ພະນາງ ພ້ອມທີມງານລະຄອນ “ແຕ່ປາງກ່ອນ” ເດີນທາງມາທ່ຽວຫຼວງພຣະບາງ

0
3385

ເມື່ອວັນທີ 17 ພຶດສະພາ 2017 ທີ່ຜ່ານມາ “ວິວ ວັນນະຣົດ” ຮັບບົດເປັນເຈົ້ານາງ ມ່ານແກ້ວ ແລະ “ສົນ ຍຸກສົນ” ທີ່ຮັບບົດເປັນ ທ່ານ ຊາຍ ພ້ອມທີມງານລະຄອນໄດ້ເດີນທາງມາທ່ຽວ ເມືອງ ຫຼວງພະບາງ ສປປລາວ ຖິ່ນຖານບ້ານເກີດຂອງເຈົ້ານາງ ມ່ານແກ້ວ ຍິງຄົນຮັກຂອງທ່ານ ຊາຍ ເຊິ່ງເປັນຕຳນານຄວາມຮັກທີ່ສຸດແສນໂຣແມນຕິກຂອງສອງຝັ່ງຂອງໃນສະໃໝກ່ອນ

ຄູ່ພະນາງ ທັງນາງເອກສາວ ວິວ ແລະ ພະເອກບ່າວ ສົນ ເບິ່ງຈາກໃນຮູບພາບທີ່ອັບລົງ IG ແລ້ວທັງຄູ່ມີສີໜ້າທີ່ມີຄວາມສຸກກັບການມາທ່ຽວພັກຜ່ອນໃນເທື່ອນີ້ ນອກຈາກນັ້ນພວກເຂົາຍັງໄດ້ໄປເລາະທີ່ຕະຫຼາດຫຼວງພະບາງ ແລະ ຍັງເລາະຊຶມອາຫານ ແຖມຍັງເອີ່ຍປາກຍ້ອງວ່າອາຫານທີ່ຫຼວງພະບາງນີ້ແຊບອີກດ້ວຍ ແລະ ຍັງຍ່າງຂຶ້ນຊົມພະທາດພູສີ ແລະ ແຫລ່ງທ່ອງທ່ຽວອື່ນໆໃນຕົວເມືອງຫຼວງພະບາງ ຍ້ອນທັງທີມງານ ແລະ ຄູ່ພະນາງກໍ່ເປັນຄົນສະບາຍສະບາຍ ອັດຖະຍາໃສດີ ຈິ່ງເຮັດໃຫ້ບໍ່ວ່າໄປທາງໃດຊາວຫຼວງພະບາງກໍ່ໃຫ້ການຕ້ອນຮັບເປັນຢ່າງດີ ສຳລັບແຜນການທ່ຽວຕອນນີ້ຍັງບໍ່ທັນໄດ້ຮັບການເປີດເຜີຍແນ່ນອນ ເອົາເປັນວ່າຖ້າມີຂ່າວຄາວຂອງທັງຄູ່ຄືບໜ້າໄປແນວໃດນັ້ນ ແອັດຈະມາລາຍງານໃຫ້ຊາບເປັນໄລຍະ.

ເຊິ່ງລະຄອນ ແຕ່ປາງກ່ອນ ແມ່ນອອກອາກາດ ທຸກວັນພຸດ-ພະຫັດ ເວລາ 20:00 ໂມງ, ທາງຊ່ອງ ONE 31 ເຊິ່ງປັດຈຸບັນກໍ່ກ້າວເຂົ້າພາກທີ 3 ແລ້ວ ພະເອກກັບນາງເອກຈະໄດ້ກັບມາພົບກັນອີກຄັ້ງ ເລື່ອງລາວກຳລັງເຂັ້ມຂຸ້ນກໍ່ລອງຕິດຕາມກັນເບິ່ງ

ຮູບພາບປະກອບຈາກ: kate_sonthichai/.instagram.

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.