ພຣະພຸດທະຮູບທອງ ທີ່ເຈົ້າອະນຸວົງ ແຫ່ງອານາຈັກລາວລ້ານຊ້າງ ໄດ້ຊົງສ້າງໄວ້ເພື່ອທົດແທນແລະລະນຶກເຖິງ ພຣະແກ້ວມໍຣະກົຕ

0
1756

ໄດ້ຄົ້ນເອກກະສານ ທີ່ຫໍຈົດຫມາຍເຫດແຫ່ງຊາດ ເມື່ອຫລາຍເດືອນກ່ອນ ດີໃຈທີ່ສຸດທີ່ໄດ້ພົບເຫັນຮູບພາບແຜ່ນນີ້ ພຣະທຽມພຣະແກ້ວມໍຣະກົດເຈົ້າ ເຊິ່ງມີການສັນນິຖານວ່າຮູບນີ້ຕ້ອງຖ່າຍໃນສະໄຫມຕອນທີ່ປະດິດສະຖານຢູ່ທີ່ ພິພິຕະພັນແຫ່ງຊາດ ພຣະນະຄອນ (ບາງກອກ) ກ່ອນທີຈະສົ່ງມອບມາໃຫ້ພິພິດຕະພັນສະຖານແຫ່ງຊາດ ອຸບົນຣາຊະທານີ ຈັດສະແດງໃນປີ ພສ 2532 ຄສ 1989

ພຣະພຸດທະຮູບທອງປາງສະມາທິ ສິລະປະລາວ ເຊິ່ງປະຈຸບັນປະດິດສະຖານ ທີ່ ພິພິຕະພັນສະຖານແຫ່ງຊາດອຸບົນຣາຊະທານີ ( ຍ້ານມາຈາກພິພິຕະພັນສະຖານແຫ່ງຊາດ ພຣະນະຄອນ ບາງກອກ) ເຊິ່ງຂໍມູນທີ່ຈາຣຶກໃນຖານຂອງພຣະອົງນີ້ເຊື່ອວ່າ ເຈົ້າອະນຸວົງ ເປັນຜູ້ໂປຣດໃຫ້ຊົງສ້າງຂຶ້ນ ເມື່ອປີ ພສ 2369 ຄສ 1826

“… ຈຸລະສັງກາດໄດ້ພັນຮ້ອຍ 88 ຕົວ ປີຈໍ ອັກຖະສົກ ໄທວ່າປີຣະວາຍເສັດ ເດືອນ 10 ຂຶ້ນ 10 ຄ່ຳ ວັນ 1 ປະກອບດ້ວຍນັກຂັດຖະເຣິກ ຖືກຫນ່ວຍຊື່ວ່າ ບຸບພາສາດ ໂອກາດ ພຣະວໍຣະມິດ ລູກສະນິດສະຖິດໃນທະນູຣາສີ ເວລາເຊົ້າ ສົມເດັດພຣະຣາຊເຊດຖາອາປະນະຄາມາທິຣາຊ ຊາຕິສາຍະສຸຣິຍະວົງ ປະກອບດ້ວຍໂສມມະນັສ ອະສັງຂາຣິກຍານສັມປະຍຸຕະກຸສົນ ເຈຕະນາໃນພຣະພຸທທະສາສະໜາເປັນຢ່າງຍິ່ງ ຈຶ່ງຫລໍ່ພຣະພຸທທະເຈົ້າ ນ້ຳຫນັກ 2 ຫມື່ນ 5 ພັນ ທຽມພຣະແກ້ວມໍຣະກົດເຈົ້າ ໄວ້ເພື່ອໃຫ້ເປັນ ທິຖະຖານະນຸສະຕິຈິຣັດຖະຖິຕິກາລ ຫມັ້ນຄົງແກ່ພຣະພຸດທະສາສະ ໜາ ເທົ່າ 5 ພັນພຣະວັສສາ ເປັນທີ່ໄຫວເພື່ອເຄົາຣົບບູຊາ ແກ່ຄົນ ແລະ ເທພາ ອິນທຣ໌ ພຣົມ ຍົມມະຣາຊ ຄຸດ ນາກທັງຫລາຍ ນິພພານະປັຈຈະໂຍ ໂຫຕຸ  …”

(ເທິມ ມີເຕັມ ອ່ານ ແປລ ອະທິບາຍ ຈາກເມືອງອຸບົນຣາຊະທານີ ກົມສິລະປະກອນ ຈັດພິມ ເນື່ອງໃນວາໂຣກາສ ສົມເດັດພຣະເທພຯ ສະເດັດພຣະຣາຊດຳເນີນຊົງເປີດພິພິຕະພັນສະຖານແຫ່ງຊາດ ອຸບົນຣາຊະທານີ ເມື່ອວັນທີ່ 30 ມີຖຸນາ 1989
ຂໍ້ມູນແລະຮູບພາບໄດ້ຈາກເພຈ : Pakorn Pukkahuta

ທີ່ມາຂ່າວຈາກ: Art and Culture of Laos
ຕິດຕາມນານາສາລະ ກົດໄລຄ໌ເລີຍ!

ອອກ​ຈາກ REPLY ເປັນ

Please enter your comment!
Please enter your name here

This site uses Akismet to reduce spam. Learn how your comment data is processed.