ພົບຂີ້ເຂັບເຄິ່ງບົກເຄິ່ງນ້ຳສາຍພັນທຳອິດ ຢູ່ໃນປະເທດລາວ

0
432

ນັກກີຕະວິທະຍາຄົ້ນພົບຂີ້ເຂັບເຄິ່ງບົກເຄິ່ງນ້ຳສາຍພັນທຳອິດຂອງໂລກ ຈາກພູມິພາກອາຊີຕາເວັນອອກສຽງໃຕ້  ຢູ່ເທິງບົກກໍໄດ້ ລອຍນ້ຳກໍດີ ພົບຢູ່ລາວ, ໄທ ແລະຫວຽດນາມ.

ວາລະສານ National Geographic ເປີດເຜີຍການຄົ້ນພົບທີ່ນ່າຕື່ນເຕັ້ນໃນປະເພດສັດທີ່ໂຕເປັນຂໍ້ ໃນລາຍງານເມື່ອວັນທີ 26 ມິຖຸນາ 2016 ທີ່ຜ່ານມາ ໂດຍການຄົ້ນພົບນີ້ຖືກລາຍງານຢ່າງເປັນທາງການໃນວາລະສານ ZooKeys ເປັນຜົນງານການສຳຫຼວດສິ່ງທີ່ມີຊີວິດໃນຕະກູນ Scolopendra ຫຼືຂີ້ເຂັບ. ດອກເຕີເກຣກຣີ່ ເອດຄອມເບ ແລະລູກສິດເຊິ່ງເປັນຜູ້ຊ່ຽວຊານດ້ານແມງຈາກປະເທດໄທ ປອ ວະຣຸດ ສິຣິວຸດ ຈາກການສຳຫຼວດແຍກປະເພດໂດຍລະອຽດຄັ້ງນີ້ ເຮັດໃຫ້ໄດ້ຄົ້ນພົບ ຂີ້ເຂັບສາຍພັນໃໝ່ທີ່ອາໄສຢູ່ໄດ້ທັງເທິງບົກແລະໃນນ້ຳ ເຊິ່ງຖືກຕັ້ງຊື່ວ່າ “Scolopendra cataracta” (cataracta ເປັນຄໍາພາສາລາຕີນ ແປວ່ານໍ້າຕົກຕາດ).

ຫຼ້າສຸດມີຜົນການສຳຫຼວດສິ່ງທີ່ມີຊີວິດຕະກູນ Scolopendra ຢ່າງລະອຽດ ຈຶ່ງໄດ້ມີການແຍກສາຍພັນຂີ້ເຂັບລອຍນ້ຳໄດ້ນີ້ ອອກເປັນສາຍພັນໃໝ່ ຄື Scolopendra cataracta ເຊິ່ງ ເບກຄາໂລ ສັນນິຖານວ່າ ຂີ້ເຂັບສາຍພັນ Scolopendra cataracta ໄດ້ປຽບກວ່າຂີ້ເຂັບສາຍພັນອື່ນ ຄືແທນທີ່ຈະຍາດແຍ່ງອາຫານເທິງບົກ ມັນພັດລົງໄປຫາເຫຍື່ອຢູ່ພື້ນນ້ຳແທນ ໂດຍຄາດວ່າມັນຈ່າຈະອອກຫາກິນໃນນໍ້າຕອນກາງຄືນ ລ່າພວກສັດໃນນ້ຳຫຼືເຄິ່ງບົກເຄິ່ງນ້ຳ ບໍ່ມີກະດູກສັນຫຼັງຂະໜາດນ້ອຍເປັນອາຫານ.

ສຳລັບ Scolopendra ສາມາດເຕີບໂຕໄດ້ເຕັມທີ່ທີ່ມີຂະໜາດເຖິງ 20 ຊັງຕີແມັດ ນອກຈາກສາມາດລອຍນ້ຳໄດ້ແລ້ວ ຄຸນສົມບັດອື່ນໆ ກໍຄືກັນກັບຂີ້ເຂັບຮ່ວມຕະກູນ ຄື ກິນຊີ້ນ ແລະມີພິດ.

ຂີ້ເຂັບ
ຮູບຂີ້ເຂັບເຄິ່ງບົກເຄິ່ງນ້ຳ Scolopendra cataracta ຈັບໄດ້ທີ່ນ້ຳຕົກຕາດອີ່ຕູ້ ທີ່ແຂວງຈຳປາສັກ ປະເທດລາວ
ຕາດອີ່ຕູ້
ຕາດອີ່ຕູ້ ເມືອງປາກຊ່ອງ ແຂວງຈຳປາສັກ ບ່ອນທີ່ຈັບຂີ້ເຂັບເຄິ່ງບົກເຄິ່ງນ້ຳໄດ້

ອ່ານຂໍ້ມູນເພິ່ມເຕີມທີ່ນີ້: www.irishtimes.com

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.