spot_img
Homeຂ່າວຢາເສບຕິດພິທີປະກາດຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ

ພິທີປະກາດຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ

Published on

ໃນວັນທີ 4 ສິງຫາ 2022, ກະຊວງ ປກສ ໄດ້ຈັດພິທີປະກາດຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ, ເປັນປະທານໂດຍ ພົອ ວິໄລ ຫຼ້າຄໍາຟອງ ຮອງນາຍົກລັດຖະມົນຕີ, ລັດຖະມົນຕີ ກະຊວງ ປກສ, ມີແຂກຮັບເຊີນຈາກປົກຄອງນະຄອນຫຼວງວຽງຈັນ, ການນໍາກະຊວງ, ຫ້ອງວ່າການ, ກົມໃຫຍ່ ພ້ອມດ້ວຍກົມກອງອ້ອມຂ້າງ ກະຊວງ ຕະຫຼອດຮອດພະນັກງານອ້ອມຂ້າງ ປກສ ນະຄນຫຼວງວຽງຈັກເຂົ້າຮ່ວມ.

ໂອກາດນີ້ ພົອ ວິໄລ ຫຼ້າຄໍາຟອງ ໄດ້ໂອ້ລົມວ່າ: ການແຕ່ງຕັ້ງຫົວຫນ້າກອງບັນຊາການຜູ້ໃຫມ່ ແມ່ນການປັບປຸງການຈັດຕັ້ງ, ບູລະນະບຸກຄະລາ ກອນ ໃຫ້ຄົບຖ້ວນຕາມຫຼັກການ; ເຊິ່ງການແຕ່ງຕັ້ງຄັ້ງນີ້ ເປັນການຕອບສະຫນອງຕາມຄວາມ ຮຽກຮ້ອງຕ້ອງການຂອງຫນ້າທີ່ການເມືອງ ແລະ ທັງເປັນການມອບຫມາຍຫນ້າທີຈາກຂັ້ນເທິງ, ພ້ອມທັງເນັ້ນສະຫາຍທີ່ໄດ້ຮັບການແຕ່ງຕັ້ງ ໃຫ້ເຂົ້າໃຈວ່າ ແມ່ນການມອບຫມາຍຫນ້າທີ, ຕ້ອງໄດ້ສືບຕໍ່ ເຮັດເປັນຫມູ່ຄະນະ ແລະ ເຕົ້າໂຮມຄວາມສາມັກຄີພາຍໃນໃຫ້ມີຄວາມສະຫງົບ, ສາມາດປະຕິບັດຫນ້າທີ່ການເມືອງຂອງຕົນ ໃຫ້ໄດ້ຮັບຜົນສໍາເລັດ, ຜູ້ທີ່ມາຮັບຫນ້າທີ່ໃຫມ່ ຈະຕ້ອງແກ້ໄຂຫຼາຍບັນຫາ ໂດຍສະເພາະສະພາບປະກົດການຫຍໍ້ທໍ້ໃນນະຄອນຫຼວງວຽງຈັກໃຫ້ຫຼຸດໜ້ອຍລົງ.

ສຳລັບການຍົກຍ້າຍ ແລະ ແຕ່ງແຕັ້ງແມ່ນມີດັ່ງນີ້: ພົຈວ ຄອນສະຫວັນ ສົມພາໄຊ ຮອງຫົວຫນ້າກົມໃຫຍ່ການເມືອງ ປກສ ໄດ້ຜ່ານຄໍາ ສັ່ງຂອງ ນາຍົກລັດຖະມົນຕີ ສະບັບເລກທີ 11/ນຍ, ລົງວັນທີ 2 ສິງຫາ 2022 ວ່າດ້ວຍ ການຍົກ ຍ້າຍນາຍຕໍາຫຼວດໄປຮັບຫນ້າທີ່ໃຫມ່ ດັ່ງນີ້: ພ້ອ ສຸກພະຈັນ ບຸດດາຄໍາ ຫົວຫນ້າກອງບັນຊາການ ປກສ ນະຄອນຫຼວງວຽງຈັນ (ຜູ້ເກົ່າ) ໄປຮັບຫນ້າທີ່ໃຫມ່ຢູ່ ກົມໃຫຍ່ຕໍາຫຼວດ ກະຊວງ ປກສ.

ພ້ອມທັງຜ່ານດໍາລັດ 220/ນຍ, ລົງວັນທີ 2 ສິງຫາ 2022 ວ່າດ້ວຍ ການແຕ່ງຕັ້ງຫົວຫນ້າ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ ໂດຍໄດ້ແຕ່ງຕັ້ງ: ພ້ອ ປອ ບົວພັນ ຝອງມະນີ ຮອງຫົວຫນ້າກົມໃຫຍ່ຕໍາຫຼວດ ຫົວຫນ້າກົມຕໍາຫຼວດສະກັດກັ້ນ ແລະ ຕ້ານຢາເສບຕິດ ກະຊວງ ປກສ ເປັນ ຫົວຫນ້າກອງບັນຊາການ ປກສ ນະຄອນຫຼວງວຽງຈັນ (ຜູ້ໃຫມ່).

ແຫຼ່ງຂ່າວ: ຄວາມສະຫງົບ

ບົດຄວາມຫຼ້າສຸດ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...

ນໍ້າຖ້ວມຂັງໃນຕົວເມືອງ ນວ ໃນ ໄລຍະລະດູຝົນ ເກີດຈາກຫຼາຍປັດໄຈ

ບັນຫານ້ຳຖ້ວມຂັງໃນຕົວເມືອງ-ຖ້ວມຖະໜົນຫົນທາງ ໃນນະຄອນຫຼວງວຽງຈັນ(ນວ) ໃນລະດູຝົນ ແມ່ນບັນຫາໜຶ່ງທີ່ເກີດຂຶ້ນເປັນປະຈຳທຸກໆປີ, ສ້າງຄວາມຫຍຸ້ງຍາກໃຫ້ແກ່ການດໍາລົງຊີວິດ ແລະ ຊັບສິນຂອງປະຊາຊົນ ເຮັດໃຫ້ການສັນຈອນເດີນທາງໄປມາ ມີຄວາມຫຍຸ້ງຍາກ ແລະ ສ້າງພາບພົດທີ່ບໍ່ດີ ໃຫ້ແກ່ການຈັດຕັ້ງລັດ ແລະ ອື່ນໆ. ທ່ານ...

ຍອດຜູ້ເສຍຊີວິດພຸ່ງຂຶ້ນ 109 ຄົນ ຈາກເຫດການນ້ຳຖ້ວມຮຸນແຮງໃນລັດເທັກຊັດ ສ.ອາເມລິກາ

ຍອດຜູ້ເສຍຊີວິດຈາກເຫດການນ້ຳຖ້ວມກະທັນຫັນໃນລັດເທັກຊັດ ເພີ່ມຂຶ້ນຢ່າງນ້ອຍ 109 ຄົນ ແລະ ເຈົ້າໜ້າທີ່ກຳລັງເລັ່ງດຳເນີນການຄົ້ນຫາຜູ້ສູນຫາຍອີກ 160 ຄົນ. ສຳນັກຂ່າວຕ່າງປະເທດລາຍງານ: ຍອດຜູ້ເສຍຊີວິດຈາກເຫດການນ້ຳຖ້ວມໃນລັດເທັກຊັດ ສ.ອາເມລິກາ ຕັ້ງແຕ່ວັນທີ 4 ກໍລະກົດ 2025...

ຜູ້ນຳສະຫະລັດ ບັນລຸຂໍ້ຕົກລົງກັບຫວຽດນາມ ຈະເກັບພາສີສິນຄ້ານຳເຂົ້າຈາກຫວຽດນາມ 20%

ໂດນັລ ທຣຳ ຜູ້ນຳສະຫະລັດເປີດເຜີຍວ່າ ໄດ້ບັນລຸຂໍ້ຕົກລົງກັບຫວຽດນາມແລ້ວ ໂດຍສະຫະລັດຈະເກັບພາສີສິນຄ້ານຳເຂົ້າຈາກຫວຽດນາມ 20% ຂະນະທີ່ສິນຄ້າຈາກປະເທດທີ 3 ສົ່ງຜ່ານຫວຽດນາມຈະຖືກເກັບພາສີ 40% ສຳນັກຂ່າວບີບີຊີລາຍງານໃນວັນທີ 3 ກໍລະກົດ 2025 ນີ້ວ່າ:...