂອບາມາ ເນື່ອງຈາກທ່ານບໍ່ພໍໃຈ ທີ່ຖືກລັດຖະບານໂອບາມາ ສະແດງແນວຄິດວິພາກວິຈານ ຕໍ່ມາດຕະການສົງຄາມປາບປາມຢາເສບຕິດຂອງຟິລິບປິນ.
 

 
ຕິດຕາມເຮົາທາງFacebook ກົດຖືກໃຈເລີຍ!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.